Xorijiy til va adabiyoti (ingliz tili)

O’zbekiston davlat jahon tillari universiteti

60111800 - Xorijiy til va adabiyoti (ingliz tili)  Taʼlim shakli - kechki

Bu yo‘nalishda tahsil olgan bakalavr talabalar ingliz tili va pedagogika sohasiga oid fanlarni mukammal o‘rganadi.

              1-bosqichda Majburiy fanlar Umumiy psixologiya, Oʻzbekistonning eng yangi tarixi, Mediasavodxonlik va axborot madaniyati, Аmaliy oʼzbek (rus) tili, Falsafa, Oʼqish va yozuv amaliyoti, Nutq koʼnikmalari integratsiyasi, Til aspektlari amaliyoti, Аmaliy tilshunoslik (Roman-german tillari) fanlari o’tiladi hamda belgilangan joylarda Malakaviy amaliyot o’tashadi.

              2-3-4bosqichlarda Majburiy fanlar, Oʻquv rejaga kiritiladigan ixtisoslikka oid fanlar, tanlov fanlari o`tiladi hamda belgilangan joylarda Malakaviy  amaliyot olib boriladi.

              5-bosqichda Belgilangan joylarda Pedagogik amaliyot olib boriladi hamdaYakuniy davlat attestatsiyasi o’tkaziladi.

              5 yillik o‘qishni muvaffaqiyatli bitirgandan so‘ng talabalarga ingliz tili va adabiyoti o'qituvchisi bo`yicha bakalavr darajasi beriladi.

              1 kredit 30 akademik soatni tashkil qiladi.

              GPA ko‘rsatkichi har yili avgust oyining uchinchi haftasida aniqlanadi.

              Tanlov fanlari bloki OTM Kengashi qarori bilan mehnat bozori va kadrlar buyurtmachilarining talablari, moslanuvchanligi va harakatchanligini ta'minlovchi fanlar majmuasidan belgilanadi.

              O‘quv reja asosida ishchi o‘quv rejasini tuzishda talabalar yuklamasining haftalik hajmini saqlagan holda o‘quv fanlari bloki hajmini 5 % gacha, bloklar tarkibidagi fanlar hajmini 10% gacha o‘zgartirish hamda auditoriya yuklamasining umumiy hajmini saqlagan holda ayrim semestrlarda haftalik yuklamalar hajmini erkin belgilash mumkin.

              Yakuniy davlat attestatsiyasi muddatlari tarkibiga bitiruv malakaviy ishini himoya qilish ham kiradi.

              O‘quv rejaga kiritiladigan ixtisoslikka oid fanlarning amaliy mashg‘ulotlari oliy ta'lim muassasasi hamda bazaviy tashkilot muassasalarda o‘tkaziladi.

              Nazariy va amaliyot yaxlitligini ta'minlash uchun talabalarning malakaviy amaliyotlari 1-2-3-5 semestrlarda 4+2 tartibda amalga oshiriladi. Bunda haftaning 4 kunida nazariy va amaliy ta’lim, 2 kunida pedagogik amaliyot o‘tkaziladi.