Farg‘ona jamoat salomatligi tibbiyot instituti

Farg‘ona jamoat salomatligi tibbiyot instituti — O‘zbekiston Respublikasida jamoat salomatligi, profilaktik tibbiyot va zamonaviy tibbiy kadrlarni tayyorlashga ixtisoslashgan oliy ta’lim muassasalaridan biridir. Institut mamlakat sog‘liqni saqlash tizimini rivojlantirishda muhim o‘rin tutadi.
Institut tashkil topishi va rivojlanish tarixi
Farg‘ona jamoat salomatligi tibbiyot instituti nisbatan yangi oliy ta’lim muassasasi bo‘lib, u Oliy ta’lim, fan va innovatsiyalar vazirligi va Sog‘liqni saqlash vazirligining 1992-yil 28-may kunidagi 189- va 311-sonli qo‘shma buyruqlari asosida Farg‘ona Davlat universiteti qoshida “Tibbiyot Markazi” sifatida tashkil qilingan. O‘zbekiston Respublikasi Vazirlar Mahkamasining 1998-yil 3-iyundagi 239-qarori bilan Toshkent Davlat ikkinchi tibbiyot institutining Farg‘ona filialiga, Vazirlar Mahkamasining 2005-yil 29-iyuldagi 780-sonli qarori bilan Toshkent tibbiyot akademiyasining Farg‘ona filialiga aylantirilgan. O‘zbekiston Respublikasi Prezidentining 2020-yil 3-dekabrdagi PQ-4911-sonli “Farg‘ona jamoat salomatligi tibbiyot institutini tashkil etish to‘g‘risida”gi qarori bilan Toshkent tibbiyot akademiyasi Farg‘ona filiali negizida Farg‘ona jamoat salomatligi tibbiyot instituti sifatida tashkil etilgan. 
Tashkil etilgan ilk yillardan boshlab institut zamonaviy ta’lim tizimini yo‘lga qo‘yishga alohida e’tibor qaratdi. O‘quv jarayoniga kredit-modul tizimi, interaktiv dars usullari va innovatsion texnologiyalar joriy qilindi. Qisqa muddat ichida institut o‘zining moddiy-texnik bazasini mustahkamlab, zamonaviy laboratoriyalar, o‘quv xonalari va klinik bazalarni shakllantirdi.
Institutning tashkil etilishi aholining sog‘lig‘ini saqlash, kasalliklarning oldini olish va zamonaviy tibbiy xizmatlarni rivojlantirish zarurati bilan bog‘liqdir. Institut ochilganidan buyon qisqa vaqt ichida ilmiy, o‘quv va amaliy yo‘nalishlarda sezilarli natijalarga erishdi. Instituti dunyoning 30 dan ortiq oliy ta’lim muassasalari bilan shartnomalar imzolangan va o‘quv, ilmiy va ma’rifiy sohalarda doimiy hamkorlik aloqalarini olib bormoqda. U hududdagi tibbiyot muassasalari bilan hamkorlikda faoliyat yuritib, amaliy tajribaga ega ko‘plab malakali shifokorlar tayyorlab kelmoqda. 
O‘quv jarayoni va infratuzilma
Institutda o‘quv jarayoni zamonaviy talablarga mos ravishda tashkil etilgan. Darslar quyidagi shakllarda olib boriladi:
•  Ma’ruzalar va seminar mashg‘ulotlari 
•  Amaliy mashg‘ulotlar va laboratoriya ishlari 
•  Klinik amaliyotlar (shifoxonalarda) 
•  Simulyatsion markazlarda treninglar 
Institut tarkibida yuqori texnologiyalar bilan jihozlangan simulyatsion markaz mavjud bo‘lib, unda talabalar turli tibbiy vaziyatlarni real sharoitga yaqin holatda o‘rganadilar. Shuningdek, axborot-resurs markazi (kutubxona) zamonaviy adabiyotlar va elektron resurslar bilan ta’minlangan.
Ilmiy faoliyat
Institut ilmiy-tadqiqot ishlariga ham katta e’tibor beradi. Professor-o‘qituvchilar va talabalar quyidagi yo‘nalishlarda ilmiy izlanishlar olib boradilar:
•  Epidemiologiya va infeksion kasalliklar 
•  Ekologiya va aholi salomatligi 
•  Surunkali kasalliklarning oldini olish 
•  Sog‘lom turmush tarzini shakllantirish 
•  Tibbiyotda raqamli texnologiyalar 
Institutda muntazam ravishda ilmiy konferensiyalar, seminarlar va davra suhbatlari tashkil etilib, yosh olimlarning ilmiy faoliyati qo‘llab-quvvatlanadi. Shuningdek, institut xalqaro hamkorlikni rivojlantirib, xorijiy oliy o‘quv yurtlari va ilmiy markazlar bilan tajriba almashib kelmoqda.
Talabalar hayoti
Institutda talabalar uchun barcha sharoitlar yaratilgan. Ular nafaqat o‘qish, balki ijtimoiy va madaniy hayotda ham faol ishtirok etadilar:
•  Sport musobaqalari 
•  Madaniy tadbirlar va festivallar 
•  Talabalar tashkilotlari va klublar 
•  Ko‘ngillilar harakati 
Talabalar turar joylari (yotoqxona) bilan ham ta’minlangan bo‘lib, ular uchun qulay yashash sharoitlari yaratilgan.

Farg‘ona jamoat salomatligi tibbiyot instituti xorijiy talabalar uchun zamonaviy va qulay ta’lim sharoitlarini yaratgan oliy ta’lim muassasalaridan biridir. Institutda AQSh, Nigeriya,  Rossiya Federatsiyasi, Tojikiston Respublikasi, Pokiston Islom Respublikasi, Hindiston Respublikasi, Afg‘oniston va Qirg‘iz Respublikalaridanva boshqa davlatlardan kelgan talabalar tahsil oladi. Ular uchun maxsus xalqaro fakultet faoliyat yuritadi va ta’lim jarayoni xalqaro standartlarga moslashtirilgan bo‘lib, talabalarning sifatli bilim olishiga katta e’tibor qaratiladi.

Institutda xorijiy talabalar zamonaviy o‘quv bazasidan foydalanish imkoniyatiga ega. Auditoriyalar zamonaviy texnik vositalar bilan jihozlangan, simulyatsion markazlarda esa talabalar amaliy ko‘nikmalarini mustahkamlashadi. Bundan tashqari, institut klinikasi va viloyat shifoxonalari bazasida amaliy mashg‘ulotlar o‘tkaziladi, bu esa bo‘lajak shifokorlar uchun katta tajriba maktabi bo‘lib xizmat qiladi.

Shuningdek, talabalarga raqamli ta’lim tizimi ham yaratilgan. Elektron kutubxona, axborot-resurs markazi va masofaviy ta’lim platformalari orqali talabalar dars materiallarini oson topishi va mustaqil ishlashi mumkin. Bu tizim ayniqsa xorijiy talabalar uchun juda qulay bo‘lib, o‘qish jarayonini yanada samarali qiladi.

Xorijiy talabalar uchun yashash sharoitlari ham yaxshi yo‘lga qo‘yilgan. Talabalar turar joylari, oshxona xizmatlari, sport va madaniy tadbirlar ularning qulay yashashi va bo‘sh vaqtini mazmunli o‘tkazishi uchun tashkil etilgan. Kampus hududi xavfsiz va tartibli bo‘lib, talabalar uchun barcha zarur sharoitlar yaratilgan.

Farg‘ona jamoat salomatligi tibbiyor instituti xalqaro hamkorlikni faol yo‘lga qo‘ygan oliy ta’lim muassasalaridan biri hisoblanadi. Institut bugungi kunda ta’lim, ilmiy-tadqiqot va innovatsion faoliyatni rivojlantirish maqsadida dunyoning ko‘plab nufuzli universitetlari va ilmiy markazlari bilan hamkorlik qiladi. Xususan, institut 30 dan ortiq xorijiy oliy ta’lim muassasalari bilan rasmiy hamkorlik shartnomalarini imzolagan bo‘lib, bu hamkorliklar o‘quv, ilmiy va ma’rifiy yo‘nalishlarda olib boriladi.

Institutning xalqaro aloqalari doirasida talabalar va professor-o‘qituvchilar almashinuvi dasturlari, qo‘shma ta’lim loyihalari hamda malaka oshirish kurslari tashkil etilmoqda. Talabalar uchun xorijda o‘qish, stajirovka o‘tash, magistratura va doktorantura dasturlarida ishtirok etish imkoniyatlari yaratilgan. Shu bilan birga, institut xalqaro grantlar asosida ilmiy loyihalarni amalga oshirishda ham faol qatnashadi.

Shuningdek, Farg‘ona jamoat salomatligi tibbiyot instituti xalqaro ilmiy-amaliy konferensiyalar, seminarlar va forumlarni muntazam o‘tkazib boradi. Bu tadbirlar orqali xorijiy olimlar bilan tajriba almashish, zamonaviy tibbiyot yutuqlarini o‘rganish va ularni amaliyotga joriy etish imkoniyati kengaymoqda

Farg‘ona jamoat salomatligi tibbiyot instituti xorijiy talabalarni ta’lim jarayoniga moslashuvini ta’minlash maqsadida maxsus til kurslari tashkil etilgan bo‘lib, alohida O‘zbek va xorijiy tillar kafedrasi mavjud. Unda chet ellik talabalar uchun o‘quv, yashash va moslashuv sharoitlari yaratilgan.
Ushbu til kurslarining asosiy maqsadi — xorijiy talabalarni o‘quv jarayoniga tez va samarali moslashtirish, ularning o‘zbek va ingliz tillarida bilimlarini rivojlantirish hamda tibbiyot sohasida erkin muloqot qilish imkoniyatini yaratishdir.
Til kurslar yo‘nalishlari
1. Ingliz tili kurslari
Eng asosiy va talab yuqori bo‘lgan kurs hisoblanadi.
Yo‘nalishlari:
• Beginner (boshlang‘ich daraja)
• Intermediate (o‘rta daraja)
• Advanced (yuqori daraja)
• Medical English (tibbiyot ingliz tili)
• IELTS va boshqa xalqaro imtihonlarga tayyorlov
2. Rus tili kurslari
Rus tili MDH davlatlari bilan aloqalar uchun muhim hisoblanadi.
Kurs tarkibi:
• Kundalik muloqot
• Kasbiy rus tili
• Tibbiyot terminologiyasi
• Klinik muhitda suhbat
3. O‘zbek tili kurslari
Asosan o‘zbek tilida mukammal yozish va so‘zlashni rivojlantirishga qaratilgan:
• Adabiy til me’yorlari
• Nutq madaniyati
• Rasmiy hujjatlar bilan ishlash
• Tibbiy terminologiya

Farg‘ona tibbiyot institutining xalqaro fakultetda 750 nafarga yaqin talaba tahsil olmoqda, talabalar institut hamda Farg‘ona viloyatining jamoat hayotida faol ishtirok etmoqda. Yaqinda Samarqand shahrida tibbiyot fakulteti talabalari o‘rtasida o‘tkazilgan xalqaro olimpiadada 6 nafar o‘quvchi birinchi ikkinchi va uchinchi o‘rinlarni egalladi. Shahrimizda o‘tkazilayotgan sport musobaqalarida o‘quvchilar ham faol ishtirok etib, yaqinda shaxmat, futbol, ​​voleybol bo‘yicha chempionat bo‘lib o‘tdi, unda o‘quvchilarimiz ishtirok etdi. Bundan tashqari, fakultetimiz talabalari kriket bo‘yicha Uzbekiston terma jamoa a’zolari bo‘lib,  Respublikamiz va institutimiz nomidan chiqish qilishga qizg‘in hozirlik ko‘rmoqda.