Astraxan davlat texnika universitetining O'zbekiston Respublikasi Toshkent viloyatidagi filiali

Sifatli Rossiya ta’limi O‘zbekistonda — mening AGTUdagi tajribam. Mening ismim Sayora. Men “Iqtisodiyot” yo‘nalishi bo‘yicha Astraxan davlat texnika universitetining (Toshkent viloyatidagi filiali) bitiruvchisiman. Ushbu universitetni tanlashim faoliyatimdagi muhim va hal qiluvchi qadam bo‘ldi. Rossiya ta’lim standartlari asosida o‘qish, mahalliy bozorni chuqur tushunish bilan uyg‘unlashib, noyob ustunlik beradi. Men nimalarga ega bo‘ldim: Makro va mikroiqtisodiyot, moliyaviy tahlil hamda xalqaro menejment sohalarida chuqur bilimlar. O‘qituvchilar haqida: Mahalliy ustozlarimizga ham, Astraxandan tashrif buyurib dars bergan professor-o‘qituvchilarga ham yuqori talabchanliklari va zamonaviy yondashuvlari uchun minnatdorchilik bildiraman. AGTU — bu shunchaki ma’ruzalar emas, balki tahliliy fikrlashni rivojlantirishdir. Men ushbu universitetni xalqaro miqyosda tan olinadigan diplom olishni va iqtisodiyot sohasida raqobatbardosh mutaxassis bo‘lishni istagan barchaga tavsiya qilaman.

2020-yilda men Astraxan davlat texnika universitetining Toshkent viloyatidagi filialiga grant asosida talabalikka qabul qilindim. Bu dargohga qadam qo‘ygan ilk kunimdan boshlab o‘z oldimga katta maqsadlar qo‘ydim va to‘rt yillik tahsil davomida nafaqat puxta bilim oldim, balki shaxs sifatida ham shakllandim. Universitetda yaratilgan zamonaviy sharoitlar, malakali professor-o‘qituvchilarning chuqur bilim va tajribasi, ilmiy va amaliy loyihalarda ishtirok etish imkoniyatlari mening intellektual salohiyatimni yanada rivojlantirdi. Ayniqsa, rahbariyatning talabalarga bo‘lgan e’tibori, qo‘llab-quvvatlashi va tashabbuslarni rag‘batlantirishi menga katta kuch va ishonch bag‘ishladi. Har bir yutug‘im ortida ustozlarimning fidokorona mehnati va universitet rahbariyatining doimiy ko‘magi mujassam ekanini chuqur his qilaman. Tahsil davomida erishgan eng muhim yutuqlarimdan biri — Beruniy nomidagi davlat stipendiyasi sohibi bo‘lganimdir. Ushbu yuksak e’tirof mening ilmiy izlanishlarim va o‘qishdagi natijalarimning munosib bahosi bo‘ldi. Bu muvaffaqiyat meni yanada katta marralar sari ilhomlantirdi. O‘z ustimda tinimsiz ishlash, ilmiy faoliyatga bo‘lgan qiziqish va ustozlarimning tavsiyalari natijasida magistratura bosqichiga ham grant asosida o‘qishga qabul qilindim. Bu esa universitetda yaratilgan mustahkam ilmiy poydevor va qo‘llab-quvvatlovchi muhitning yaqqol samarasi, deb bilaman. Bugun ortga nazar tashlar ekanman, talabalik yillarim nafaqat bilim olish, balki hayotiy tajriba, qat’iyat va maqsad sari intilish maktabi bo‘lganini faxr bilan ayta olaman. Universitet rahbariyati va ustozlarimning ishonchi hamda doimiy ko‘magi mening keyingi ilmiy va kasbiy yutuqlarim uchun mustahkam zamin yaratdi.