Telekommunikatsiya injiniringi

Telekommunikatsiya tizimlari va tarmoqlarini, simsiz va mobil aloqa tizimlarini boshqarish ko‘nikmalariga ega bo‘lgan magistr darajasidagi mutaxassislikni egallang.

Telekommunikatsiya injiniringi mutaxassisligi 2 yillik taʼlim dasturi bo‘lib, unda telekommunikatsiya tizimlari va tarmoqlarini, simsiz va mobil aloqa tizimlarini boshqarish ko‘nikmalariga ega bo‘lgan magistr mutaxassislar tayyorlanadi.

Taʼlim dasturi zamonaviy va kelajakdagi telekommunikatsiya tizimlarini to‘liq tushunish, malakali mutaxassislarga talab juda yuqori bo‘lgan va tez rivojlanayotgan telekommunikatsiya sektorida birinchi o‘rinda turish uchun zarur bo‘lgan amaliy va nazariy bilimlarni egallash imkoniyatini beradi.

Mutaxassis egallaydigan ko‘nikmalar:

• Telekommunikatsiya tizimlari va tarmoqlarini loyihalash va boshqarish, axborot oqimlarini boshqarish va signallarga raqamli ishlov berish, tarmoq xavfsizligini taʼminlash ko‘nikmalarni egallash;
• Loyihalarni boshqarish, hisoblashning matematik va algoritmik asoslarini ishlab chiqish, sunʼiy intellekt tizimlari bo‘yicha amaliy tushunchalarni olish.
• CISCO Academy va HUAWEI Academy sertifikatlashgan o‘quv kurslarida o‘qish va tarmoqlarni boshqarish bo‘yicha amaliy tajribalarni orttirish.

Egallash mumkin bo‘lgan faoliyat turlari

• Ilmiy-pedagog mutaxassis
• Telekommunikatsiya tarmoqlari muxandisi
• Telekommunikatsiya dasturlari muxandisi
• Tarmoq xavfsizligi mutaxassisi