Tarixshunoslik, manbashunoslik va tarixiy tadqiqot usullari

Mazkur magistratura mutaxassisligi tarixiy tadqiqotlarning nazariy va metodologik asoslarini chuqur o‘rganishga qaratilgan. Talabalar tarixshunoslik, tarixiy manbashunoslik, arxivshunoslik, tarixiy tanqid metodlari va zamonaviy ilmiy tadqiqot usullarini puxta o‘zlashtiradilar. Dastur davomida tarixiy hujjatlar va qo‘lyozmalarni ilmiy tavsiflash, tahlil qilish hamda raqamlashtirish bo‘yicha amaliy ko‘nikmalar rivojlantiriladi. Zamonaviy axborot texnologiyalaridan foydalangan holda tarixiy ma'lumotlar bazalarini yaratish va ilmiy tahlil qilish usullari ham o‘qitiladi. Bitiruvchilar ilmiy-tadqiqot institutlari, arxivlar, muzeylar, kutubxonalar va oliy ta'lim muassasalarida faoliyat olib borishlari mumkin.