Marketing

Marketing ta’lim yo‘nalishi iste’molchilar ehtiyojlarini o‘rganish, bozorni tahlil qilish, mahsulot va xizmatlarni samarali targ‘ib etish hamda korxonalarning raqobatbardoshligini oshirish bo‘yicha malakali mutaxassislarni tayyorlashga qaratilgan. Talabalar marketing tadqiqotlari, brending, reklama va PR, raqamli marketing, iste’molchilar xulq-atvori, savdo strategiyalari va biznes tahlili kabi yo‘nalishlarda chuqur bilimlarga ega bo‘ladilar. Ta’lim jarayonida zamonaviy marketing texnologiyalari, innovatsion yondashuvlar va amaliy loyihalar orqali kasbiy ko‘nikmalar shakllantiriladi. Bitiruvchilar ishlab chiqarish korxonalari, savdo kompaniyalari, reklama agentliklari, konsalting tashkilotlari hamda davlat va xususiy sektor muassasalarida faoliyat yuritishlari mumkin.

Agar xorijiy fuqaroning O‘zbekiston Respublikasida yashash guvohnomasi (residence permit) mavjud bo‘lsa, o‘qish uchun kontrakt miqdori 900 AQSh dollarini tashkil etadi.