Ta'lim va tarbiya nazariyasi va metodikasi

Ta’lim yo‘nalishi tavsifi

70110301 – Ta’lim va tarbiya nazariyasi va metodikasi (texnologik ta’lim) magistratura mutaxassisligi texnologik ta’limning nazariy asoslari, o‘qitish metodikasi, zamonaviy pedagogik texnologiyalar, ta’lim jarayonini tashkil etish hamda o‘quvchilarning amaliy va ijodiy ko‘nikmalarini rivojlantirish sohasida yuqori malakali mutaxassislarni tayyorlashga yo‘naltirilgan. Mutaxassislik umumiy o‘rta, professional va oliy ta’lim tizimlarida pedagogik, ilmiy-tadqiqot hamda metodik faoliyatni tashkil etish bilan bog‘liq masalalarni qamrab oladi.

Tarkib va o‘quv rejasi

Ta’lim jarayonida magistrantlar:

• Ta’lim va tarbiya nazariyasi;
• Texnologik ta’lim metodikasi;
• Zamonaviy pedagogik texnologiyalar;
• Texnologik ta’limni tashkil etish metodikasi;
• Ta’limda innovatsion texnologiyalar;
• Texnologik ta’limda amaliy mashg‘ulotlarni tashkil etish;
• Mehnat ta’limi va kasbga yo‘naltirish metodikasi;
• Ta’lim jarayonida axborot-kommunikatsiya texnologiyalari;
• Pedagogik mahorat va pedagogik kompetentlik;
• Ilmiy tadqiqot metodologiyasi;
• Akademik yozuv;
• Ilmiy-pedagogik faoliyat

yo‘nalishlarida bilim va ko‘nikmalarni egallaydilar.

Dasturni o‘rganish natijalari

Dasturni muvaffaqiyatli tamomlagan magistr:

• texnologik ta’lim jarayonini zamonaviy pedagogik yondashuvlar asosida tashkil etish;
• texnologik ta’lim fanlarini o‘qitish metodikasini ishlab chiqish va takomillashtirish;
• ta’lim jarayonida zamonaviy pedagogik va axborot texnologiyalaridan foydalanish;
• o‘quvchilarning amaliy, ijodiy va texnologik ko‘nikmalarini rivojlantirish;
• ta’lim samaradorligini baholash va pedagogik jarayonni tahlil qilish;
• ilmiy-pedagogik tadqiqotlar olib borish va natijalarini ta’lim amaliyotiga joriy etish

ko‘nikmalariga ega bo‘ladi.

Karyera imkoniyatlari

Mutaxassislik bitiruvchilari:

• texnologik ta’lim fani o‘qituvchisi;
• metodist va pedagogik faoliyat mutaxassisi;
• ta’lim tashkilotlarida pedagog;
• texnologik ta’lim bo‘yicha ilmiy-tadqiqotchi;
• ta’lim muassasalarining metodik xizmat xodimi;
• professional ta’lim muassasalari o‘qituvchisi;
• oliy ta’lim muassasalari o‘qituvchisi;
• ilmiy-tadqiqot institutlari va markazlari xodimi

sifatida faoliyat yuritishlari mumkin.