Ingliz filologiyasi va menejmenti

Ingliz filologiyasi va menejmenti yo‘nalishi til bilimlari, madaniyat, ta’lim metodikasi va biznes asoslarini birlashtirgan to‘rt yillik ta’lim dasturini taklif etadi. Dastur talabalarning turli sohalarda – ta’lim, xalqaro aloqalar, ommaviy axborot vositalari va boshqaruvda – faoliyat yuritishlariga tayyorlaydi.

Dastur asosiy jihatlari:

• Asosiy majburiy fanlar – Ingliz tili grammatikasi, o‘qish va yozish, tinglab tushunish va so‘zlashuv, Britaniya va Amerika madaniyati, hamda ilg‘or EFL ko‘nikmalari.

• Ixtisoslashuv (tanlov) fanlari – Tilshunoslik, adabiyot, fonetika, dars rejalashtirish, IELTS tayyorlov metodikasi, media savodxonlik, biznes ingliz tili va materiallar ishlab chiqish fanlari.

• Umumiy fanlar (liberal arts) – Biznes, psixologiya, falsafa, axborot texnologiyalari va menejment sohalaridagi bilimlarni rivojlantiradi. Marketing, xalqaro biznes va inson resurslarini boshqarish kabi fanlar dasturga amaliy yo‘nalish beradi.

Dastur bitiruvchilari ingliz tili o‘qituvchisi, tarjimon, kontent yaratuvchi, ta’lim menejeri yoki xalqaro biznes aloqalari bo‘yicha mutaxassis bo‘lib faoliyat yurita oladilar.