Lingvistika (rus tili)

Magistr Kunduzgi 2 yil

Dastur haqida

70230101 – Lingvistika (rus tili). Magistratura mutaxassisligi rus tilshunosligining nazariy va amaliy masalalarini — rus tilining fonetik-fonologik, morfologik, so'z yasalishi, sintaktik va semantik tizimlarini chuqur o'rganish, rus va o'zbek tillarini qiyosiy-tipologik tadqiq etish, rus tili tarixi va zamonaviy holati, sotsiolingvistika, psixolingvistika, pragmatika va diskurs tahlili, korpus lingvistikasi va kompyuter lingvistikasi, rus tilidan/tiliga tarjima nazariyasi va amaliyoti hamda rus tilini xorijiy til sifatida o'qitishning (РКИ) zamonaviy metodologiyasi asosida mustaqil ilmiy tadqiqot olib borish bilan bog'liq kasbiy sohalar majmuasini qamrab oladi. Bitiruvchilar oliy ta'lim muassasalarida rus tili va adabiyoti o'qituvchisi va katta o'qituvchi, O'zbekiston Respublikasi Fanlar akademiyasi va tarmoq ilmiy-tadqiqot institutlarida ilmiy xodim, rus tilini o'rgatish va sertifikatlash (ТРКИ) markazlarida metodist va ekspert, davlat boshqaruvi organlari, mahalliy va xalqaro tashkilotlarda rus tili bo'yicha tarjimon va maslahatchi, nashriyotlar va ommaviy axborot vositalarida muharrir va musahhih, shuningdek tayanch doktorantura (PhD) da ilmiy faoliyatini davom ettirish imkoniyatiga ega bo'ladi.