Qiyosiy tilshunoslik, lingvistik tarjimashunoslik: ingliz tili

Qiyosiy tilshunoslik, lingvistik tarjimashunoslik: ingliz tili magistratura mutaxassisligi ingliz tili, qiyosiy tilshunoslik, tarjima nazariyasi va amaliyoti, madaniyatlararo kommunikatsiya hamda lingvistik tadqiqot metodlarini chuqur o‘rganishga yo‘naltirilgan. Dastur davomida magistrantlar tillarning tuzilishi, semantik va pragmatik xususiyatlari, matn tahlili, tarjima jarayoni, terminologiya va ilmiy izlanish olib borish ko‘nikmalarini egallaydilar.

Mazkur mutaxassislik bitiruvchilari oliy ta’lim muassasalari, ilmiy-tadqiqot tashkilotlari, tarjima markazlari, xalqaro tashkilotlar, nashriyotlar, ta’lim va madaniyat muassasalarida faoliyat yuritishlari mumkin. Dastur ingliz tili bo‘yicha chuqur bilimga ega, tarjima va lingvistik tahlilni professional darajada amalga oshira oladigan, ilmiy-pedagogik faoliyatga tayyor yuqori malakali mutaxassislarni tayyorlashga qaratilgan.