Davlat moliyasi va xalqaro moliya

Davlat moliyasi va xalqaro moliya (magistratura)

"Davlat moliyasi va xalqaro moliya" magistrlik dasturi talabalarga davlat moliyaviy tizimi, byudjet siyosati va xalqaro moliyaviy munosabatlar sohasida chuqur bilim hamda tahliliy ko'nikmalarni egallash imkonini beradi. Dastur milliy va global miqyosdagi moliyaviy jarayonlarni har tomonlama tahlil qila oladigan yuqori malakali mutaxassislarni tayyorlashga qaratilgan.

Tahsil davomida magistrantlar davlat byudjeti va soliq siyosati, moliyaviy boshqaruv, xalqaro valyuta-kredit munosabatlari, investitsiya tahlili hamda jahon moliya bozorlari faoliyatini chuqur o'rganadilar. O'quv jarayoni zamonaviy iqtisodiy modellar, statistik tahlil va real moliyaviy holatlar (case study) asosida olib boriladi.

Dastur magistrantlarning ilmiy-tadqiqot salohiyatini rivojlantirishga, moliyaviy qarorlarni asoslab berish va davlat hamda xalqaro miqyosdagi moliyaviy strategiyalarni ishlab chiqish qobiliyatini shakllantirishga alohida e'tibor qaratadi.

Dasturni tamomlagan bitiruvchilar moliya vazirligi va davlat moliya institutlari, markaziy va tijorat banklari, xalqaro moliya tashkilotlari hamda investitsiya kompaniyalarida moliyaviy tahlilchi, ekspert va menejer sifatida muvaffaqiyatli faoliyat yuritishlari mumkin.