Matnshunoslik va adabiy manbashunoslik: arab tili

Mazkur magistratura mutaxassisligi arab tilidagi qo‘lyozmalar, tarixiy hujjatlar va noyob yozma manbalarni ilmiy asosda o‘rganishga ixtisoslashgan. Talabalar matnshunoslik, manbashunoslik, paleografiya, kodikologiya hamda tarixiy hujjatlar bilan ishlash metodologiyasini chuqur o‘zlashtiradilar. Dastur davomida qo‘lyozmalarni o‘qish, ilmiy tavsiflash, transliteratsiya qilish, tanqidiy matn tayyorlash va ilmiy muomalaga kiritish bo‘yicha amaliy ko‘nikmalar shakllantiriladi. Zamonaviy ilmiy tadqiqot metodlari va raqamli texnologiyalar asosida tarixiy manbalarni saqlash hamda tahlil qilish usullari ham o‘rgatiladi. Bitiruvchilar ilmiy-tadqiqot institutlari, arxivlar, kutubxonalar, muzeylar, oliy ta'lim muassasalari va xalqaro ilmiy markazlarda faoliyat yuritishlari mumkin.