Dasturiy injiniring

Dasturiy injiniring (Software Engineering) yo‘nalishi zamonaviy dasturiy mahsulotlarni loyihalash, ishlab chiqish, testdan o‘tkazish va qo‘llab-quvvatlash bo‘yicha yuqori malakali mutaxassislarni tayyorlashga qaratilgan. Dastur talabalarni dasturlash tillari, algoritmlar va ma’lumotlar tuzilmalari, dasturiy tizimlar arxitekturasi, ma’lumotlar bazalari va dasturiy ta’minot ishlab chiqish metodologiyalari bilan chuqur tanishtiradi.

Ta’lim jarayonida talabalar real loyihalar ustida ishlash orqali dasturiy mahsulotlarni yaratish, jamoada ishlab chiqish (teamwork), agile metodologiyalar, versiya nazorati tizimlari va foydalanuvchi ehtiyojlariga mos yechimlar ishlab chiqish ko‘nikmalarini rivojlantiradilar. Shuningdek, zamonaviy texnologiyalar — web va mobile development, cloud platformalar hamda sun’iy intellekt asoslari bilan ishlashni o‘rganadilar.

Karyera imkoniyatlari

Bitiruvchilar quyidagi sohalarda faoliyat yuritishlari mumkin:

• dasturiy ta’minot ishlab chiquvchi (software developer);
• frontend yoki backend developer;
• full-stack developer;
• mobile app developer;
• tizim (system) muhandisi;
• DevOps muhandisi;
• QA (Quality Assurance) muhandisi;
• IT kompaniyalarda loyiha jamoasi a’zosi yoki texnik yetakchi.