Xoreografiya (Xoreografiya jamoalari rahbari)

Xoreografiya jamoalari rahbari yo‘nalishini bo‘yicha o‘quv reja, namunaviy va ishchi dasturlar asosida amalga oshiriladi va uni nazariy hamda amaliy mashg‘ulotlarini to‘lik o‘zlashtirgan, yakuniy davlat attestasiyasidan muvaffakiyatli o‘tgan talabaga «bakalavr» malakasi (darajasi), oliy ma'lumot to‘g‘risidagi davlat namunasidagi rasmiy hujjat(lar) beriladi. O‘zlashtirish me'yoriy muddati-4 yil. Xoreografiya jamoalari rahbari yo‘nalishi bo‘yicha bakalavrlar asosiy, umumta'lim va maxsus tayyorgarligiga mos ravishda kasbiy faoliyatning balet spektakllari va xalq raqs ansambllarida yakka va yetakchi partiyalarni ijro etish; bir aktli balet spektakllarini, konsert dasturlarini yaratish va sahnalashtirish, ijodiy xoreografiya jamoalari tuzish; o‘qitish, repetitorlik qilish kabi turlarini bajarishlari mumkin va harakatni ijro etish usullarini o‘rganish; dunyo raqs fol'klorlarni sahnada qayta ishlashda ijodiy va sintez usullarini qo‘llash; xoreografik meros namunalarini saqlash usullarni ishlab chiqish;  musika va xoreografiya plastikasining mosligini tadqiq etish; xoreografiya asari (etyud, yakka va omaviy raqs, variasiya, duet, balet) qo‘yish texnologiyalari, usullarini tadqiqotini nazarda tutishi shart. Ta'lim jarayoniga mos keladigan o‘rta maxsus madaniyat va san'at o‘quv yurtlarining o‘quv tarbiya jarayoni, xoreografiya jamoalari, opera va balet teatrlari, xalq raqs ansamblari, madaniyat va san'at muassasalarida faoliyat olib boradi.