O‘zbekiston xalqaro islomshunoslik akademiyasi

O‘zbekiston Respublikasi Prezidentining 2025-yil 21-apreldagi “Fuqarolarning vijdon erkinligi huquqi kafolatlarini yanada mustahkamlash hamda diniy-ma’rifiy sohadagi islohotlarni yangi bosqichga olib chiqish chora-tadbirlari to‘g‘risida”gi PF-68-sonli Farmoniga muvofiq, O‘zbekiston xalqaro islomshunoslik akademiyasi qayta nomlandi. Akademiya islomshunoslik va dinshunoslik sohalarida mutaxassislarni hamda o‘quv dasturi, qo‘llanma va darsliklarni tayyorlashga ixtisoslashgan tayanch davlat oliy ta’lim va ilmiy-tadqiqot muassasasi etib belgilandi.

Akademiyaning asosiy vazifalari:

(a) islomshunoslik, dinshunoslik, din psixologiyasi, islom iqtisodiyoti, manbashunoslik, xalqaro munosabatlar va ehtiyoj mavjud bo‘lgan boshqa sohalar bo‘yicha kadrlar tayyorlash;

(b) ta’lim jarayoniga ilg‘or pedagogik texnologiyalarni, ilm-fan va texnikaning so‘nggi yutuqlarini hamda yetakchi xorijiy oliy ta’lim tashkilotlari tajribasi asosida ishlab chiqilgan ta’lim dasturlarini joriy etish;

(v) vijdon erkinligi va konfessiyalararo bag‘rikenglikni ta’minlash, radikallashuv, ekstremizm va terrorizmga qarshi kurashish hamda diniy sohadagi davlat siyosatining asoslariga oid ilmiy-tadqiqot ishlarini amalga oshirish;

(g) diniy-ma’rifiy yo‘nalishda ilmiy, ilmiy-ommabop adabiyotlarni tayyorlash va nashr qilish, shuningdek, internet tarmog‘ida ta’lim resurslarini joylashtirish va muntazam yangilab borish;

(d) talabalarda yuksak ma’naviy va axloqiy fazilatlarni rivojlantirish, Vatanga muhabbat, uning taqdiriga daxldorlik, kasbga sadoqat hissini mustahkamlash, ta’lim-tarbiya jarayoni hamda ma’naviy-ma’rifiy ishlar samaradorligini oshirish;

(e) mamlakatimizda va xorijda diniy sohada faoliyat olib borayotgan ilmiy-tadqiqot va ta’lim muassasalari bilan yaqindan hamkorlik qilish.

Akademiya bitiruvchilari bugungi kunda O‘zbekiston Respublikasining deyarli barcha vazirlik va idoralari, yirik xalqaro tashkilotlar, ilg‘or mahalliy va xorijiy kompaniya (shirkat)larda muvaffaqiyatli faoliyat yuritib kelmoqdalar. Ular erishgan yutuqlar zamirida Akademiyaning salmoqli o‘rni bor. Har bir bitiruvchi nafaqat bilim va ko‘nikmalarga ega, balki Akademiyaning o‘ziga xos madaniyati, urf-odati hamda tarbiyasini o‘zida mujassam etib, yoshlarga haqiqiy o‘rnak bo‘lmoqda.

Xorijiy talabalar istisno tarzida Akademiyaga suhbat asosida qabul qilinadi. Dars jarayonlari o‘zbek va rus tillarida olib boriladi. Yaqin orada ingliz tili auditoriyalarini yaratish rejalashtirilmoqda.

Viza olish tartiblari

Turar joy uchun ro‘yxatga qo‘yish hamda viza olish jarayoni

Xorijiy fuqarolarga viza rasmiylashtirish, viza taklifnomalarini tayyorlash hamda turar joy uchun vaqtinchalik ro‘yxatdan o‘tkazish oliy ta’lim muassasalarining O‘zbekiston Respublikasi Oliy va o‘rta maxsus ta’lim vazirligi bilan o‘zaro kelishuvi asosida O‘zbekiston Respublikasi Tashqi ishlar vazirligiga taqdim etilgan holda amalga oshiriladi. Xorijiy fuqarolar uchun vizalar nomzodning o‘z davlatida joylashgan O‘zbekiston Respublikasining elchixonasi yoki konsullik idorasi tomonidan taqdim etiladi.

O‘zbekiston Respublikasi elchixonasi yoki konsullik idorasi mavjud bo‘lmagan mamlakat fuqarolar vizalari Toshkentdagi xalqaro aeroportda ham taqdim qilinishi mumkin.

Topshiriladigan hujjatlar ro‘yxati

Bakalavriat, magistratura va doktorantura uchun o‘qishga hujjat topshirishning umumiy  tartibi

O‘zbekiston xalqaro islom akademiyasi O‘zbekiston Respublikasining 2020-yil 23-sentyabrda qabul qilingan “Ta’lim to‘g‘risida”gi Qonuni, Vazirlar Mahkamasining 2008-yil 4-avgustdagi 169-sonli “Xorijiy fuqarolarni O‘zbekiston Respublikasi ta’lim muassasalariga o‘qishga qabul qilish va o‘qitish tartibini takomillashtirish to‘g‘risida”gi Qaroriga muvofiq hamda ushbu Qarorga asoslangan me’yoriy hujjatlar asosida chet el fuqarolarini o‘qishga qabul qiladi.

Chet el fuqarolari akademiyaning Xorijiy talabalar bilan ishlash bo‘limiga quyidagi hujjatlarni taqdim etishlari lozim:

- O‘zXIAda o‘qish uchun ariza;

- Qo‘lga kiritilgan darajalardagi yoki joriy vaqtdagi baholar qaydnomasi. O‘zbekiston Respublikasi hududida va undan tashqarida erishilgan har qanday diplom sertifikatlari va baholar qaydnomasini ham topshiringiz so‘raladi;

- Bakalavriatura bosqichiga: o‘rta yoki o‘rta maxsus ta’limi diplomi/shahodatnomasi (sertifikat);

- Magistratura bosqichiga: Bakalavr diplomi yoki ushbu darajaga tenglashtirilgan hujjat;

- Doktorantura bosqichiga (PhD, DSc): Magistrlik diplomi;

- O‘zbekiston Respublikasi hududidan tashqarida erishilgan har qanday diplomlar (baholar qaydnomasi bilan birga) rus yoki o‘zbek tiliga tegishli notarial idoradan tarjima qilinishi hamda tasdiqlanishi lozim;

- O‘rnatilgan tartibdagi tibbiy ma’lumotnoma;

- Mavjud fuqarolik pasporti yoki O‘zbekiston Respublikasi hududida istiqomat qilish huquqini beruvchi pasport;

- 3.5 x 4.5 sm o‘lchamdagi rasm (6 dona);

- Chop etilgan rasmiy maqolalar va tezislarning umumiy ro‘yxati (Doktorantura bosqichi va amaliy o‘quv kurslariga topshirgan nomzodlar uchun);

Baholar qaydnomasining rus tilidagi tarjimasi O‘zbekiston Respublikasidagi notarial idorasida yoki nomzodning o‘z davlatida joylashgan O‘zbekiston Respublikasi elchixonasi yoki konsullik idorasi tomonidan sertifikatlanishi zarur.

Chet el fuqarolarining O‘zXIAda tahsil olishi to‘lov-kontrakt asosida amalga oshiriladi. O‘zbekiston Respublikasining boshqa xorijiy davlatlar, xalqaro tashkilotlar, xorijiy universitetlar bilan tuzilgan o‘zaro hamkorlik shartnomalariga muvofiq kelib tahsil oluvchi xorijiy fuqarolar bundan mustasnodir.

MAHMUDXO‘JA BEHBUDIY NOMIDAGI MAXSUS STIPENDIYA

HAQIDA

O‘zbekiston Respublikasi Vazirlar Mahkamasining 2020-yil 24-avgustdagi 502-son qarori hamda O‘zbekiston xalqaro islom akademiyasi Kengashining 2020-yil 29-oktabrdagi 5-son majlis bayoni bilan taddiqlangan NIZOM talablari asosida tayinlanadi.

Maxsus stipendiya Akademiyada Mahmudxо‘ja Behbudiy hayoti va ijodini о‘rganish, faoliyatini yoritish, ilmiy tadqiq qilish hamda targ‘ib etish yо‘nalishida izlanish olib borayotgan, alohida faollik kо‘rsatgan talabalarni rag‘batlantirish maqsadida ta’sis etilgan

Mahmudxо‘ja Behbudiy nomidagi maxsus stipendiyani tayinlash tartibi va mezonlari:

Maxsus stipendiya quyidagi mezonlarga javob beradigan kunduzgi ta’lim shaklida tahsil olayotgan bakalavriatning 1-3-bosqich hamda magistraturaning 1-bosqich talabalariga belgilanadi:

maxsus stipendiya Mahmudxо‘ja Behbudiyning hayoti va ijodini о‘rganish, faoliyatini yoritish, ilmiy tadqiq qilish va targ‘ib etish yо‘nalishida izlanish olib borish;

adabiyot va kitobxonlikni keng targ‘ib qilish yо‘nalishida alohida faollik kо‘rsatish;

adabiyot va kitobxonlikka doir konferensiyalar (tanlovlar)da qatnashish;

nashr etilgan ishlar (asarlar)ning mavjudligi.

Talabgorlar dastlabki kо‘rib chiqish uchun fakultetga quyidagi hujjatlarni topshiradilar:

sinov daftarchasidan kо‘chirma (о‘zlashtirish kо‘rsatkichi);

kafedra tavsiyanomasi;

ijodiy (ilmiy) ish, uning annotatsiyasi va taqriz (mavjud bо‘lsa);

murabbiyning fikr-mulohazalari;

Mahmudxо‘ja Behbudiy hayoti va ijodi hamda faoliyati (ommaviy axborot vositalari, ijtimoiy tarmoqlar va boshqa) targ‘iboti bо‘yicha materiallar;

Mahmudxо‘ja Behbudiy hayoti va ijodi, faoliyatini tadqiq qilish bо‘yicha respublika va xalqaro miqyosdagi jurnallarda chop etilgan yakka mualliflikdagi ilmiy maqolalar, о‘tkazilgan anjumanlardagi faol ishtirokini tasdiqlovchi hujjat (asl nusxasi);

о‘z sohasi bо‘yicha xalqaro yoki respublika darajasidagi kо‘rgazma, biyennale, festival, simpozium, tanlov va boshqa nufuzli tadbirlardagi ishtiroki va natijalarga erishgani (mavjud bо‘lsa) tо‘g‘risida tasdiqlovchi hujjat.

Tanlov ikki bosqichda bo‘lib o‘tadi

1-bosqich: Mahmudxо‘ja Behbudiy hayoti, ijodi va faoliyatiga bag‘ishlanga test;

2-bosqich: suhbat

Maxsus stipendiya talabalarga har yili, bir о‘quv yili uchun 1 sentabrdan boshlab beriladi

Maxsus stipendiya miqdori Vazirlar Mahkamasining 2020 yil 31 yanvardagi

59-son qarori 2-ilovasining 2-bandiga muvofiq belgilanadi.

Xorijiy talabalar bilan ishlash bo‘limi telefon raqami:

+99871 2449593

E-mail: intstudents@iiau.uz

Xorijiy talabalar bilan ishlash uchun Akademiyada alohida Talabalar (xorijiy) bilan ishlash bo‘limi tashkil etilgan bo‘lib, mazkur bo‘lim xorijiy fuqarolarni Akademiyaga o‘qishga jalb qilishdan tortib ularning O‘zbekistonga kelish va turar-joy bo‘yicha ro‘yxatdan o‘tkazish bilan bog‘liq hujjatlarini rasmiylashtirish, shuningdek, xorijiy talabalarni o‘quv jarayoni va O‘zbekiston Respublikasida yashashda moslashishda ko‘maklashib boradi.

O‘zbekiston xalqaro islom akademiyasi barcha talabalarga yaratilgan shart-sharoitlar va imkoniyatlar xorijiy talabalar uchun ham birdek amal qiladi.

Xorijiy talabalarni O‘zbekiston madaniyati an’analari bilan tanishishiga (ekskursiyaviy tanishuv sayohatlar, muzeylarga va boshqa joylarga tashriflarni tashkillashtirish) ko‘maklashilmoqda.

Xorijiy talabalar Akademiyada tashkil etiladigan barcha ma’naviy-ma’rifiy tadbirlarda, shuningdek, teatr studiyasida faol ishtirok etishadi.

Bugungi kunda O‘zbekiston xalqaro islom akademiyasi Yevropa, Afrika va Osiyo mamlakatlarining nufuzli oliy ta’lim muassasalari, ilmiy tadqiqot markazlari va xalqaro tashkilotlar bilan 40 dan ortiq memorandum va bitimlar imzolagan.
Akademiya ta’lim jarayonida 10 nafar xorijiy professor-o‘qituvchilar faoliyat yuritib kelmoqda. Ular Qozog‘iston, Rossiya Federatsiyasi, Misr Arab Respublikasi, Yaponiya kabi mamlakatlardan jalb etilgan.
Xorijiy abituriyentlar Akademiyaga suhbat asosida qabul qilinadi. Dars jarayonlari o‘zbek va rus tillarida olib boriladi. Ayni paytda Akademiyada 33 nafar xorijiy talaba tahsil olmoqda. Ular Rossiya, Tojikiston, Qirg‘iziston, Qozog‘iston, Ozarbayjon hamda Afg‘oniston fuqarolari hisoblanadi.
O‘zbekiston xalqaro islom akademiyasi Xalqaro hamkorlik bo‘yicha faoliyati asosan quyidagi yo‘nalishlarni o‘z ichiga oladi:
- Xorijiy oliy ta’lim muassasalari, ilmiy tadqiqot markazlari va xalqaro tashkilotlar bilan hamkorlik aloqalarini yo‘lga qo‘yish;
- Akademiya rahbariyati, xodimlari, professor o‘qituvchilari, ilmiy tadqiqotchilarining xorijiy safarlarini uyushtirish;
- Xalqaro konferensiya, seminar, vebinar kabi tadbirlarni tashkil etish; 
- Xalqaro grant loyihalarida ishtirok etish;
- Xorijlik professor-o‘qituvchilarni akademiya o‘quv jarayoniga jalb etish bo‘yicha ishlarni amalga oshirish;
- Xorijiy talabalar, doktorantlar, ilmiy tadqiqotchilar bilan ishlash.

Akademiyaning Yoshlar ittifoqi tashkiloti tomonidan xorijiy talabalar uchun o'zbek tilida o'qitish kurslari tashkil etiladi. Manzil:Toshkent, A.Qodiriy ko'chasi, 11-uy, telefon:99871-2449593

https://www.youtube.com/watch?v=yhGH21OpWuw