Tarix (yo‘nalishlar va faoliyat turi bo‘yicha)

“Gumanitar fanlar” ta’lim sohasiga oid mutaxassislik bo‘lib, u oliy ta’lim, qayta tayyorlash va malaka oshirish hamda professional ta’lim muassasalarida tarix fanlariga oid mutaxassislik fanlarini o‘qitish, O‘zbekiston Respublikasi Fanlar akademiyasi tizimidagi ilmiy-tadqiqot institutlari, markazlari va ilmiy ishlab chiqarish birlashmalarida ilmiy-tadqiqot faoliyatini olib borish, shuningdek davlat va nodavlat tashkilotlarida, arxiv muassasalarida, muzeylarda, madaniy merosni saqlash va o‘rganish bilan bog‘liq tashkilotlarda faoliyat yuritish uchun yuqori malakali mutaxassislarni tayyorlashni nazarda tutadi. Mazkur mutaxassislik tarixiy jarayonlarni ilmiy asosda tahlil qilish, tarixiy manbalarni o‘rganish va sharhlash, boshqaruv qarorlarini ishlab chiqish hamda amaliyotga tatbiq etish bo‘yicha kasbiy ko‘nikma va malakalarni shakllantirishga xizmat qiladi.

Tarkib va o‘quv rejasi

O‘quv dasturi davomida magistrlar O‘zbekiston va jahon tarixi, tarixiy tadqiqot metodologiyasi, manbashunoslik, tarixshunoslik, arxivshunoslik, madaniy merosni o‘rganish va saqlash, tarixiy geografiya, sivilizatsiyalar tarixi, ijtimoiy-siyosiy jarayonlar tahlili hamda zamonaviy ilmiy-tadqiqot usullari bo‘yicha nazariy va amaliy bilimlarga ega bo‘ladilar. Shuningdek, tarixiy ma’lumotlarni tahlil qilish, ilmiy tadqiqotlar olib borish, tarixiy manbalar bilan ishlash va ularni tizimli tahlil qilish bo‘yicha zarur ko‘nikmalarni egallaydilar.

Dasturni o‘rganish natijalari

Dasturni muvaffaqiyatli tamomlagandan so‘ng bitiruvchilar:

• oliy ta’lim, qayta tayyorlash va malaka oshirish hamda professional ta’lim muassasalarida pedagogik faoliyat olib borish;
• Fanlar akademiyasi tizimidagi ilmiy-tadqiqot institutlari va markazlarida hamda oliy ta’lim muassasalarida ilmiy-tadqiqot faoliyatini amalga oshirish;
• tarixiy jarayonlar va ijtimoiy-siyosiy hodisalarni ilmiy asosda tahlil qilish;
• arxiv, muzey va madaniy meros muassasalarida faoliyat yuritish va ularni boshqarish;
• tarixiy manbalarni yig‘ish, tahlil qilish va ilmiy talqin etish;
• tarixiy jarayonlarning ijtimoiy va madaniy ta’sirini baholash va prognozlash;
• ilmiy-tadqiqot ishlarini rejalashtirish va amalga oshirish;
• tarixiy hujjatlar va statistik ma’lumotlarni tahlil qilish va tizimlashtirish;
• madaniy merosni saqlash, o‘rganish va targ‘ib qilish bo‘yicha ilmiy-amaliy takliflar ishlab chiqish ko‘nikmalariga ega bo‘ladilar.