Toshkent xalqaro moliyaviy boshqaruv va texnologiyalar universiteti

Toshkent Xalqaro Moliyaviy Boshqaruv va Texnologiyalar Universiteti (TIFT) O'zbekiston Respublikasi Oliy ta'lim, fan va innovatsiyalar vazirligi litsenziyasi asosida 2022-yilda tashkil etilgan bo‘lib, ta'lim, innovatsiya va xalqaro hamkorlik orqali kelajakning buyuk yetakchilari va yuqori malakali mutaxassislarini tayyorlashni o‘z oldiga maqsad qilib qo‘ygan xalqaro oliy ta'lim muassasasidir.
Bugungi kunda TIFT akademik mukammallik, raqamli transformatsiya va xalqaro hamkorlik tamoyillariga asoslangan, tezlik bilan rivojlanayotgan oliy ta'lim muassasasidir. Universitet zamonaviy ta'lim standartlarini amaliy tajriba bilan uyg‘unlashtirib, talabalarning tanqidiy fikrlashi, innovatsion yondashuvi hamda global mehnat bozorida muvaffaqiyat qozonishi uchun zarur bilim va ko‘nikmalarni shakllantiradi.
Universitetimizning asosiy ustunligi talabalar uchun xalqaro dasturlar va imkoniyatlar miqdori ko'pligidadir. Dunyoning yetakchi universitetlari, professional tashkilotlar va sanoat hamkorlari bilan yo‘lga qo‘yilgan strategik hamkorliklar orqali talabalar akademik almashinuv dasturlari, qo‘shma (Double Degree) ta'lim dasturlari, xalqaro tan olinadigan professional malakalar hamda nazariya va amaliyotni uyg‘unlashtiruvchi ta'lim imkoniyatlariga ega bo‘ladilar.
Mukammallik, innovatsiya va mas'uliyat qadriyatlariga tayangan holda, TIFT bilim yaratadigan, iste'dodlarni rivojlantiradigan va jamiyat taraqqiyotiga munosib hissa qo‘shadigan global akademik hamjamiyatni shakllantirmoqda. Universitetimiz talabalarga nafaqat sifatli ta'lim, balki ertangi kunning yetakchi mutaxassislari va mas'uliyatli fuqarolari bo‘lishlari uchun mustahkam poydevor yaratadi.
TIFT — TALABA VA KELAJAKKA YO'NALTIRILGAN UNIVERSITET!

Xorijiy talabalar uchun shartlar

Toshkent Xalqaro Moliyaviy Boshqaruv va Texnologiyalar Universiteti (TIFT) dunyoning turli mamlakatlaridan talabalarni mamnuniyat bilan qabul qiladi. Xorijiy abituriyentlar umumiy o‘rta yoki unga tenglashtirilgan ta'limni tamomlagan bo‘lishi hamda ingliz tilini yetarli darajada bilishini tasdiqlashi lozim (ingliz tilida o'tiladigan dasturlar uchun). Qabul qilingan talabalar universitet tomonidan viza rasmiylashtirish, yashash joyini topish, moslashuv jarayoni va akademik maslahatlar bo‘yicha qo‘llab-quvvatlanadi.

Ta'lim shakllari va kontrakt to‘lovi

TIFTda ingliz tilida olib boriladigan barcha bakalavriat ta'lim dasturlari uchun yillik kontrakt to‘lovi 20 000 000 so‘mni tashkil etadi.

Bundan tashqari, universitet bakalavriatning barcha yo‘nalishlari bo‘yicha kechki ta'lim shaklini ham taklif etadi. Kechki ta'lim o‘zbek va rus tillarida olib boriladi, ingliz tilidagi dasturlar esa faqat kunduzgi ta'lim shaklida mavjud.

Qo‘shimcha ma'lumot

Batafsil ma'lumot olish uchun quyidagi manzilga murojaat qiling:

📧 admission@tift.uz

Xalqaro hamkorliklar

Toshkent Xalqaro Moliyaviy Boshqaruv va Texnologiyalar Universiteti (TIFT) o‘zining xalqaro akademik salohiyatini kengaytirish hamda dunyoning nufuzli oliy ta’lim muassasalari va xalqaro tashkilotlari bilan samarali hamkorlikni rivojlantirishga alohida e’tibor qaratadi. Universitetning 2023–2025-yillarga mo‘ljallangan strategik rivojlanish dasturi doirasida ta’lim sifatini oshirish, ilmiy salohiyatni mustahkamlash va universitetning xalqaro akademik maydondagi nufuzini yuksaltirish maqsadida xalqaro akademik va ilmiy hamkorliklar izchil rivojlantirilmoqda.

Strategik yo‘nalishlar

• Dunyoning yetakchi oliy ta’lim muassasalari bilan qo‘shma ta’lim dasturlarini yo‘lga qo‘yish.
• Xalqaro ilmiy tadqiqotlar va akademik almashinuvni rivojlantirish.
• O‘quv dasturlariga ilg‘or xalqaro tajriba va zamonaviy texnologik tendensiyalarni joriy etish.
• Global mehnat bozori talablariga javob beradigan yuqori malakali mutaxassislarni tayyorlash.

Xalqaro hamkorlar tarmog‘i

Bugungi kunga qadar TIFT Osiyo va Yevropaning turli davlatlaridagi 20 ta nufuzli universitet va tashkilot bilan hamkorlik shartnomalarini imzolagan. Hamkor universitetlarning aksariyati QS World University Rankings reytingidan o‘rin olgan bo‘lib, bu talabalar va professor-o‘qituvchilar uchun xalqaro darajadagi ta’lim va ilmiy imkoniyatlarni yaratadi.

Hamkor davlatlar va universitetlar

Malayziya (5 ta hamkor):

• Asia Pacific University of Technology and Innovation (APU) – QS reytingi: 621
• Universiti Utara Malaysia (UUM) – QS reytingi: 481
• UCSI University – QS reytingi: 284
• Universiti Kuala Lumpur (UniKL) – QS reytingi: 1001
• Universiti Putra Malaysia (UPM) – QS reytingi: 148

Ozarbayjon (1 ta hamkor):

• Baku State University – QS Asia reytingi: 61

Rossiya (2 ta hamkor):

• Kazan Federal University – QS reytingi: 322
• Siberian Federal University – QS reytingi: 1001

Qozog‘iston (1 ta hamkor):

• L.N. Gumilyov Eurasian National University – QS reytingi: 321

Shuningdek, hamkorlik geografiyasini yanada kengaytirish maqsadida boshqa davlatlarning oliy ta’lim muassasalari va xalqaro tashkilotlari bilan yangi hamkorlik loyihalari ustida ish olib borilmoqda.

Xalqaro hamkorliklarning afzalliklari

TIFTning xalqaro hamkorliklari quyidagi imkoniyatlarni yaratadi:

• Qo‘shma (Double Degree) ta’lim dasturlari.
• Talabalar va professor-o‘qituvchilar uchun akademik almashinuv dasturlari.
• Hamkorlikdagi ilmiy tadqiqot loyihalari.
• Xalqaro ekspertlar ishtirokidagi mahorat darslari, mehmon ma’ruzalari va akademik tashriflar.

Universitetning tobora kengayib borayotgan xalqaro hamkorlik tarmog‘i talabalarga zamonaviy va sifatli ta’lim olish, turli madaniyatlarni o‘rganish hamda global mehnat bozorida muvaffaqiyatli faoliyat yuritish uchun zarur bilim, ko‘nikma va tajribani shakllantirishga xizmat qiladi.

{}

Добро пожаловать в TIFT — университет, который предлагает студентам ориентированное на личностное развитие образование, уделяет внимание экологической осознанности, социальной ответственности, инновациям, сотрудничеству, честности, многообразию и академическому совершенству на протяжении всего их обучения.