Guliston davlat universiteti

Hozirgi Guliston davlat universiteti 1965-yilda ilk marta ish boshlagan Sirdaryo davlat pedagogika instituti (SDPI) zaminida tashkil etilgan. Ko’pmillatli ko’hna Mirzacho’l hududida o’zbek, qozoq, rus, tojik maktablari mavjud bo’lib, ularda pedagoglar, fan mutaxassislari yetishmasligi o’lkada oliy ta’lim muassasasining tashkil etilishiga asos bo’lgan. Dastlabki yili institutda 1ta fakultet (filologiya)ga 400 nafar talaba qabul qilingan. Jami 5ta kafedra mavjud bo’lgan. Kadrlarga bo’lgan ehtiyojdan kelib chiqib, fakultetda o’zbek, rus, qozoq tili va adabiyoti, xorijiy tillar bo’limlari ochilgan. Dastlabki yili institutda 30 nafar o’qituvchi (shundan 5 nafar fan nomzodi) faoliyat yuritgan.

Ayni kunlarda universitetda 9 ta fakultet, 1ta ilmiy tadqiqot instituti, 30 kafedra 477 nafar professor-o'qituvchi faoliyat ko'rsatmoqda. Universitetda so'ngi yillarda 3 ta yangi fakultet, 9 ta yangi kafedra, 10 dan ortiq yangi yo'nalishlar ochildi. Shuningdek, 10 ta magistratura yo'nalishlari tashkil etildi. Universitetning kunduzgi, sirtqi, kechki bo'limlarida 16 315 nafar bakalavr va magistrlar tahsil olmoqdalar.

Talabalar turar joylari haqida ma’lumot

Universitetda sig‘imi 2094 o‘ringa mo‘ljallangan 4 ta talabalar turar joyi mavjud.

Jumladan, 1-sonli talabalar turar joyi 4 qavatli, 822 o‘ringa mo‘ljallangan,              2-sonli talabalar turar joyi 4 qavatli, 772 o‘ringa mo‘ljallangan bo‘lib, universitet hududida joylashgan, o‘quv binolarigacha bo‘lgan masofa 100-200 metrni tashkil qiladi.

3-sonli talabalar turar joyi 4 qavatli, 350 o‘ringa mo‘ljallangan bo‘lib, Yangiyer shahar, Pedagogika fakulteti hududida joylashgan, o‘quv binosigacha bo‘lgan masofa  50 metrni tashkil qiladi.

4-sonli talabalar turar joyi 2 qavatli, 150 o‘ringa mo‘ljallangan bo‘lib, Boyovut tumani Jismoniy madaniyat fakulteti hududida joylashgan, o‘quv binosigacha bo‘lgan masofa  60 metrni tashkil qiladi.

TTJlarda talabalar uchun barcha sharoit va qulayliklar yaratilgan, jumladan, 1 va 3-sonli talabalar turar joylarida tibbiyot xonalari tashkil etilgan, 1-sonli va 2-sonli TTJlarda 5 muhim tashabbusni joriy etish maqsadida alohida xonalar, kutubxona, sport (fitnes) xonasi, musiqa va tasviriy san’at xonasi hamda kompyuter xonalari tashkil etilgan. Ushbu xonalar zarur sport jihozlari, musiqa asboblari, kompyuter jamlanmasi, darslik va badiiy adabiyotlari bilan ta’minlangan. 1-sonli TTJda sartaroshxona (4 o‘rinli), 2-sonli TTJda tikuvchilik (4 dona tikuv mashinasiga mo‘ljallangan) xonasi tashkil qilinib talabalarga to‘liq xizmat ko‘rsatadi.

- Universitetda talabalar turar joyiga talabalarni joylashtirishda yotoqxonaga talab yuqori bo‘lganligi sababli Oliy va o‘rta maxsus ta’lim vazirligining 2019 yil 1 noyabrdagi 1019-sonli buyrug’i bilan tasdiqlangan “Talabalar turar joylari to‘g’risida”gi NIZOMning 4-bobi, (TTJ faoliyatini tashkil etish) 26-bandida ko‘rsatilgan talablar ketma-ketligi asosida joylashtiriladi.

  (Chin yetim talabalar, “Mehribonlik uylari” tarbiyalanuvchilari, nogironligi mavjud talabalar, ijtimoiy himoyaga muhtoj, moddiy ahvoli og‘ir talabalar (shuningdek, bitta oilada 2 yoki undan ortiq shaxs to‘lov-shartnoma asosida o‘qiyotgan bo‘lsa), xorijdan kelib tahsil olayotgan talabalar, 1-2-bosqich talabalari, Yoshlar ittifoqining faollari, Xalqaro miqyosdagi fan olimpiadalarida g‘oliblikni qo‘lga kiritgan talabalar, yozgi ta’til davrida “Fidokor” yoshlar mehnat otryadi tarkibida TTJni ta’mirlashda ishtirok etgan talabalar, TTJda doimiy ravishda talabalar kengashi raisi, qavat sardorlari va boshqa jihatlari bilan doimiy ravishda faollik ko‘rsatib kelayotgan talabalarga ustuvorlik beriladi).

Guliston davlat universiteti xalqaro hamkorlik faoliyati to‘g‘risida

Guliston davlat universiteti tomonidan hozirda amalda bo‘lgan 30 dan ortiq xorijiy oliy ta’lim muassasalari, ilmiy tadqiqot institutlari va ilmiy tashkilotlar bilan hamkorlik aloqalari o‘rnatilgan. Ular Malayziya, Yaponiya, Koreya, Xitoy, Buyuk Britaniya, Germaniya, Italiya, Pokiston, Turkiya, Belarusiya, Rossiya, Ozarbayjon, Qozog‘iston, Qirg‘iziston, Tojikiston kabi xorijiy davlatlardir.

Bundan tashqari Guliston davlat universiteti professor-o‘qituvchilari hamda yosh izlanuvchilari Erasmus+, KOICA, JICA, UNESCO kabi xalqaro donor tashkilotlar tanlovlarida o‘zlarining loyihalarini amalga oshirish bilan birgalikda hamkorlikdagi loyihalarda ham ishtirok etib, yurtimiz va jahon ilm-fan taraqqiyotiga xissalarini qo‘shib kelmoqdalar.

Ayni vaqtda hamkorlik doirasida tashkil etilgan quyidagi 3ta qo‘shma dastur bo‘yicha talabalar tahsil olib kelmoqdalar:

1. Muxtar Auezov nomidagi Janubiy Qozog‘iston davlat universiteti bilan bakalavriat bosqichining “Qozoq tili” yo‘nalishi bo‘yicha “2+2” qo‘shma dasturi;
2. Rossiya Federatsiyasining Qozon Federal Universiteti bilan bakalavriat bosqichining “Biologiya” va “Psixologiya” yo‘nalishlarida “2+2” qo‘shma dasturi;
3. Malayziyaning Binary universiteti bilan magistratura bosqichining “Biznesni boshqarish” yo‘nalishida “1+1” qo‘shma dasturi.

2023-2024-o‘quv yilida Guliston davlat universitetida Qozog‘iston, Qirg‘iziston, Tojikiston, Ozarbayjon hamda Rossiya fuqarolari bo‘lgan 21 nafar xorijlik talabalar bakalavriat bosqichida kunduzgi va sirtqi ta’lim shaklida tahsil olmoqdalar.

Guliston davlat universitetida talabalarning ingliz tilini o‘rganishga bo‘lgan qiziqishlarini oshirish va bilimlarini takomillashtirish maqsadida Toshkent shahridagi AQSh elchixonasi bilan hamkorlikda tashkil etilgan “Fulbright ETA” dasturi bo‘yicha 2 nafar AQShlik o‘qituvchilar ingliz tilidan dars berib kelmoqdalar.

“Rus tili va adabiyoti” kafedrasida ham 2023-2024-o‘quv yili uchun Rossiyadan 2 nafar professor-o‘qituvchi jalb qilingan. Shuningdek, yil davomida talabdan kelib chiqqan holda, Germaniya, Malayziya, Turkiya, Rossiya, Pokiston, Qozog‘iston kabi davlatlardagi hamkor universitetlar va yetakchi ilmiy tashkilotlardan professor-o‘qituvchilar va yuqori malakali mutaxassislar muntazam ravishda dars jarayonlariga jalb qilib kelinmoqda.

So‘nggi yillarda Oliy ta’lim, fan va innovatsiyalar vazirligi ko‘magi bilan QS, THE, U.S. News & World Report kabi dunyo tan olgan xalqaro reytinglarlarda ishtirok etish va universitet imidjini oshirish ishlari amalga oshirib kelinmoqda. Faoliyat natijasi o‘laroq, 2023-yilda Guliston davlat universiteti THE (Times Higher Education) reytingida reportyorlik maqomini qo‘lga kiritdi. Kelgusida universitetni dunyo reytingining Top 1000 universitetlari safiga kiritish reja qilingan va bosqichma-bosqich ishlar amalga oshirilmoqda.

URL: https://guldu.uz/uz/faoliyat/contact-us/

{}

O'ZBEKISTON RESPUBLIKASI OLIY TA'LIM, FAN VA INNOVATSIYALAR VAZIRLIGI TOMONIDAN 2024/2025-O'QUV YILIDA BAKALAVR BOSQICHI TALABALARI UCHUN TA'SIS ETILGAN NOMDOR DAVLAT STIPENDIYASI SOHIBI BO'LGAN GULISTON DAVLAT UNIVERSITETI TALABALARI BILAN TANISHING!

2024-yilda Guliston davlat universitetining 8 nafar talabasi Prezident va nomdor stipendiya sohibi bo‘ldilar. Shulardan, 1 nafari O‘zbekiston Respublikasi Prezidenti stipendiyasi, 4 nafar Alisher Navoiy stipendiyasi, 1 nafar Islom Karimov stipendiyasi, 1 nafar Mirzo Ulug‘bek stipendiyasi, 1 nafar Abu Rayhon Beruniy stipendiyasini qo‘lga kiritdilar.

2023-yilda esa, 9 nafar Guliston davlat universiteti talabalari nomdor stipendiya sohibi bo‘ldilar. Shundan 1 nafari O‘zbekiston Respublikasi Prezidenti stipendiyasi, 6 nafari Alisher Navoiy stipendiyasi, 1 nafari Islom Karimov stipendiyasi, 1 nafari Mirzo Ulug‘bek stipendiyasini qo‘lga kiritdilar.

2022-yil oktabr oyida bakalavriat ta’lim yo‘nalishi va akademik litseyning 1-bosqich o‘quvchilari o‘rtasida 2022-2023 o‘quv yili uchun Guliston davlat universitetining kuzatuv kengashi tomonidan Halima Xudoyberdiyeva, To‘ra Sulaymon va Same Samadov nomidagi stipendiyalarga tanlov bosqichi o‘tkazildi hamda g‘oliblar taqdirlandi.

Jami 6 nafar g‘olibning 2 nafari Halima Xudoyberdiyeva, 2 nafari To‘ra Sulaymon va 2 nafari Same Samadov nomidagi stipendiya sohiblari bo‘ldilar.

Guliston davlat universiteti Filologiya fakulteti, Filologiya va tillarni o‘qitish (o‘zbek tili) yo‘nalishi 3-bosqich talabasi Xayitboyev Yorqinjon O‘rmonali o‘g‘li 2022-yilning 5-6-7-aprel kunlari Toshkent shahrida o‘tkazilgan “Yosh kitobxon” tanlovining respublika bosqichida faxrli 1-o‘rinni qo‘lga kiritdi va “Prezident sovg‘asi” – avtomashina bilan taqdirlandi.

O‘zbekiston Respublikasi Prezidentining 2022-yil 29-iyundagi Qarori asosida Guliston davlat universiteti Filologiya fakulteti, Filologiya va tillarni o‘qitish (o‘zbek tili) yo‘nalishi 3-bosqich talabasi Xayitboyev Yorqinjon O‘rmonali o‘g‘li “Mard o‘g‘lon” davlat mukofoti bilan taqdirlandi. 30-iyun kuni Toshkent shahridagi “Yangi O‘zbekiston” bog‘ida mukofotni mamlakatimiz prezidenti Shavkat Mirziyoyevdan qabul qilib oldi.

Guliston davlat universiteti Filologiya fakulteti, Filologiya va tillarni o‘qitish (o‘zbek tili) yo‘nalishi 3-bosqich talabasi Xayitboyev Yorqinjon O‘rmonali o‘g‘li 2023-yilning 16-19-yanvar kunlari O‘zbekiston Yozuvchilar uyushmasi tomonidan Toshkent viloyatida o‘tkazilgan Respublika Yosh ijodkorlar seminarida ishtirok etdi va taqdirlandi.

Guliston davlat universiteti Filologiya fakulteti, Filologiya va tillarni o‘qitish (o‘zbek tili) yo‘nalishi 3-bosqich talabasi Xayitboyev Yorqinjon O‘rmonali o‘g‘lining “Men ummon bo‘laman” kitobi O‘zbekiston Yozuvchilar uyushmasi a’zosi, shoir Hasan Abduvohidov muharrirligida Toshkentdagi “Innovatsiya-Ziyo” nashriyotida chop etildi. Kitobni O‘zbekiston Respublikasi Oliy Majlisi Senati raisi Tanzila Norboyevaga sovg‘a qildi.

Guliston davlat universiteti Filologiya fakulteti, Filologiya va tillarni o‘qitish (o‘zbek tili) yo‘nalishi 3-bosqich talabasi Xayitboyev Yorqinjon O‘rmonali o‘g‘li va uning onalari Erkaboyeva Buvhilol O‘razboyevna 2022-yilning 19-oktabr kuni Respublika Ma’naviyat va ma’rifat markazi tomonidan “Mening farzandim – O‘zbekiston iftixori” tashakkurnomasi bilan taqdirlanishdi.

Guliston davlat universiteti Filologiya fakulteti, Filologiya va tillarni o‘qitish (o‘zbek tili) yo‘nalishi 3-bosqich talabasi Xayitboyev Yorqinjon O‘rmonali o‘g‘li 2022-yilning 14-avgust kuni Toshkentda Pokiston Islom Respublikasi mustaqilligining 75 yilligi hamda Pokiston va Oʻzbekiston diplomatik aloqalarining 30 yilligi munosabati bilan o‘tkazilgan insholar tanlovida g‘olib bo‘ldi va Pokiston Islom Respublikasining O‘zbekistondagi elchisi Syed Ali Asad Gillani janoblari tomonidan taqdirlandi.

Guliston davlat universiteti talaba-yoshlari o‘rtasida, Oʻzbekiston Respublikasi Oliy ta’lim, fan va innovatsiyalar vazirining 2023-yil 9-martdagi “Talaba va yoshlarning vaqtini mazmunli o‘tkazish bo‘yicha tadbirlarni tashkil etish to‘g‘risidagi 48-son buyrug‘ining Chora tadbiridagi 3-bandida belgilangan vazifalar ijrosini ta’minlash maqsadida Guliston davlat universitetida “Teсhno Ways” tanlovi tashkil etildi.

Ishtirokchilar tanlov nizomida belgilangan mezonlar asosida hakamlar hay’ati tomonidan baholandi.

          Tanlov natijalari to‘g‘risida hakamlar hay’atining bergan tavsiyasiga ko‘ra:

2023-yilning 25-may kuni Universitetda iqtidorli talabalar o‘rtasida “Talaba-yoshlar ilmiy ishlari va innovatsion g‘oyalari” tanlovi o‘tkazildi

TANLOV YO‘NALISHLARI:

• raqamli texnologiyalar, matematik va dasturiy ta’minot, sun’iy intellekt
• kimyo sanoati, muxandislik fizikasi, texnika va texnologiyalar
• agro-biotexnologiya, qishloq xo‘jaligi, oziq-ovqat texnologiyalari
• biologiya, ekologiya va geografiya
• ijtimoiy gumanitar fanlar.

Tanlov natijalariga ko‘ra g‘oliblar aniqlandi.

Ijtimoiy gumanitar fanlar

1-o‘rin. Olimjonova Gulnoza No‘monjon qizi – Filologiya fakulteti, Xorijiy til va adabiyoti yo‘nalishi, 2-kurs, 42-21 guruh talabasiga (500000 so‘m)

Biologiya, ekologiya va geografiya

1-o‘rin. Husenov Jahongir Qo‘shmurod o‘g‘li – Tabiiy fanlar fakulteti, Geografiya o‘qitish metodikasi yo‘nalishi, 4-kurs, 89-19 guruh talabasiga (500000 so‘m)

2-o‘rin. Qurbonova Charos Toshmurod qizi – Tabiiy fanlar fakulteti, Geografiya va IBA yo‘nalishi, 2-kurs, 18-21 guruh talabasiga (375000 so‘m)

3-o‘rin. Fayzullayev Sayfiddin O‘tkir o‘g‘li – Ijtimoiy iqtisodiyot, Tarix yo‘nalishi,        3-kurs, 73-20 guruh talabasiga (250000 so‘m)

Kimyo sanoati, muhandislik fizikasi, texnika va texnologiyalar

1-o‘rin. Toshboyev Nurbek O‘tkir o‘g‘li – Axborot texnologiyalari fakulteti, Fizika yo‘nalishi,  3-kurs, 2-20 guruh talabasiga (500000 so‘m)

2-o‘rin. Alijonov Jasurbek Rustam o‘g‘li – Axborot texnologiyalari fakulteti, Fizika yo‘nalishi, 3-kurs, 1-20 guruh talabasiga (375000 so‘m)

3-o‘rin. Xidirova Durdona Olim qizi – Ishlab chiqarish texnologiyasi fakulteti, T.T.D.I.T yoʻnalishi, 3-kurs, 33-20 guruh talabasiga (250000 so‘m)

Raqamli texnologiyalar, matematik va dasturiy ta’minot, sun’iy intellekt

1-o‘rin. Sariboy Samandar Nasriddiq o‘g‘li – Axborot texnologiyalari fakulteti, Matematika va informatika yo‘nalishi, 3-kurs, 8-20 guruh talabasiga (500000 so‘m)

2-o‘rin. Dilnoza Safoyeva Kamol qizi – Axborot texnologiyalari fakulteti, Amaliy matematika yo‘nalishi, 3-kurs, 7-20 guruh talabasiga (375000 so‘m)

3-o‘rin. Jomonqulov Ravshan Bozor o‘g‘li – Axborot texnologiyalari fakulteti, matematika va informatika yo‘nalishi, 3-kurs, 8-20 guruh talabasiga (250000 so‘m)

Agro-biotexnologiya, irrigatsiya va suvdan oqilona foydalanish, oziq-ovqat xavfsizligi

1-o‘rin. Abdashimova Xumora Abrorxo‘ja qizi – Ishlab chiqarish texnologiyalari fakulteti, Oziq-ovqat texnologiyalari ta’lim yo‘nalishi, 3-kurs, 29-20 guruh talabasiga (500000 so‘m)

2-o‘rin. Po‘latova Ganjina Rashid qizi – Tabiiy fanlar fakulteti, Ekologiya va atrof-muhit muhofazasi yo‘nalishi, 3-kurs, 20-20-guruh talabasiga (375000 so‘m)

3-o‘rin. Nuraliyeva Farangiz Baxtiyor qizi – Ishlab chiqarish fakulteti, Mevachilik va uzumchilik yo‘nalishi, 3-kurs, 25-20 guruh talabasiga (250000 so‘m)

Tanlov natijalariga ko‘ra g‘oliblarni pul mukofati va estalik sovg‘alari bilan rag‘batlantirildi.

2023-2024-yil  

     Oliy ta’lim, fan va innovatsiyalar vazirligining 2023-yil 16-avgustdagi “2023/2024-o‘quv yili uchun respublika oliy ta’lim muassasalari talabalariga O‘zbekiston Respublikasi Davlat stipendiyasi Kamoliddin Bexzod nomli davlat stipendiyasi tayinlash to‘g‘risida”gi 3/10-4/1-4135-sonli xati asosida, San’atshunoslik fakulteti, Rangtasvir (dastgohli) yo‘nalishi 70-20 guruh talabasi, Gayberdiyeva Nodira Toxir qiziga Kamoliddin Bexzod nomli davlat stipendiyasi sovrindori tasdiqlandi.

O‘zbekiston Respublikasi Fanlar akademiyasi V.I.Romanovskiy nomidagi Matematika institutining 2023-yil 11-sentabrdagi 2/373-sonli xatiga asosan, Guliston davlat universitetining Matematika ta’lim yo‘nalishi 3-bosqich (bakalavr) talabasi Shomardonova Nurjaxon akademik T.A.Sarimsoqov nomidagi stipendiyaga (keyingi o‘rinlarda-stipendiya) munosib deb topilgan.

2023-yil Oʻzbekiston Respublikasi Prezidentining 2020-yil 7-maydagi “Matematika sohasidagi taʼlim sifatini oshirish va ilmiy-tadqiqotlarni rivojlantirish chora-tadbirlari toʻgʻrisida”gi PQ-4708-son qarori bilan Muxammad al-Xorazmiy nomidagi navbatdagi II Xalqaro olimpiada Qoraqalpogʻiston Respublikasida Nukus shahrida 20-oktyabrdan 30-oktyabrga qadar bo‘lib o‘tdi. Xalqaro olimpiadada Guliston davlat universiteti “Matematika” yo‘nalishida tahsil olayotgan talabalarimiz qatnashib  faxrli o‘rinlarni olib kelishdi. Talabalar o‘rtasidagi Matematikadan Xalqaro Al-Xorazmiy olimpiadasi natijalariga ko‘ra:

1. Rahimjonov Sanjarbek Qobiljon o‘g‘li – Axborot texnologiyalari instituti, Matematika yo‘nalishi 4-kurs 3-20-guruh talabasi-faxrli 3-o‘rin-bronza medali.
2. Ahadov Abduqodir O‘tkir o‘g‘li – Axborot texnologiyalari instituti, Matematika yo‘nalishi 4-kurs 3-20-guruh talabasi-faxrli 2-o‘rin kumush medali.
3. Normatov Muzaffar Shuxrat o‘g‘li – Axborot texnologiyalari instituti, Matematika yo‘nalishi 4-kurs 3-20-guruh talabasi faxrli 3-o‘rin-bronza medali.

         4. Egamberdiyev Mansur Botir o‘g‘li – Axborot texnologiyalari instituti, Matematika yo‘nalishi 4-kurs 4-21-guruh talabasi faxrli 3-o‘rin-bronza medallariga ega bo‘lishdi.

O‘zbekiston Respublikasi Prezidentining 1993-yil 5-fevraldagi “O‘zbekistonning o‘quvchi yoshlarini rag‘batlantirish choralari to‘g‘risida”gi PF-555-sonli Farmoni hamda O‘zbekiston Respublikasi Vazirlar Mahkamasining 2008-yil 13-oktabrdagi “O‘zbekiston iqtidorli yoshlarini taqdirlash va moddiy rag‘batlantirish to‘g‘risida” 226-son qaroriga muvofiq 2023/2024-o‘quv yili uchun respublika oliy ta’lim muassasalari bakalavriatining ohirgi ikki kursida tahsil olayotgan iqtidorli talabalarga nomli davlat stipendiyalarini tayinlash to‘g‘risidagi Oliy ta’lim, fan va innovatsiyalar vazirligining 2023-yil 4-dekabrdagi 516-sonli buyrug‘i asosida GulDU talabalari tasdiqlandi.

Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi tomonidan joriy yil 10–11-yanvar kunlari “Yil talabasi – 2023” tanlovining yakuniy bosqichi tashkil etildi (https://t.me/manaviyateduuz/9839). Unda 50 nafar nomzod hakamlar hay’ati tomonidan suhbat, savol-javob hamda taqdimot ishlari orqali xolislik va shaffoflik asosida baholandi. Guliston davlat universiteti boshlang'ich tashkiloti koordinatori, Filologiya fakulteti 4-bosqich talabasi Hayitboyev Yorqinjon O'rmonali o‘g‘li “Yil talabasi” tanlovining respublika bosqichida “Yilning eng faol ijodkor talabasi” nominatsiyasida faxrli 1-o‘rinni qo‘lga kiritdi.

https://guldu.uz/uz/universitet/tuzilma/bolimlar/iqtidor/18993-iqtidorli-talabalarning-ilmiy-tadqiqot-faoliyatini-tashkil-etish-bolimi.html