Rossiya TIV MGIMOning Toshkent filiali

MGIMOning Toshkentdagi filiali tashkil etish g‘oyasi ilk bor 2018 yil boshida MGIMO rektori A.V. Torkunov va JIDU rektori A.A. Abduvaxitovning ishchi uchrashuvi davomida ilgari surilgan bo‘lib, 2018 yil kuzidayoq erishilgan kelishuvlarni rasmiylashtirish yo‘lida amaliy qadamlar qo‘yildi.

2018 yil 19 oktyabr kuni Rossiya Prezidenti V.V. Putinning Toshkentga tashrifi doirasida Rossiya Federatsiyasi oliy ta’lim muassasalari filiallarini O‘zbekiston Respublikasida tashkil etish va faoliyat yuritishi to‘g‘risidagi Hukumatlararo bitim hamda JIDU va MGIMO o‘rtasida O‘zbekiston Respublikasida MGIMO filialini tashkil etish to‘g‘risidagi bitim imzolandi.

2019 yil 11 fevralda O‘zbekiston Prezidenti Sh.M. Mirziyoyevning Toshkentdagi MGIMO filiali faoliyatini tashkil etish to‘g‘risidagi qarori ushbu kelishuvlarni amaliy bosqichga olib chiqdi. 2019 yil 1 sentyabrdan boshlab MGIMO Toshkentda o‘z ta’lim dasturlarini amalga oshira boshladi.

MGIMO-Toshkent — MGIMOning ilk xorijiy filiali bo‘lib, O‘zbekistonda o‘xshashi bo‘lmagan 6 ta bakalavriat va magistratura dasturi, yetakchi professorlar, eng yaxshi abituriyentlar uchun grantlar, tayyorlov dasturlari, o‘ziga xos til tayyorlash metodikasi va Toshkent markazidagi zamonaviy kampusni taklif etadi.

Ta’lim modulli tizim asosida tashkil etilgan (kurslar davomiyligi 2–3 hafta) va “Moskva modullari”ni o‘z ichiga oladi: magistratura talabalari uchun bir semestr, bakalavriat talabalari uchun esa uch semestr. Bu O‘zbekiston talabalari uchun MGIMO oilasining bir qismiga aylanish imkonini beradi.

Moskva va Odintsovodagi maydonchalarda tahsil olayotgan xorijiy talabalar uchun yotoqxona taqdim etiladi. MGIMO-Toshkentda barcha talabalar uchun trenajyor zali, kutubxona va Internet (Wi-Fi) tarmog‘iga kirish imkoniyati mavjud.

...

Ta’lim tili — rus tili.

Talabalar quyidagi tillarni o‘rganadilar: rus, o‘zbek, ingliz, fransuz, nemis va xitoy tillari.