Turan xalqaro universiteti

Namangandagi Turan xalqaro universiteti (Turan IU)

Turan xalqaro universiteti — bilim, innovatsiya va xalqaro standartlar uyg'unlashgan zamonaviy oliy ta'lim maskanidir. Namangan shahrida tashkil etilgan universitetimiz bugungi kun bozori talab qilayotgan yuqori malakali, raqobatbardosh va kasbiy yetuk kadrlarni tayyorlashni o'z oldiga asosiy maqsad qilib qo'ygan.

Turan xalqaro universiteti O'zbekiston Respublikasi Oliy ta'lim, fan va innovatsiyalar vazirligining 23.06.2022 yildagi 248791-sonli davlat litsenziyasi asosida faoliyat yuritadi. Universitetda ta'lim kunduzgi, sirtqi va kechki shakllarda, o'zbek, rus va ingliz tillarida olib boriladi. 

Darslarni Janubiy Koreya, AQSH, Buyuk Britaniya, Avstriya, Hindiston, Xitoy, Rossiya va Qozog'iston kabi davlatlarning nufuzli universitetlari bitiruvchilari bo'lgan xalqaro hamda mahalliy professor-o'qituvchilar olib boradi.

Universitetning bosh vazifasi — talabalarga mustaqil hayot va kasbiy faoliyat uchun zarur bo'lgan chuqur bilim hamda amaliy ko'nikmalarni berishdir. Biz har bir talabada nafaqat kasbiy kompetensiyani, balki yuqori axloqiy fazilatlarni, mustaqil fikrlash va dunyoning rivojlangan mamlakatlarida bemalol ishlay oladigan salohiyatni shakllantirishga intilamiz.

Akademik va ilmiy salohiyat

Universitetimizning eng katta boyligi — yuqori malakali professor-o'qituvchilar jamoasi. Fan nomzodlari, doktorlar va xalqaro tajribaga ega mutaxassislar talabalarga zamonaviy bilim va amaliy ko'nikmalarni singdiradi.

Biz nazariy bilimni amaliyot bilan uyg'unlashtirishga alohida e'tibor qaratamiz. Ilmiy konferensiyalar, "Turan Science Olympiad" kabi intellektual musobaqalar va talabalar ilmiy jurnali — "Turan Xalqaro Universiteti Yosh Olimlar Jurnali" yosh tadqiqotchilarning salohiyatini ro'yobga chiqarishga xizmat qiladi.

Universitet infratuzilmasi va innovatsiyalar

Turan Xalqaro Universiteti zamonaviy ta'lim talablariga to'liq javob beradigan keng qamrovli infratuzilmaga ega. Universitet hududi ekologik toza, yashil va obod muhit sifatida ajralib turadi — bu yerda har bir talaba o'qish, ilmiy izlanish va shaxsiy rivojlanish uchun barcha qulayliklarni topadi.

Bizning kampus zamonaviy auditoriyalar, raqamli texnologiyalar bilan jihozlangan laboratoriyalar, boy kutubxona fondi va elektron resurslar, sport inshootlari hamda qulay yotoqxona bilan ta'minlangan. Universitetdagi IT-park esa talabalarga zamonaviy texnologiyalar, dasturlash va raqamli loyihalar ustida amaliy ishlash, o'z g'oyalarini real mahsulotga aylantirish uchun keng imkoniyat yaratadi. Bularning barchasi talabalarning sifatli ta'lim olishi va to'laqonli universitet hayotini kechirishi uchun yaratilgan.

Xalqaro e'tirof

Turan Xalqaro Universiteti global maydonda o'z mavqeiga ega bo'lib bormoqda. Biz xorijiy nufuzli oliy ta'lim muassasalari, jumladan AQSh, Germaniya, Italya, Yaponiya, Janubiy Korea, Rossiya, Malayziya universitetlari bilan hamkorlik aloqalarini yo'lga qo'yganmiz.

Xalqaro konferensiyalar, almashinuv dasturlari va qo'shma loyihalar talabalarimizga global tajriba orttirish, dunyo miqyosidagi bilim va imkoniyatlardan bahramand bo'lish yo'lini ochadi. 

Kelajak strategiyasi — Universitet 2030

Universitetimiz 2030 yilgacha quyidagi maqsadlarni belgilab olgan:

• Ta'lim sifatini xalqaro standartlar darajasiga ko'tarish va dasturlarni global akkreditatsiyadan o'tkazish;
• Ilmiy-tadqiqot salohiyatini kuchaytirish hamda professor-o'qituvchilar va talabalarning ilmiy faolligini oshirish;
• Xalqaro hamkorlik tarmog'ini kengaytirib, yetakchi xorijiy universitetlar bilan qo'shma dasturlarni yo'lga qo'yish;
• Raqamli ta'lim va innovatsion texnologiyalarni keng joriy etish;
• Bitiruvchilarning bandligi va kasbiy raqobatbardoshligini ta'minlash;
• Universitetni mintaqaviy va global reytinglarda munosib o'ringa olib chiqish.

Xorijiy talabalar uchun imkoniyatlar

Xalqaro talabalar uchun quyidagi sharoitlar yaratilgan:

1. Campusdagi hayot: xorijiy talabalarga zamonaviy va qulay yotoqxona taqdim etiladi. Universitet hududida 24/7 rejimida xavfsizlik xizmati faoliyat yuritadi, 24 soat davomida bepul Wi-Fi hamda arzon va sifatli taomlar taklif etiladigan oshxona (food court) ishlaydi.
2. Tilni qo'llab-quvvatlash: chet ellik talabalar uchun maxsus o'zbek tili kurslari tashkil etilgan bo'lib, ular ona tilida so'zlashmaydigan talabalarning til ko'nikmalarini oshirishga va mahalliy muhitga tezroq moslashishiga yordam beradi.
3. Akademik yordam: talabalarga doimiy ko'mak beruvchi support-o'qituvchilar (support teachers) faoliyat yuritadi. Ular xorijiy talabalarning kurs ishlarida muvaffaqiyatga erishishlari va universitetning akademik talablariga moslashishlariga ko'maklashadi.
4. Ta'lim va texnologiya: keng qamrovli adabiyotlar to'plamiga va zamonaviy sharoitlarga ega kutubxona, shuningdek IT va boshqa yo'nalish talabalari uchun maxsus jihozlangan Apple Lab va Intel Lab xizmatlaridan foydalanish imkoniyati mavjud.
5. Faollik va madaniy integratsiya: turli qiziqishlar bo'yicha klublar — Book Club, Chess Club va Student Union — faoliyat yuritadi. Ushbu tashabbuslar mahalliy va xorijiy talabalar o'rtasida madaniyatlararo tushunish va o'zaro munosabatlarni rivojlantirishga xizmat qiladi.
6. Sport va dam olish: universitetda sport zali hamda turli sport turlari bo'yicha bepul mashg'ulotlar (free trainings) tashkil etilgan. Bundan tashqari, har chorakda talabalar uchun sayohat va ekskursiyalar (trips) uyushtiriladi.
7. Ijtimoiy qo'llab-quvvatlash: xorijiy talabalar duch kelishi mumkin bo'lgan Vatanni sog'inish, yolg'izlik va madaniy moslashuv kabi muammolarni hal etishda qo'llab-quvvatlovchi muhit yaratilgan bo'lib, har bir talaba o'zini uydagidek his qiladi.

Universitetimiz nafaqat bilim, balki mazmunli talabalik hayotini ham taqdim etib, har bir xorijiy talabaning O'zbekistondagi davrini unutilmas qiladi.

Online hujjat topshirish uchun: https://forms.gle/RxJCQuXqwxzAonYQA

Xalqaro hamkorlik

Turan xalqaro universiteti dunyoning yetakchi oliy ta'lim muassasalari bilan faol hamkorlik olib boradi. Bugungi kunda universitetimiz 16 ta davlatdagi 30 dan ortiq nufuzli universitet bilan o'zaro hamkorlik shartnomalariga ega.

Ushbu keng qamrovli aloqalar talabalarimizga akademik almashinuv (exchange) dasturlarida ishtirok etish imkonini beradi. Xorijlik talabalarimiz ham bu imkoniyatdan to'liq foydalanib, 4 yillik ta'lim davomida 4 ta turli davlatda tahsil olish va xalqaro tajriba orttirish imkoniga ega bo'ladilar.

Hamkor davlatlarimiz:

AQSH, Belgiya, Latviya, Xitoy, Turkiya, Malayziya, Indoneziya, Gruziya, Italiya, Rossiya, Tayvan, Hindiston, Qozog'iston, Germaniya, Janubiy Koreya va Ozarbayjon.

Bu hamkorlik tarmog'i talabalarimizga global ta'lim makoniga chiqish, ilg'or bilim va ko'nikmalarni egallash hamda xalqaro miqyosda raqobatbardosh mutaxassis bo'lib yetishish uchun mustahkam zamin yaratadi.

Turan xalqaro universitetida ta'lim o'zbek, rus va ingliz tillarida olib boriladi. Barcha ta'lim yo'nalishlarini to'liq ingliz tilida o'zlashtirish imkoniyati mavjud.