Buxgalteriya hisobi

Yo‘nalish talabalarga buxgalteriya hisobi, moliyaviy hisobot, audit, soliqqa tortish, boshqaruv hisobi va iqtisodiy tahlil sohalarida chuqur bilim berishga qaratilgan. Dastur zamonaviy xalqaro va milliy standartlarga asoslanib, hisobotlarni yuritish, tahlil qilish hamda moliyaviy nazoratni amalga oshirish ko‘nikmalarini shakllantiradi. Talabalar ilmiy-tadqiqot, axborot-tahliliy va tashkiliy-boshqaruv faoliyatiga tayyorlanadi. O‘quv jarayonida kredit-modul tizimi, amaliyotlar, zamonaviy dasturiy ta’minotlar va innovatsion yondashuvlar qo‘llaniladi. Bitiruvchilarga “Buxgalter-iqtisodchi” malakasi berilib, ular davlat va nodavlat sektorlarida samarali faoliyat yuritish imkoniyatiga ega bo‘ladilar.