Dasturiy injiniring

Dasturiy injiniring ta’lim yo‘nalishi — zamonaviy dasturiy ta’minotlarni loyihalash, ishlab chiqish, sinovdan o‘tkazish va qo‘llab-quvvatlash bo‘yicha yuqori malakali mutaxassislarni tayyorlashga qaratilgan yo‘nalishdir.

Ushbu yo‘nalishda talabalar dasturlash tillari, algoritmlar va ma’lumotlar tuzilmalari, ma’lumotlar bazasi, veb va mobil ilovalar yaratish, dasturiy ta’minot arxitekturasi, sun’iy intellekt hamda axborot xavfsizligi fanlarini o‘rganadilar. Ta’lim jarayonida nazariy bilimlar amaliy mashg‘ulotlar bilan uyg‘unlashtirilib, talabalarda turli murakkablikdagi dasturiy mahsulotlarni yaratish va boshqarish ko‘nikmalari shakllantiriladi.

Bitiruvchilar IT kompaniyalari, dasturiy ta’minot ishlab chiqaruvchi korxonalar, banklar, telekommunikatsiya tashkilotlari hamda davlat va xususiy sektordagi axborot texnologiyalari bo‘limlarida faoliyat yuritishlari mumkin.