Dasturiy ta’minot

60610600 – Dasturiy injiniring. Dasturiy ta'minotni loyihalash, ishlab chiqish, sinovdan o'tkazish va joriy etishning to'liq hayotiy siklini boshqarish, dasturlash tillari va algoritmlash, ma'lumotlar tuzilmasi va ma'lumotlar bazalari, veb- va mobil ilovalar yaratish, dasturiy ta'minot arxitekturasi va sifatini ta'minlash, DevOps va bulutli texnologiyalar hamda axborot xavfsizligi asoslarini egallash bilan bog'liq kasbiy sohalar majmuasini qamrab oladi. Bitiruvchilar dasturiy ta'minot ishlab chiqish kompaniyalarida dasturchi, veb- va mobil dasturchi, sifat muhandisi (QA) va tizim tahlilchisi, davlat va nodavlat tashkilotlarining axborot texnologiyalari bo'limlarida dasturiy ta'minot muhandisi, banklar, telekommunikatsiya va raqamli xizmatlar sohasida AT-mutaxassis va loyiha rahbari, shuningdek oliy va o'rta maxsus ta'lim muassasalari hamda ilmiy-tadqiqot markazlarida faoliyat olib borish imkoniyatiga ega bo'ladi.