Servicio de información y relaciones públicas

Buxoro davlat universitetiga xitoy tili o‘qituvchisi tashrif buyurdi.

Tashrif davomida mehmon universitet rahbariyati tomonidan kutib olindi. Uchrashuvda universitetda xitoy tili va madaniyati markazi faoliyatini yanada kengaytirish, markaz huzurida til kurslari, madaniy-ma’rifiy tadbirlar va amaliy uchrashuvlarni tashkil etish masalalari muhokama qilindi.

Shuningdek, O‘zbekistonda faoliyat yuritayotgan xitoylik mutaxassislar, tadbirkorlar hamda turli soha vakillari uchun xitoy tili va madaniyatiga oid tadbirlarni yo‘lga qo‘yish bo‘yicha fikr almashildi.

Shundan so‘ng mehmon universitetda xorijlik talabalar va o‘qituvchilar uchun yaratilgan sharoitlar bilan yaqindan tanishdi. Shuningdek, kelgusida universitet huzurida tashkil etilishi rejalashtirilayotgan HSK imtihonlari bo‘yicha o‘z taklif va mulohazalarini bildirdi.

Tashrif yakunida tomonlar xitoy tili ta’limi, madaniy almashinuv va xalqaro hamkorlik yo‘nalishlarida aloqalarni izchil rivojlantirishga tayyor ekanliklarini ta’kidladilar.