Lingvistika (Rus tili)

Lingvistika (Rus tili) (Magistratura)

Alfraganus Universitetining Lingvistika (Rus tili) magistratura dasturi rus tilshunosligi, amaliy lingvistika, zamonaviy til tadqiqotlari hamda madaniyatlararo muloqot sohalarida chuqur nazariy bilim va ilmiy-tadqiqot ko‘nikmalarini rivojlantirishga qaratilgan.

Davomiyligi: 2 yil (4 semestr)
Kreditlar: 120 ECTS
Daraja: Lingvistika (Rus tili) magistri
Ta'lim shakli: Kunduzgi

Dastur lingvistik tahlil, ilmiy tadqiqot metodologiyasi, tarjimashunoslik va xorijiy tillarni o‘qitishning zamonaviy yondashuvlarini qamrab oladi. Magistrantlar ilmiy izlanishlar olib borish, til hodisalarini tahlil qilish hamda professional va akademik faoliyatda zamonaviy metodlarni qo‘llash kompetensiyalarini egallaydilar.

Bitiruvchilar oliy ta'lim muassasalari, ilmiy-tadqiqot markazlari, tarjima va til markazlari, xalqaro tashkilotlar hamda davlat va xususiy sektorda tilshunos, tarjimon, pedagog va mutaxassis sifatida faoliyat yuritishlari mumkin.