Boshlang'ich ta'lim

Boshlang’ich ta’lim bolaning kelajakda muvaffaqiyatga erishishi uchun muhim tayanch omili bo'lib hisoblanadi. Ushbu ulkan, savobli maqsadga erishish uchun universitetimiz jamoasi tomonidan ishlab chiqilgan dastur doirasida talabalar malakali pedagog bo’lib etishishlari uchun ham nazariy, ham amaliy fanlarni o’zlashtiradilar. Ushbu maqsadda ular hafta davomida 4 kun universitetda nazariy bilimlarni o’zlashtiradilar, 2 kun amaliyotlarini esa Toshkent shahridagi maktablardan birida o'taydilar. Universitetdagi ta’lim jarayonlari “markazda talaba” tamoyili asosida tashkil etiladi va ushbu tamoyil asosida o’zlashtiriladigan fanlarga o’qish, yo’zish, xorijiy til, matematika kabi fanlar kiradi. Tanlov asosida talabalar ingliz, yapon, xitoy yoki koreys tillarini o’zlashtirishlari mumkin. Ushbu til ko’nikmasi talabalarga xorijda ish topish imkoniyatlarini yaratadi.