Namangan davlat pedagogika instituti

Institut O‘zbekiston Respublikasi Prezidenti Sh.M.Mirziyoyevning 2022-yil 21-iyundagi “Pedagogik ta’lim sifatini oshirish va pedagog kadrlar tayyorlovchi oliy ta’lim muassasalari faoliyatini yanada rivojlantirish chora-tadbirlari to‘g‘risida”gi PQ-289-son qarori asosida tashkil etilgan va mazkur qarorning 2, 3.11-ilovalari bilan tasdiqlangan “2022-2026 yillarda pedagog kadrlar tayyorlovchi oliy ta’lim muassasalari faoliyatini takomillashtirish bo‘yicha «YO‘L XARITASI»”, maqsadli ko‘rsatkichlar asosida faoliyat yuritib kelmoqda.

Institutga 2022-yil 21-iyulda 1163379-raqam bilan “Davlat muassasasi” tashkiliy-huquqiy shakli, identifikatsiya raqami (309732958) berilgan va yuridik shaxs sifatida davlat ro‘yxatidan o‘tkazilgan.

Institutda hozirda 3 ta fakultet va 10 ta kafedra faoliyat yuritadi. Mazkur fakultetlarda 25 ta bakalavriat ta’lim yo‘nalishi, 18 ta magistratura mutaxassisligi hamda 8 ta doktorantura yo‘nalishi mavjud. Shuningdek, institut tomonidan 2 ta ilmiy-metodik jurnal nashr etiladi.

Institut tasarrufida 6 ta o‘quv binosi, 3 ta talabalar turar joyi, 1 ta axborot-resurs markazi va 3 ta sport inshooti mavjud. Institutda 223 nafardan ortiq professor-o‘qituvchilar, jumladan, Fan doktorlari 15 nafar, 107 nafar phd, dotsentlar faoliyat olib bormoqda. Institutda professor-o‘qituvchilar ilmiy salohiyati 58,2 % ni tashkil etadi. Hozirgi kunda 9 522 nafardan ortiq bakalavr talabalari, 550 nafardan ortiq magistrlar va 66 nafardan ortiq doktorantlar tahsil olmoqda.

Insttutning bir qator iqtidorli talabalar tomonidan Respublika miqiyosida tanlov hamda musobaqalarda ishtirok etib faxrli o‘rinlarni egallab kelmoqda. Jumladan:

• Davlat mukofoti sovrindorlari: 1 nafar
• Xalqaro tanlovlarda ishtirok etgan talabalar: 27 nafar
• Respublika tanlovlarda yutuqqa erishgan talabalar: 120 nafar
• Viloyat miqyosidagi yutuqqa erishgan talabalar: 47 nafar
• Nomdor davlat stipendiyasi sohiblari: 12 nafar
• Xorijiy tillarni bilish bo‘yicha milliy va xalqaro sertfikatlarga ega talabalar: 476 nafarni tashkil etadi

Sport musobaqalarida g‘olib bo‘lgan talabalar:

• Osiyo chempionlari 7 nafar
• Jahon chempionlari 14 nafar
• Respublika chempionlari 129 nafarni tashkil etadi.

Ta’lim jarayonini qo‘llab-quvvatlash maqsadida institutda quyidagi markazlar faoliyat yuritadi:

• Kelajak o‘qituvchisi markazi – o‘qituvchilar tayyorlashning zamonaviy yondashuvlarini joriy etadi.
• Axborot-resurs markazi – raqamli axborot manbalaridan foydalanish imkonini ta’minlaydi.
• IT inkubator markazi – zamonaviy kasblarni o‘rganish uchun platforma vazifasini bajaradi.
• Ovoz yozish studiyasi – talabalarning ijodiy qobiliyatlarini rivojlantirishga yordam beradi.
• Rus tili markazi. – Ushbu markaz Rus tili ta’lim yo‘nalishi talabalari hamda rus tilini o‘rganish istagini bildirgan institut talabalar uchun xorijiy mutaxassislar hamda institut professor-o‘qituvchilari tomonidan yaqindan yordam berish uchun tashkil etilgan.

Namangan davlat pedagogika instituti hududda pedagogik yo‘nalishlar bo‘yicha keng qamrovli ta’lim dasturlarini taklif etishi hamda zamonaviy infratuzilmasi orqali ta’lim va ilmiy-tadqiqot faoliyatini qo‘llab-quvvatlashi bilan Namangan viloyatida muhim o‘rin egallaydi.

Namangan Davlat Pedagogika Instituti: Talabalar Uchun Zamonaviy Ta’lim va Imkoniyatlar Markazi:

Namangan davlat pedagogika instituti talabalari uchun barcha zarur shart-sharoitlar yaratilib, ularning ta’lim olishini qulay va samarali qilishga alohida e’tibor qaratilgan. Xorijiy talabalar uchun bepul “O‘zbek tilini o‘rganishga qaratilgan” maxsus kurslar tashkil etilgan bo‘lib, bu kurslar ularni institut hayotiga tez va oson moslashishiga yordam beradi. Shu bilan birga, rus va ingliz tillari uchun mo‘ljallangan maxsus til kurslari ham mavjud.

Institutda talabalarga yuqori sifatli ta’lim olish bilan birga, ilmiy va madaniy rivojlanish uchun keng imkoniyatlar yaratilgan. Zamonaviy Axborot-resurs markazi, ilmiy laboratoriyalar va o‘quv xonalari talabalarning tadqiqot va amaliy ishlarini samarali olib borishlariga xizmat qiladi. Sport bilan shug‘ullanishni xohlaganlar uchun eng zamonaviy fitnes-zallar va sport inshootlari doimiy foydalanishga ochiq.

Talabalarning ijodiy qobiliyatlari va ijtimoiy faolligini rivojlantirish maqsadida ko‘plab to‘garaklar faoliyat yuritadi: Tasviriy san’at to‘garagi, Dutorchi qizlar ansambli, Matematika va Fizika to‘garaklari, Texnologik ta’lim yo‘nalishidagi to‘garaklar. Sport yo‘nalishida esa futbol, shaxmat va shashka, voleybol va basketbol kabi mashg‘ulotlar mavjud.

Bundan tashqari, talabalarga chuqur bilim olish imkonini beruvchi yuqori malakali professor-o‘qituvchilar dars beradi. Talabalarning aqliy va intellektual rivojlanishi uchun doimiy ravishda “Zakovat” intellektual dasturlari o‘tkaziladi. Xorijiy talabalar Namangandagi hayot va ta’lim jarayoniga tez moslashishi uchun har tomonlama yordam bilan ta’minlanadi.

Namangan davlat pedagogika instituti — bu nafaqat ilmiy bilim markazi, balki madaniy va ijtimoiy rivojlanish imkoniyatlarini kengaytiradigan muassasa. Bizning institutimizda ta’lim olgan har bir talaba nafaqat zamonaviy bilimga ega bo‘ladi, balki o‘z iste’dodini rivojlantiradi, jamoaviy ishlash ko‘nikmasini oshiradi va xalqaro miqyosda raqobatbardosh mutaxassisga aylanadi.

Namangan davlat pedagogika instituti xorijiy davlatlarning nufuzli oliy ta’lim muassasalari hamda ilmiy markazlari bilan ikki tomonlama hamkorlik aloqalarini muntazam ravishda rivojlantirib kelmoqda. Institut xalqaro ta’lim makoniga faol integratsiyalashgan bo‘lib, ilmiy tadqiqotlar, akademik almashinuv, qo‘shma loyihalar va professor-o‘qituvchilar malakasini oshirish yo‘nalishlarida samarali hamkorlikni amalga oshirmoqda.

Rossiya Federatsiyasi:

• Irkutsk milliy tadqiqot texnik universiteti
• Novosibirsk davlat universiteti
• A.I. Gertsen nomidagi Rossiya davlat pedagogika universiteti
• Udmurt davlat universiteti
• Minin universiteti
• N.P. Ogareva nomidagi Mordoviya davlat universiteti

Qozog‘iston:

• Al-Farobiy nomidagi Qozog‘iston Milliy universiteti
• M. Auezov nomidagi Janubiy Qozog‘iston davlat universiteti
• Jumabek Toshbayev nomidagi universitet
• Akademik E.A. Buketov nomidagi Qarag‘anda universiteti

Qirg‘iziston:

• Osh davlat universiteti
• “Manas” nomidagi Qirg‘iziston-Turkiya universiteti

Belarus Respublikasi:

• A.S. Pushkin nomidagi Brest davlat universiteti
• Grodno davlat universiteti
• Polotsk davlat universiteti
• Belarus davlat qishloq xo‘jaligi akademiyasi

Turkiya:

• Karabuk universiteti

Finlandiya:

• Kareliya amaliy fanlar universiteti

Ozarbayjon:

• Nasimiy nomidagi Tilshunoslik instituti

Xitoy:

• Xitoy fan va texnologiya universiteti

Hindiston:

• Jamia Millia Islamia universiteti
• Parul universiteti

Janubiy Koreya:

• Gyeongsang milliy universiteti

Polsha

• Gdansk universiteti

Xalqaro tashkilotlar va elchixonalar bilan hamkorlik:

Institut quyidagi xalqaro tashkilotlar va diplomatik vakolatxonalar bilan hamkorlik olib bormoqda:

• AQSh elchixonasi;
• Hindiston elchixonasi;
• Janubiy Koreya elchixonasi;
• Yevropa Ittifoqining Erasmus+ dasturi;
• Janubiy Koreyaning KOICA agentligi;
• hamda boshqa xalqaro tashkilotlar.

Xorijiy tajriba va akademik almashinuv:

Xorijiy ilg‘or tajribalarni o‘rganish va ularni institut faoliyatiga joriy etish ustuvor yo‘nalishlardan biri hisoblanadi.

2025-yil davomida institutning 70 nafarga yaqin professor-o‘qituvchilari va soha mutaxassislari Malayziya, Turkiya, Qozog‘iston, Xitoy, Chexiya Respublikasi, Qirg‘iziston, Germaniya, Belarus, Rossiya Federatsiyasi, Buyuk Britaniya, Kipr va Janubiy Koreya kabi davlatlarning nufuzli oliy ta’lim muassasalarida malaka oshirish, stajirovka o‘tash, xalqaro ilmiy anjuman va seminarlarda ishtirok etish, tajriba almashish hamda hamkorlik aloqalarini kengaytirish maqsadida xizmat safarlarida bo‘ldilar.

{}

Insttutning bir qator iqtidorli talabalar tomonidan Respublika miqiyosida tanlov hamda musobaqalarda ishtirok etib faxrli o‘rinlarni egallab kelmoqda. Jumladan:

• Davlat mukofoti sovrindorlari: 1 nafar
• Xalqaro tanlovlarda ishtirok etgan talabalar: 27 nafar
• Respublika tanlovlarda yutuqqa erishgan talabalar: 120 nafar
• Viloyat miqyosidagi yutuqqa erishgan talabalar: 47 nafar
• Nomdor davlat stipendiyasi sohiblari: 12 nafar
• Xorijiy tillarni bilish bo‘yicha milliy va xalqaro sertfikatlarga ega talabalar: 476 nafarni tashkil etadi

Sport musobaqalarida g‘olib bo‘lgan talabalar:

• Osiyo chempionlari 7 nafar
• Jahon chempionlari 14 nafar
• Respublika chempionlari 129 nafarni tashkil etadi.