Buxoro xalqaro universiteti

Prezidentimiz SH.M. Mirziyoyevning 2021 - yil 21-22 yanvar kunlari Buxoro viloyatiga tashrifi davomida va Xalq deputatlari viloyat Kengashining navbatdagi tashqari sessiyasida bergan topshiriqlari bo'yicha 4 - sonli bayonining 98 - bandiga asosan tashkil etilgan.

Oliygoximizda bugungi kunda 3 ta kampus umumiy hisobda 6000 o'rinli o'quv binosi hamda 420 o'rinli talabalar yotoqxonasi mavjud. Bizda jami 16 ta bakalavr, 8 ta magistratura hamda 6 ta ta'lim shakli bo'yicha DOKTORANTURA (Psixologiya, Filologiya, Pedagogika fanlari bo'yicha) mavjud.

2025-yil 28-mart kuni O'zbekiston Respublikasi Vazirlar Mahkamasining tegishli litsenziyasiga asosan oliygohimiz nomi "Buxoro Xalqaro Universiteti" deb o'zgartirildi. Bu o'zgarish 4 yillik faoliyat davomida erishilgan yuqori natijalar — talabalar sonining oshishi, o'quv binolari ko'payishi, ta'lim sifatining xalqaro talablarga javob bera olishi, ilmiy salohiyatning 69 foizga yetganligi, ta'lim yo'nalishlari sonining 24 taga yetganligi, psixologiya bo'yicha ilmiy kengash tashkil etilganligi va xalqaro ilmiy jurnallar muallifligini qo'lga kiritganligi — bilan bog'liq.

Universitetda 6 ta department faoliyat yuritadi, ularda 98 nafar o'qituvchi, jumladan 18 nafar professor, 28 nafar dotsent, 19 nafar fan doktori va 23 nafar fan nomzodi dars beradi. Talabalar hisoboti 2021-yildan buyon "Raqamli ta'lim texnologiyalarini rivojlantirish markazi" bilan tuzilgan shartnoma asosida HEMIS platformasida olib boriladi.

Universitet xalqaro hamkorlik yo'nalishida faol ishlamoqda: xorijiy oliy ta'lim muassasalari bilan tuzilgan shartnomalar, talaba va o'qituvchilar almashinuvi dasturlari, hamda Top 1000 reytingidagi universitetlar bilan hamkorlik yo'lga qo'yilgan. Talabalar uchun zamonaviy infratuzilma — konferents-zal, o'quv xonalari, axborot-resurs markazi va kutubxona — yaratilgan.

Buxoro Xalqaro Universiteti chet ellik talabalar uchun qulay va xavfsiz ta'lim muhitini yaratishga alohida e'tibor qaratadi. Boshqa davlatlardan kelib o'qiyotgan talabalarimiz uchun barcha zarur shart-sharoitlar — turar joy, ovqatlanish, tibbiy yordam va ijtimoiy moslashish bo'yicha yordam — ta'minlangan.

Universitetimizda talabalar uchun qulay va zamonaviy turar joylar taqdim etiladi. Turar joy binolarida barcha qulayliklar yaratilgan bo'lib, talabalarimiz xavfsiz va qulay sharoitda yashashlari uchun barcha shart-sharoitlar mavjud.

• •Har bir xonada 2-3 kishi uchun joy
• •Oshxona va yuvinish xonalari
• •24/7 xavfsizlik va WiFi tarmog'i
• •O'qish va dam olish zallari
• •Tibbiy yordam ko'rsatish punkti
• •Xalqaro bo'lim tomonidan doimiy kuratorlik va maslahat xizmati
• •Hujjatlarni rasmiylashtirish (ro'yxatdan o'tish, ijozatnoma) bo'yicha yordam

Chet ellik talabalar Xalqaro bo'lim mutaxassislari bilan bevosita aloqada bo'lishlari mumkin — ular ta'lim jarayoni, turar joy va kundalik hayot bilan bog'liq barcha savollar bo'yicha yordam berishga tayyor.

2026-yilda Buxoro Xalqaro Universitetiga Qozog'istonning nufuzli oliy ta'lim muassasalari rektorlari — Xoja Ahmad Yassaviy nomidagi Xalqaro qozoq-turk universiteti (TOP-1000) va Al-Farobiy nomidagi Qozoq milliy universiteti (TOP-200) rektorlari tashrif buyurdilar. Mehmonlar universitet rektori tomonidan tantanali ravishda kutib olindi va oliygohda yaratilgan zamonaviy shart-sharoitlar bilan tanishtirildi.

Al-Farobiy nomidagi Qozoq milliy universiteti rektori bilan uchrashuv

Xoja Ahmad Yassaviy nomidagi universitet rektori bilan memorandum imzolanishi

Tashrif davomida ikki tomonlama hamkorlikni rivojlantirish, qo'shma ta'lim dasturlarini yo'lga qo'yish, ilmiy-tadqiqot faoliyatini kengaytirish va akademik almashinuvga yo'naltirilgan muhim memorandumlar imzolandi. Al-Farobiy nomidagi Qozoq milliy universiteti rektori Jonseyt Tuymebayev va Xoja Ahmad Yassaviy nomidagi universitet rektori Jonar Temirbekova universitet infratuzilmasi, ta'lim jarayoni va talabalar hayoti bilan tanishdilar, shuningdek ularga "Navruz bayrami an'analari" dasturi taqdim etildi.

Muzokaralar natijasida strategik hamkorlikni mustahkamlashga qaratilgan memorandumlar imzolandi: qo'shma ta'lim dasturlari, ilmiy loyihalar va o'qituvchi-talabalar almashinuvini amalga oshirish rejalashtirilgan. Mehmonlarga "Buxoro Xalqaro Universitetining Faxriy akademigi" unvoni tantanali ravishda topshirildi.

Konfrensiyada xorij olimlari ham o'z chiqishlarida, Psixologiya fanlari o'sishida O'zbekiston psixolog olimlari hissalari haqida, qolaversa xalqaro universitetlar bilan doimiy hamkorlik masalalari bo'yicha o'z takliflarini bildirishdi.

Turkiyaning Anqara Yildirim Boyazid universiteti professori, xalqaro hamkorlik bo'yicha yetakchi mutaxassis Qosimov Ali Asqarxon Aslamxon o'g'li Buxoro xalqaro universitetiga tashrif buyurdi.

Universitetda ta'lim O'zbek va Rus tillarida olib boriladi. Shuningdek, talabalarning xorijiy til bilimini chuqurlashtirish maqsadida Ingliz tili o'qitiladi.

Dars vaqtlaridan tashqari, talabalar uchun IELTS xalqaro sertifikatiga tayyorlov kurslari tashkil etilgan. Bu kurslar talabalarga ingliz tilini xalqaro standartlar darajasida o'rganish va kelajakda xorijda o'qish yoki ishlash imkoniyatlaridan foydalanish uchun zarur ko'nikmalarni shakllantirishga yordam beradi.