Tarix (mamlakatlar va yo‘nalishlar bo‘yicha)

60220300 – Tarix (mamlakatlar va yo'nalishlar bo'yicha). O'zbekiston va jahon tarixi, qadimgi davrdan hozirgi kungacha bo'lgan tarixiy jarayonlar, manbashunoslik, tarixshunoslik, arxeologiya, etnologiya, arxivshunoslik va tarixiy tadqiqot metodologiyasini egallash, tarixiy manbalarni ilmiy tahlil qilish hamda tarix fanini o'qitish bilan bog'liq kasbiy sohalar majmuasini qamrab oladi. Bitiruvchilar uzluksiz ta'limning umumiy o'rta va o'rta maxsus, professional ta'lim tashkilotlari hamda oliy ta'lim muassasalarida tarix o'qituvchisi, O'zbekiston Respublikasi Fanlar akademiyasi va tarmoq ilmiy-tadqiqot institutlarida mutaxassis, muzeylar, arxivlar, qo'riqxonalar va madaniy meros obyektlarida xodim, davlat boshqaruvi organlari, mahalliy va xalqaro tashkilotlar, ommaviy axborot vositalari va nashriyotlarda faoliyat olib borish imkoniyatiga ega bo'ladi.