Sun'iy intelekt

Sun'iy intellekt (magistratura) 

Sun'iy intellekt magistratura dasturi talabalarga zamonaviy sun'iy intellekt texnologiyalari, mashinaviy o'qitish va intellektual tizimlarni chuqur, ilmiy-amaliy asosda o'rganish imkoniyatini beradi. Dastur bakalavr bosqichida olingan bilimlarni kengaytirish hamda mustaqil ilmiy-tadqiqot va innovatsion loyihalar olib borish qobiliyatini shakllantirishga qaratilgan.

Yo'nalishning asosiy maqsadi — sun'iy intellekt algoritmlarini ishlab chiqa oladigan, murakkab masalalarni intellektual tizimlar yordamida hal eta oladigan va ushbu texnologiyalarni turli sohalarga joriy eta oladigan yuqori malakali mutaxassislarni tayyorlashdan iborat. Talabalar nazariy bilimlarni amaliy va tadqiqot ko'nikmalari bilan uyg'unlashtiradilar.

Ta'lim davomida talabalar mashinaviy o'qitish (machine learning), chuqur o'qitish (deep learning), neyron tarmoqlari, tabiiy tilni qayta ishlash (NLP), kompyuter ko'rishi (computer vision) va ma'lumotlar tahlilini o'rganadilar. Shuningdek, dasturda ehtimollar nazariyasi va statistika, optimallashtirish usullari, katta ma'lumotlar (Big Data) bilan ishlash hamda sun'iy intellektning axloqiy va huquqiy jihatlari qamrab olinadi. Python, TensorFlow, PyTorch kabi zamonaviy vositalar bilan amaliy ishlash ko'nikmalari ham shakllantiriladi.