Qo‘shma ta’lim dasturi: Xorijiy til va adabiyot — ingliz tili, TESOL

Ushbu qo‘shma magistratura dasturi Samarkand davlat chet tillar instituti hamda Janubiy Koreyaning International Graduate School of Language Education oliy ta’lim muassasasi bilan hamkorlikda amalga oshiriladi. Dastur ingliz tilini o‘qitish, TESOL metodikasi, zamonaviy pedagogik yondashuvlar, akademik tadqiqot va xalqaro ta’lim muhitida faoliyat yuritishni istagan magistrantlar uchun mo‘ljallangan. O‘qish muddati 1+1 shaklida tashkil etiladi: talaba ta’limning bir qismini SamDChTIda, keyingi qismini xorijiy hamkor oliy ta’lim muassasasida davom ettiradi. Qabul ko‘rsatkichi — 20 nafar, ta’lim shakli — kunduzgi, ta’lim tili — o‘zbek/ingliz.