Lingvistika: dariy tili

Mazkur magistratura dasturi dariy tilshunosligi sohasida ilmiy-pedagogik va amaliy faoliyat yurita oladigan yuqori malakali mutaxassislarni tayyorlashga qaratilgan. Talabalar dariy tilining fonetik, leksik, grammatik va stilistik xususiyatlari, qiyosiy tilshunoslik, sotsiolingvistika, pragmatika hamda zamonaviy lingvistik tadqiqot metodologiyasini chuqur o‘rganadilar. Dastur davomida ilmiy tadqiqot olib borish, akademik yozuv, elektron til korpuslari bilan ishlash, lingvistik ma'lumotlarni tahlil qilish va zamonaviy axborot texnologiyalaridan foydalanish bo‘yicha amaliy ko‘nikmalar shakllantiriladi. Shuningdek, talabalar Afg‘oniston va Markaziy Osiyo mintaqasining til va madaniyati, madaniyatlararo kommunikatsiya hamda ilmiy tarjima masalalarini ham o‘zlashtiradilar. Bitiruvchilar oliy ta'lim muassasalari, ilmiy-tadqiqot institutlari, tarjima markazlari, xalqaro tashkilotlar, davlat idoralari va xalqaro loyihalarda muvaffaqiyatli faoliyat yuritishlari mumkin.