Materialshunoslik va materiallar texnologiyasi

70720301-Materialshunoslik va materiallar texnologiyasi magistratura ta’lim yo‘nalishi talaba bir semestrda 30 kredit, bir o‘quv yilida esa 60 kredit to‘plashi lozim. O‘qish muddati 2 yil bo‘lib, talaba dastur yakunlangunga qadar jami 120 kredit to‘plashi shart. Bir ECTS kreditning soatlardagi miqdori 30 akademik soatni tashkil etadi. Talabaning bir yillik o‘quv yuklamasi 1800 akademik soatdan iborat bo‘lib, shundan 40% auditoriya mashg‘ulotlari, 60% mustaqil ta’lim soatlariga to‘g‘ri keladi. Semestr davomida talaba tomonidan o‘zlashtirilishi zarur bo‘lgan kreditlar hajmi fanlar katalogida ko‘rsatilgan majburiy va tanlov fanlari, ilmiy-tadqiqot ishlari hamda magistrlik dissertatsiyasini o‘z ichiga oladi.