Maktabgacha ta’lim

Maktabgacha ta'lim (bakalavriat)

"Maktabgacha ta'lim" yo'nalishi talabalarga erta va maktabgacha yoshdagi bolalarni tarbiyalash, o'qitish va rivojlantirish sohasida chuqur nazariy bilim hamda mustahkam amaliy ko'nikmalarni egallash imkonini beradi. Bu yo'nalish bola shaxsi kamol topishining eng muhim bosqichida — uning poydevori qo'yiladigan davrda mas'uliyatli faoliyat yurituvchi, doimiy talab etiladigan kasblardan biriga tayyorlaydi.

Tahsil davomida talabalar maktabgacha pedagogika va bolalar psixologiyasi asoslari, nutq o'stirish, elementar matematik tasavvurlarni shakllantirish metodikasi, tasviriy va musiqiy faoliyat, jismoniy tarbiya hamda bolalar bilan ishlashning zamonaviy texnologiyalarini o'rganadilar. Shuningdek, ular o'yin asosida ta'lim berish, inklyuziv ta'lim va bola rivojlanishini kuzatish hamda baholash ko'nikmalarini egallaydilar.