Tuproqshunoslik (tadqiqot turi bo‘yicha)

Ta’lim yo‘nalishi tavsifi

70810203 – Tuproqshunoslik magistratura mutaxassisligi tuproqning hosil bo‘lish jarayonlari, fizik-kimyoviy xossalari, unumdorligini oshirish, yer resurslaridan oqilona foydalanish hamda tuproq monitoringi sohasida yuqori malakali mutaxassislarni tayyorlashga yo‘naltirilgan. Mutaxassislik qishloq xo‘jaligi va ekologiya sohalarida ilmiy-tadqiqot, ta’lim hamda ishlab chiqarish faoliyatini tashkil etish bilan bog‘liq masalalarni qamrab oladi.

Tarkib va o‘quv rejasi

Ta’lim jarayonida magistrantlar:

• Zamonaviy tuproqshunoslik;
• Tuproq geografiyasi;
• Tuproq fizikasi va kimyosi;
• Tuproq unumdorligini boshqarish;
• Agrokimyo asoslari;
• Tuproq ekologiyasi;
• Yer resurslari monitoringi;
• Tuproq bonitirovkasi va kartografiyasi;
• Melioratsiya va rekultivatsiya;
• Ilmiy tadqiqot metodologiyasi;
• Akademik yozuv;
• Ilmiy-pedagogik faoliyat

yo‘nalishlarida bilim va ko‘nikmalarni egallaydilar.

Dasturni o‘rganish natijalari

Dasturni muvaffaqiyatli tamomlagan magistr:

• tuproq tarkibi va xossalarini ilmiy tahlil qilish;
• tuproq unumdorligini oshirish bo‘yicha tavsiyalar ishlab chiqish;
• yer resurslari monitoringini tashkil etish;
• tuproq xaritalarini tuzish va tahlil qilish;
• tuproq degradatsiyasi jarayonlarini baholash;
• ilmiy tadqiqotlar olib borish va natijalarini amaliyotga joriy etish

ko‘nikmalariga ega bo‘ladi.

Karyera imkoniyatlari

Mutaxassislik bitiruvchilari:

• tuproqshunos olim va tadqiqotchi;
• agrokimyo mutaxassisi;
• yer resurslari va kadastr tashkilotlari xodimi;
• ekologik monitoring mutaxassisi;
• qishloq xo‘jaligi korxonalari eksperti;
• oliy ta’lim muassasalari o‘qituvchisi;
• ilmiy-tadqiqot institutlari va markazlari xodimi

sifatida faoliyat yuritishlari mumkin.