Tasviriy san’at va muhandislik grafikasi

Tasviriy san’at va muhandislik grafikasi ta’lim yo‘nalishi bo‘yicha bakalavrlar kasbiy faoliyatining sohalari:

• umumiy o‘rta ta’lim maktabi o‘qituvchisi kasb standartiga muvofiq umumiy o‘rta ta’limda tasviriy san’at va chizmachilik fanlari o‘qituvchisi maqomida pedagogik faoliyat olib borish;

• o‘rta maxsus va professional ta’limda tasviriy san’at va chizmachilik fanlari o‘qituvchisi sifatida pedagogik faoliyat olib borish;

• O‘zbekiston Respublikasi Badiiy akademiyasi va tarmoq ilmiy-tadqiqot institutlarida hamda mustaqil tadqiqotchi sifatida ilmiy-pedagogik tadqiqot ishlari bilan shug‘ullanish;

• umumiy o‘rta ta’lim maktabi direktori kasb standartiga muvofiq ta’lim muassasasini boshqarish;

• umumiy o‘rta ta’lim maktablari, professional ta’lim muassasalari va oliy ta’lim muassasalarida laborant hamda kabinet mudiri sifatida faoliyat yuritish.

Mazkur yo‘nalish bitiruvchilarining kasbiy faoliyati ta’lim, ilmiy-tadqiqot va boshqaruv sohalaridagi kompleks vazifalar majmuasini qamrab oladi.