Axborot xavfsizligi

Axborot xavfsizligi ta’lim yo‘nalishi axborot resurslari, kompyuter tizimlari va telekommunikatsiya tarmoqlarini turli kiberxavflardan himoya qilish bo‘yicha yuqori malakali mutaxassislarni tayyorlashga qaratilgan. Talabalar kriptografiya, tarmoq xavfsizligi, axborotni himoyalash texnologiyalari, operatsion tizimlar xavfsizligi, raqamli forensika, xavfsizlik auditi va risklarni boshqarish kabi yo‘nalishlarda chuqur bilimlarga ega bo‘ladilar. Ta’lim jarayonida zamonaviy kiberxavfsizlik vositalari bilan ishlash, tahdidlarni aniqlash va ularga qarshi samarali choralar ishlab chiqish ko‘nikmalari shakllantiriladi. Bitiruvchilar davlat va xususiy sektor tashkilotlari, banklar, telekommunikatsiya kompaniyalari, IT korxonalari hamda axborot xavfsizligini ta’minlash bilan shug‘ullanuvchi markazlarda faoliyat yuritishlari mumkin.

Agar xorijiy fuqaroning O‘zbekiston Respublikasida yashash guvohnomasi (residence permit) mavjud bo‘lsa, o‘qish uchun kontrakt miqdori 1 100 AQSh dollarini tashkil etadi.