Xalqaro munosabatlar va zamonaviy siyosiy jarayonlar

Xalqaro munosabatlar va zamonaviy siyosiy jarayonlar (70310201) magistratura ta’lim yo‘nalishi bo‘lib, Islom iqtisodiyoti va xalqaro munosabatlar fakulteti orqali tashkil etilgan. Xalqaro munosabatlar yo‘nalishi talabalarni davlat, xususiy va notijorat sektorlarida xalqaro martaba uchun tayyorlaydi. Shuningdek, mamlakatimizning xorijiy davlatlar bilan aloqa olib boruvchi boshqa muassasalari, chet mamlakatlardagi elchixonalari hamda xalqaro tashkilotlar uchun yuqori malakali kadrlar yetkazib beradi.

Xalqaro munosabatlar va zamonaviy siyosiy jarayonlar - gumanitar fanlar ta’lim sohasidagi yo‘nalish bo‘lib, magistraturalar ichki va tashqi siyosiy faoliyat bilan bog‘lik jarayonlarni o‘zlashtirish va tadqiq qilish, istiqbolni belgilash jarayonlarini tahlil qilish, sintezlash va optimallashtirish, ilg‘or xalqaro metodlarini qo‘llash tashqi siyosiy jarayonlar bo‘yicha tizimli tahlil modellarini qo‘llash, kompyuter texnologiyalari va dasturlash, tizimli yondashuv mexanizmlarini tatbiq etish kabi kasbiy faoliyat turlarini qamrab oladi.