Xalqaro munosabatlar va tahlil: Yevropa va Osiyo tadqiqotlari yo'nalishi bo'yicha

Mazkur magistratura dasturi Yevropa va Osiyo mintaqalarining siyosiy, iqtisodiy, ijtimoiy va madaniy rivojlanish jarayonlarini chuqur tahlil qila oladigan yuqori malakali mutaxassislarni tayyorlashga qaratilgan. Talabalar xalqaro munosabatlar nazariyasi, geosiyosat, mintaqaviy xavfsizlik, tashqi siyosat, xalqaro tashkilotlar faoliyati hamda zamonaviy tahliliy usullarni kompleks ravishda o‘rganadilar. Dastur davomida analitik hisobotlar tayyorlash, siyosiy va iqtisodiy jarayonlarni prognozlash, ilmiy tadqiqotlar olib borish hamda xalqaro muzokaralarda ishtirok etish bo‘yicha amaliy ko‘nikmalar shakllantiriladi. O‘quv jarayoni Yevropa va Osiyo mamlakatlari bo‘yicha mintaqashunoslik, strategik tahlil, diplomatik amaliyot va xalqaro hamkorlik yo‘nalishlari bilan uyg‘unlashtirilgan. Bitiruvchilar Tashqi ishlar vazirligi, diplomatik vakolatxonalar, xalqaro va mintaqaviy tashkilotlar, ilmiy-tahliliy markazlar, davlat boshqaruvi organlari hamda xalqaro kompaniyalarda ekspert, tahlilchi va ilmiy-pedagogik mutaxassis sifatida muvaffaqiyatli faoliyat yuritishlari mumkin.