Lingvistika (ingliz tili)

Lingvistika (ingliz tili) magistratura mutaxassisligi – “Gumanitar fanlar” ta’lim sohasiga oid mutaxassislik bo‘lib, u oliy ta’lim, qayta tayyorlash va malaka oshirish hamda professional ta’lim muassasalarida ingliz tili va tilshunoslikka oid mutaxassislik fanlarini o‘qitish, O‘zbekiston Respublikasi Fanlar akademiyasi tizimidagi ilmiy-tadqiqot institutlari, markazlari va ilmiy ishlab chiqarish birlashmalarida ilmiy-tadqiqot faoliyatini olib borish, shuningdek davlat va nodavlat tashkilotlarida, xalqaro tashkilotlarda, tarjima markazlarida, ommaviy axborot vositalarida hamda xorijiy tillar va madaniyatlararo muloqot bilan bog‘liq sohalarda faoliyat yuritish uchun yuqori malakali mutaxassislarni tayyorlashni nazarda tutadi. Mazkur mutaxassislik ingliz tilining nazariy va amaliy jihatlarini ilmiy asosda tahlil qilish, lingvistik jarayonlarni o‘rganish, tarjimashunoslik va madaniyatlararo kommunikatsiya masalalarini hal etish hamda zamonaviy tilshunoslik yutuqlarini amaliyotga tatbiq etish bo‘yicha kasbiy ko‘nikma va malakalarni shakllantirishga xizmat qiladi.

Tarkib va o‘quv rejasi

O‘quv dasturi davomida magistrlar umumiy tilshunoslik, ingliz tili nazariyasi, qiyosiy tilshunoslik, amaliy lingvistika, matn lingvistikasi, pragmalingvistika, sotsiolingvistika, psixolingvistika, tarjimashunoslik, diskurs tahlili, madaniyatlararo kommunikatsiya hamda zamonaviy lingvistik tadqiqot metodologiyasi bo‘yicha nazariy va amaliy bilimlarga ega bo‘ladilar. Shuningdek, lingvistik ma’lumotlarni tahlil qilish, ilmiy tadqiqotlar olib borish, ingliz tilining funksional xususiyatlarini o‘rganish, tarjima jarayonlarini tashkil etish va tilshunoslik sohasida zamonaviy axborot-kommunikatsiya texnologiyalaridan foydalanish bo‘yicha zarur ko‘nikmalarni egallaydilar.

Dasturni o‘rganish natijalari

Dasturni muvaffaqiyatli tamomlagandan so‘ng bitiruvchilar:

• oliy ta’lim, qayta tayyorlash va malaka oshirish hamda professional ta’lim muassasalarida pedagogik faoliyat olib borish;
• Fanlar akademiyasi tizimidagi ilmiy-tadqiqot institutlari va markazlarida hamda oliy ta’lim muassasalarida ilmiy-tadqiqot faoliyatini amalga oshirish;
• ingliz tili va lingvistik jarayonlarni ilmiy asosda tahlil qilish;
• tilshunoslik, tarjimashunoslik va madaniyatlararo kommunikatsiya sohalarida ilmiy-amaliy faoliyat yuritish;
• lingvistik ma’lumotlarni yig‘ish, qayta ishlash va tizimli tahlil qilish;
• zamonaviy lingvistik tadqiqot usullaridan samarali foydalanish;
• tarjima faoliyatini tashkil etish va turli matnlarni ilmiy asosda tahlil qilish;
• fan va texnika yutuqlarini tilshunoslik va tarjimashunoslik sohasidagi amaliy faoliyatga tatbiq etish;
• qabul qilinadigan qarorlarning ilmiy va amaliy samaradorligini baholash hamda asoslash;
• davlat va nodavlat tashkilotlari, xalqaro tashkilotlar, tarjima markazlari va ommaviy axborot vositalarida kasbiy faoliyatni amalga oshirish;
• ingliz tili va tilshunoslik sohasini rivojlantirishga qaratilgan ilmiy-amaliy tavsiyalar ishlab chiqish ko‘nikmalariga ega bo‘ladilar.