Yurisprudensiya

Yurisprudensiya ta’lim yo‘nalishi — huquqiy davlat va fuqarolik jamiyatini rivojlantirishda muhim o‘rin tutadigan mutaxassislarni tayyorlashga qaratilgan yo‘nalish hisoblanadi. Ushbu yo‘nalishda talabalar konstitutsiyaviy huquq, fuqarolik huquqi, jinoyat huquqi, mehnat huquqi, ma’muriy huquq, xalqaro huquq hamda sud-huquq tizimi kabi fanlarni chuqur o‘rganadilar.

Ta’lim jarayonida nazariy bilimlar bilan bir qatorda huquqiy hujjatlar bilan ishlash, sud amaliyotini tahlil qilish, yuridik masalalarni yechish va huquqiy maslahat berish ko‘nikmalari shakllantiriladi. Talabalar zamonaviy axborot texnologiyalaridan foydalangan holda huquqiy tadqiqotlar olib borish va amaliy faoliyat yuritish malakalariga ega bo‘ladilar.

Mazkur yo‘nalish bitiruvchilari sud organlari, prokuratura, advokatura, notariat, davlat va xo‘jalik boshqaruvi organlari, huquqni muhofaza qiluvchi tashkilotlar, banklar, korxonalar hamda xususiy yuridik kompaniyalarda faoliyat yuritish imkoniyatiga ega bo‘ladilar. Yurisprudensiya yo‘nalishi adolat, qonun ustuvorligi va inson huquqlarini ta’minlashga xizmat qiladigan malakali huquqshunoslarni tayyorlaydi