Filologiya va tillarni o'qitish: o'zbek tili

Filologiya va tillarni o‘qitish (o‘zbek tili) bakalavriat ta’lim yo‘nalishi o‘zbek tili va adabiyoti, tilshunoslik, adabiyotshunoslik hamda zamonaviy pedagogik texnologiyalar bo‘yicha chuqur bilimga ega mutaxassislarni tayyorlashga qaratilgan. Dastur davomida talabalar hozirgi o‘zbek adabiy tili, o‘zbek adabiyoti tarixi, nazariy tilshunoslik, adabiyot nazariyasi, nutq madaniyati, matn tahlili va ona tilini o‘qitish metodikasini o‘rganadilar.

Bitiruvchilar umumta’lim maktablari, akademik litseylar, kasb-hunar ta’limi muassasalari, nashriyotlar, ommaviy axborot vositalari, madaniyat va ma’naviyat muassasalarida faoliyat yuritishlari mumkin. Dastur o‘zbek tilini mukammal biladigan, ta’lim jarayonida zamonaviy yondashuvlardan foydalana oladigan malakali pedagog va filolog mutaxassislarni tayyorlaydi.