Al-Farobiy nomidagi Qozog‘iston davlat universiteti vakili bilan hamkorlik masalalari muhokama qilindi

Al-Farobiy nomidagi Qozog‘iston davlat universiteti xalqaro aloqalar bo‘limi boshlig‘i Esbol O‘mirjonov Berdaq nomidagi Qoraqalpoq davlat universitetida bo‘ldi. Tashrif doirasida u universitet rektori B.Jollibekov bilan uchrashib, o‘zaro hamkorlik masalalarini yanada rivojlantirish bo‘yicha suhbatlashdi. Uchrashuv davomida tomonlar ilmiy-tadqiqot ishlari, akademik almashinuv dasturlari va xalqaro loyihalarni kengaytirish istiqbollarini muhokama qildilar. Shuningdek, ilg‘or aloqalarni yanada mustahkamlash, yangi yo‘nalishlarda hamkorlikni rivojlantirish va tajriba almashishni yo‘lga qo‘yish bo‘yicha takliflar bildirildi. Ushbu uchrashuv ikki oliy ta’lim muassasasi o‘rtasidagi aloqalarni yangi bosqichga olib chiqish, hamkorlikni yanada takomillashtirish va o‘zaro manfaatli loyihalarni amalga oshirish uchun muhim qadam bo‘lib xizmat qiladi.