Dasturiy injiniring

  Dasturiy injiniring

  Dasturiy injiniring yo'nalishi — bu zamonaviy dasturiy ta'minotni loyihalash, ishlab chiqish, sinovdan o'tkazish va
  texnik xizmat ko'rsatish bo'yicha keng qamrovli bilim va amaliy ko'nikmalarni shakllantiruvchi zamonaviy ta'lim
  dasturidir. Dastur talabalarni global IT-sanoatining yetakchi standartlari, Agile/Scrum metodologiyalari va sun'iy
  intellekt asridagi dasturlash texnologiyalari bilan tanishtiradi.

  Dasturning maqsadi

  Bitiruvchilarni xalqaro miqyosdagi IT-loyihalarda mustaqil ishlash, full-stack ilovalar yaratish, sun'iy intellektga
  asoslangan tizimlarni loyihalash va innovatsion dasturiy yechimlarni ishlab chiqish qobiliyatiga ega bo'lgan yuqori
  malakali software engineer-mutaxassislar sifatida tayyorlashdan iborat.

  Asosiy o'quv fanlari:

  • Algoritmlar va ma'lumotlar strukturalari
  • Obyektga yo'naltirilgan dasturlash (Java, C#, Python)
  • Web-ishlab chiqish (HTML/CSS, JavaScript, React, Node.js)
  • Mobil ilovalar ishlab chiqish (Flutter, React Native, Swift, Kotlin)
  • Ma'lumotlar bazalari (SQL, PostgreSQL, MongoDB)
  • Dasturiy ta'minotni loyihalash va arxitektura (Clean Architecture, Microservices)
  • DevOps, CI/CD va bulutli xizmatlar (Docker, Kubernetes, AWS)
  • Sun'iy intellekt va mashina o'rganish asoslari

  Egallaniladigan ko'nikmalar:

  • To'liq tsiklli dasturiy ta'minot ishlab chiqish (frontend, backend, database)
  • Agile/Scrum metodologiyalari asosida jamoada ishlash va Git bilan versiyalarni boshqarish
  • Kod sifati, sinovlar (unit testing, integration testing) va refactoring
  • REST API va GraphQL servislarini loyihalash va integratsiya qilish
  • Sun'iy intellekt modellarini dasturiy yechimga integratsiya qilish

  Kasbiy istiqbollari

  Bitiruvchilar xalqaro IT-kompaniyalarda Full-Stack Developer, Mobile Developer, Backend/Frontend Engineer, DevOps
  Engineer, Software Architect, banklar va FinTech start-aplarda dasturchi-injiner, sun'iy intellekt yo'nalishida ML
  Engineer, freelance loyihalarda mustaqil mutaxassis, shuningdek o'z IT-mahsuloti yoki start-apini ishga tushirish
  imkoniyatiga ega bo'ladilar.

  Davomiyligi: 4 yil (Bakalavr) | Ta'lim shakli: Kunduzgi