Kattaqoʻrgʻon davlat pedagogika instituti

O‘zbekiston Respublikasida oliy ta’lim tizimini tubdan isloh qilish, yoshlarni oliy ta’lim bilan qamrab olish ko‘lamini kengaytirish hamda hududlarda yuqori malakali kadrlarga bo‘lgan ehtiyojni qondirish maqsadida tizimli ishlar amalga oshirilmoqda. Ayniqsa, ta’lim jarayonlariga raqamli texnologiyalar va ilg‘or pedagogik usullarni joriy etish, qabul jarayonlarida shaffoflik hamda adolat mezonlarini ta’minlash davlat siyosatining ustuvor yo‘nalishlariga aylandi. Hukumatimiz tomonidan hududiy oliy ta’lim muassasalari tarmog‘ini kengaytirishga qaratilgan ana shunday muhim va strategik qadamlardan biri sifatida, O‘zbekiston Respublikasi Vazirlar Mahkamasining 2021-yil 18-maydagi «Samarqand davlat universitetining Kattaqo‘rg‘on filiali faoliyatini tashkil etish chora-tadbirlari to‘g‘risida»gi 307-sonli qarori qabul qilindi. Ushbu qarorga asosan tashkil etilgan mazkur ta’lim muassasasi bugungi kunda o‘zining zamonaviy infratuzilmasi va ilmiy salohiyati bilan hudud ravnaqiga munosib hissa qo‘shib kelmoqda. Samarqand viloyatining Kattaqo‘rg‘on shahar va atrof tumanlari aholisi, ayniqsa yoshlar uchun o‘z yashash hududida sifatli oliy ta’lim olish imkoniyati yaratildi. Bu nafaqat yoshlarning oliy ta’lim bilan qamrab olinish darajasini keskin oshirdi, balki uzoq hududlardagi iqtidorli yoshlarni ilm-fanga jalb etish, ularning intellektual salohiyatini yuzaga chiqarishda muhim ijtimoiy-iqtisodiy omil bo‘lib xizmat qilmoqda. Muassasaning faoliyatida hududning bugungi va istiqboldagi rivojlanish tendensiyalarini puxta olingan holda, ayniqsa pedagogika hamda iqtisodiyot sohalarida eng ko‘p talab qilinayotgan mutaxassisliklar bo‘yicha yuqori malakali, chuqur amaliy ko‘nikmalarni egallagan professional oliy ma’lumotli kadrlarni tayyorlashga alohida e'tibor qaratiladi. O‘quv jarayonlariga xalqaro andozalarga mos keladigan raqamli va innovatsion pedagogik texnologiyalarni, zamonaviy o‘qitish metodlarini faol tatbiq etish, talabalarning mustaqil bilim olish va kreativ fikrlash qobiliyatlarini rivojlantirish ham bosh maqsadlardan biridir. Talabalarning nazariy bilimlarini amaliyot bilan uzviy bog‘lash maqsadida hududdagi maktablar, maktabgacha ta’lim tashkilotlari hamda yirik iqtisodiy korxonalar bilan yaqin hamkorlik aloqalari o‘rnatilgan bo‘lib, bu orqali talabalar o‘qish davridayoq bevosita ish jarayonlari va zamonaviy texnikalar bilan tanishib boradilar. Shuningdek, hududiy muammolarni yechishga qaratilgan ilmiy-tadqiqot ishlari tashkil etilib, professor-o‘qituvchilar va iqtidorli talabalarning innovatsion loyihalari hamda startap g‘oyalari har tomonlama qo‘llab-quvvatlanmoqda. Ushbu nufuzli maskan bugungi kunda hududda ta’lim sifatini yangi bosqichga ko‘tarish, zamonaviy dunyoqarashga ega bo‘lgan yetuk mutaxassislarni tarbiyalash hamda umumiy intellektual muhitni yuksaltirish yo‘lida dadil qadamlar tashlamoqda.

Chet ellik talabalar uchun barcha qulayliklar mavjud . Bizda chet ellik talabalar uchun Ingliz tili hamda Rus tillaridan tahsil olishi va professional oʻqtuvchilardan barcha bilimlarni uzlashtirishi mumkin. 
Shuning bilan bir qator ularga yotoqxonalar tashkil etilib, barcha sharoitlari mavjud, shuning bilan birga bilim olishi uchun kutubxona,kampyuterxona va internit turli sohalardagi taʼlim yoshlar kulublari tashkil etilgan.

Hozirgi kunda xorijiy investitsiyani jalb qilish masalalari bo‘yicha SamDU Kattaqo‘rg‘on filiali bilan 11 ta xorijiy oliy ta’lim muassasalari (Qirg‘iziston Respublikasining Ala-too universiteti, Rossiya Federatsiyasining Vyatka davlat universiteti, Ryazan davlat universiteti, Kuzma Minin nomidagi Nijegorod davlat pedagogika universiteti, Qozog‘iston Respublikasining Muxtor Auezov nomidagi Janubiy Qozog‘iston universiteti, Xitoy Xalq Respublikasining Nankin politeknika instituti hamda Indoneziya davlatining Airlangga, Hindistonning SGT universiteti, Xitoyning Liaoning universiteti, Malayziyaning Malaya universiteti va Hindistonning Mumbay Texnologiya Instituti) bilan hamkorlik memorandumlari imzolangan.

Kattaqoʻrgʻon davlat pedagogika institutida talabalarning xalqaro miqyosda raqobatbardosh kadrlar boʻlib yetishishlari uchun chet tillarini chuqur oʻrgatishga alohida eʼtibor qaratilgan. Institutda ingliz tili, xitoy tili, nemis tili, fransuz tili, koreys tili, turk tili va yana koʻplab xorijiy tillar eng zamonaviy pedagogik texnologiyalar hamda interaktiv metodlar asosida yuqori saviyada oʻrgatiladi. Muvaffaqiyatli xalqaro faoliyat va xorijiy investitsiyalarni jalb qilish jarayonlari doirasida talabalar ushbu tillarni mukammal oʻzlashtirib, oʻz sohalarining yetuk mutaxassislari boʻlib yetishishlari uchun barcha qulay shart-sharoitlar yaratilgan.

SamDU Kattaqo‘rg‘on filiali iqtidorli talabalari yoshlaning bo’sh vaqtlarini mazmunli tashkil qilish, ularning iqtidorlarini ro‘yobga chiqarish hamda qo‘llab-quvvatlash borasida xalqaro va respublika musobaqalari, viloyat va shaharlarda o‘tkazilayotgan turli tanlovlarda faol ishtirok etib kelmoqda.
Quvonarlisi, deyarli ularning birortasidan natijasiz qaytishmayapti!
Yoshlar ishlari agentligi, SamDU Kattaqo‘rg‘on filiali, Kattaqo‘rg’on shahridagi harbiy qism hamkorligida sport turlari bo‘yicha tashkil qilingan musobaqada ham talabalarimiz muvaffaqiyatli qatnashdi.
Filialning pedagogika va tillarni o‘qitish fakulteti talabalari Zohidjon Vahobov turnikka tortinish bahsida 1-o‘rinni, “Street work out” bahsida Zafar Raupov 2-o‘rinni qo‘lga kiritdi.