Yengil sanoat muhandisligi

Buxoro Davlat Texnika Universiteti

Yengil Sanoat Muhandisligi Yo'nalishi
Ma'lumot?

To'qimachilik, tikuvchilik va boshqa yengil sanoat tarmoqlari O'zbekiston iqtisodiyotining eksport salohiyati yuqori bo'gan sohalaridan biri hisoblanadi. Buxoro davlat texnika universitetidagi Yengil sanoat muhandisligi yo'nalishi to'qimachilik va tikuvchilik ishlab chiqarish jarayonlarini zamonaviy texnologiyalar asosida loyihalashtirish va boshqara oladigan muhandislarni tayyorlaydi. Dastur xalqaro yengil sanoat standartlarini O'zbekiston ishlab chiqarish korxonalarining real ehtiyojlari bilan uyg'unlashtiradi.

Nimalarni o'rganasiz?

• To'qimachilik materialshunosligi – tabiiy va sintetik tolalar, gazlama va ip xususiyatlarini o'rganish.
• Tikuvchilik va trikotaj ishlab chiqarish texnologiyasi – kiyim-kechak va trikotaj buyumlarini loyihalash, modellashtirish va tikish texnologiyalari.
• Yengil sanoat jihozlari va uskunalari – ishlab chiqarish liniyalarida qo'llaniladigan zamonaviy texnika va avtomatlashtirilgan tizimlarni boshqarish.
• Mahsulot sifatini nazorat qilish va standartlashtirish – tayyor mahsulot sifatini baholash, xalqaro sifat standartlariga muvofiqlikni ta'minlash.
• Dizayn va modellashtirish asoslari – kiyim va to'qimachilik mahsulotlari dizaynini ishlab chiqish, zamonaviy dasturiy ta'minotdan foydalanish.
• Ishlab chiqarish jarayonlarini tashkil etish – fabrika va korxonalarda texnologik jarayonlarni rejalashtirish va boshqarish.
• Yengil sanoat iqtisodiyoti va menejmenti – mahsulot tannarxini hisoblash, ishlab chiqarishni rejalashtirish va bozorga chiqarish strategiyalari.

Talaba nimalarga erishadi?

Bitiruvchi to'qimachilik va tikuvchilik korxonalarida ishlab chiqarish jarayonini ilmiy-texnik asosda tashkil eta oladigan muhandis sifatida shakllanadi. U ishlab chiqarish jarayonidagi texnologik muammolarni tahlil qilib, ularga amaliy va iqtisodiy jihatdan asoslangan yechimlar taklif eta oladi. Talaba zamonaviy to'qimachilik jihozlarini boshqarish, mahsulot sifatini nazorat qilish va dizayn ishlarini olib borish ko'nikmalarini egallaydi, bu esa uni yengil sanoat sohasidagi muhandislik va rahbariyat lavozimlariga tayyorlaydi.

Nega ushbu dastur?

• O'quv reja xalqaro to'qimachilik maktablarining tajribasi va zamonaviy yengil sanoat tendensiyalari asosida shakllantirilgan.
• Real ishlab chiqarish korxonalari misolida amaliy mashg'ulotlar orqali nazariya tezda tajribaga aylantiriladi.
• Birinchi kursdan boshlab universitet laboratoriyalari va ustaxonalarida amaliy mashg'ulotlar tashkil etiladi.
• Mahalliy va xalqaro to'qimachilik korxonalarida stajirovka o'tash imkoniyati mavjud.
• Bitiruvchilar uchun o'z ishlab chiqarish korxonasini tashkil etish, yengil sanoatda ishlash va magistraturaga kirish yo'llari ochilgan.

O'qish usuli?

Ta'lim jarayoni nazariy bilimni amaliy ishlab chiqarish tajribasi bilan bog'lash asosida tashkil etiladi:

• Ma'ruza va interaktiv muhokama mashg'ulotlari
• Ustaxona va laboratoriyalarda amaliy mashg'ulotlar
• To'qimachilik va tikuvchilik korxonalarida ishlab chiqarish amaliyoti
• Loyiha asosida jamoaviy ishlar va mustaqil tadqiqotlar