Qurilish muhandisligi

  Qurilish muhandisligi

  Qurilish muhandisligi yo'nalishi — bu binolar, inshootlar, ko'priklar, yo'llar va boshqa muhandislik tizimlarini
  loyihalash, qurish va ekspluatatsiya qilish bo'yicha keng qamrovli bilim va amaliy ko'nikmalarni shakllantirishga
  qaratilgan zamonaviy ta'lim dasturidir. Dastur fundamental muhandislik fanlari, zamonaviy qurilish texnologiyalari va
  raqamli loyihalash vositalarini chuqur o'zlashtirishga asoslangan.

  Dasturning maqsadi

  Bitiruvchilarni xalqaro talablarga javob beradigan qurilish loyihalarini ishlab chiqish, ularning xavfsizligini,
  mustahkamligini va iqtisodiy samaradorligini ta'minlash qobiliyatiga ega bo'lgan yuqori malakali
  muhandis-mutaxassislar sifatida tayyorlashdan iborat.

  Asosiy o'quv fanlari:

  • Nazariy mexanika va materiallar qarshiligi
  • Qurilish konstruksiyalari (po'lat, temir-beton, yog'och)
  • Muhandislik geodeziyasi va geologiyasi
  • Qurilish materiallari va texnologiyalari
  • Bino va inshootlar arxitekturasi
  • AutoCAD, Revit, BIM texnologiyalari
  • Qurilish iqtisodi va menejmenti
  • Seysmik mustahkamlik va zilzilabardosh loyihalash

  Egallaniladigan ko'nikmalar:

  • Qurilish loyihalarini ishlab chiqish va texnik hujjatlar tayyorlash
  • Zamonaviy CAD/BIM dasturiy ta'minoti bilan ishlash
  • Konstruksiyalarning statik va dinamik hisob-kitoblarini bajarish
  • Qurilish ishlarini boshqarish va sifat nazoratini olib borish
  • Smeta va xarajatlar tahlilini tuzish

  Kasbiy istiqbollari

  Bitiruvchilar fuqarolik va sanoat qurilishi tashkilotlarida loyihachi-muhandis, qurilish maydonida bosh muhandis,
  BIM-menejer, smetachi, qurilish nazorati mutaxassisi, davlat va xususiy loyihalash institutlarida ekspert, shuningdek
  o'z biznesini yuritish imkoniyatiga ega bo'ladilar.

  Davomiyligi: 4 yil (Bakalavr) | Ta'lim shakli: Kunduzgi