Renessans Taʼlim Universiteti

Renessans universiteti O'zbekiston Respublikasi Vazirlar Mahkamasi huzuridagi Ta'lim sifatini nazorat qilish davlat inspeksiyasi tomonidan 2022-yil 18-noyabrda berilgan 049194-raqamli davlat litsenziyasi asosida faoliyat yuritadi.

Universitetda University of Greenwich (Buyuk Britaniya) bilan qo'sh diplom dasturlari amal qiladi: ta'limning bir qismi Toshkentda, bir yili esa Londonda o'qiladi, Toshkentda to'plangan kreditlar to'liq hisobga olinadi, yakunida talaba britaniyalik universitet diplomini oladi. Xuddi shunday qo'sh diplom dasturlari Xinjiang University (Xitoy) bilan — xitoy filologiyasi bo'yicha "3+1" modeli (3 yil Toshkentda, 1 yil Xitoyda); Balıkesir University (Turkiya) bilan — turizm bo'yicha "2+2" modeli; Ankara Hacı Bayram Veli University (Turkiya) bilan — magistratura bo'yicha "1+1" modeli asosida ishlaydi.

Ta'lim o'zbek, rus va ingliz tillarida olib boriladi. Universitet tarkibida 3 ta oliy maktab, 10 ta departament, 31 ta bakalavriat yo'nalishi va 4 ta magistratura yo'nalishi mavjud: iqtisodiyot, xalqaro munosabatlar va turizmdan tortib IT, dizayn va sun'iy intellektgacha. Dars berish jarayonini xalqaro va mahalliy professorlar — O'zbekiston va xorijning yetakchi universitetlari bitiruvchilari amalga oshiradi.

Renessans universiteti shuningdek 17 dan ortiq davlat — Janubiy Koreya, Malayziya, Xitoy, Turkiya va boshqalar bilan talaba va professor-o'qituvchilar almashinuvi, yozgi va qishki maktablar, qo'shma ilmiy tadqiqotlar doirasida hamkorlik qiladi. Universitet kampuslari Toshkent shahrida qulay transport aloqasi bilan joylashgan bo'lib, kunduzgi, sirtqi va kechki ta'lim shakllari uchun zamonaviy infratuzilma bilan ta'minlangan.

Renessans Universitetining talabalar yotoqxonasi

Manzil: Toshkent shahri, Chilonzor tumani, Lutfiy ko'chasi, 47-uy

Poytaxtning eng qulay, ko'kalamzorlashtirilgan va obodonlashtirilgan hududlaridan biri — zamonaviy infratuzilma va qulay ekologik muhitni o'zida mujassam etgan Chilonzor tumanida joylashgan.

Joylashuv afzalliklari

Piyoda masofada rivojlangan infratuzilma:

• Savdo markazlari va supermarketlar
• Har qanday didga mos kafe va restoranlar
• Yashil bog'lar va dam olish maskanlari
• Tibbiyot markazlari va dorixonalar
• Zamonaviy sport majmualari

Qulay transport tizimi:

• Mirzo Ulug'bek metro bekatigacha 800 metr
• Universitetning o'quv binosigacha 1,9 kilometr
• Asosiy transport yo'llariga qulay chiqish

Ta'lim olish va yashash uchun qulay va xavfsiz muhit.

Tuman talabalar uchun ideal bo'lib, sifatli ta'lim, faol dam olish va qulay turmush uchun zarur bo'lgan barcha imkoniyatlarni o'zida mujassam etgan.

Sizni 500 o'ringa mo'ljallangan zamonaviy va qulay talabalar turar joyi kutmoqda!

Talabalar turar joyimiz sizning qulayligingiz uchun mo'ljallangan bo'lib, qulay yashash va ta'lim olish uchun zarur bo'lgan barcha shart-sharoitlar bilan jihozlangan.

Yashash sharoitlari:

• Xonalarda 2 dan 6 kishigacha joylashtiriladi
• Muntazam tozalash va kir yuvish xizmatlari
• Zarur jihozlar bilan ta'minlangan zamonaviy oshxona
• Dush kabinalari va kecha-kunduz issiq suv bilan ta'minlangan alohida hammomlar
• Maishiy texnika: muzlatgichlar, kir yuvish mashinalari, konditsionerlar
• Dam olish xonasi va madaniy tadbirlar uchun maydon

Turar joyimizning afzalliklari:

• Qulay joylashuv – universitet binolari va metroga yaqin
• Arzon narxlar – kvartira ijarasidan arzonroq
• Qulay turmush – barcha zarur narsalar mavjud
• Tezkor joylashish – shartnoma imzolangan kuni joylashish imkoniyati

Sizning qulay talabalik hayotingiz aynan shu yerdan boshlanadi!

Renessans Ta'lim Universiteti Yevropa, Osiyo va Janubi-Sharqiy Osiyoning 17 dan ortiq davlati bilan hamkorlik qiladi — Buyuk Britaniya, Germaniya, Turkiya, Xitoy, Janubiy Koreya, Malayziya, Qozog'iston, Qirg'iziston, Rossiya, Belarus, Bolgariya, Finlyandiya, Tailand, Indoneziya va Filippin.

Hamkor oliy ta'lim muassasalari qatorida — University of Greenwich (Buyuk Britaniya); Turkiyada — Ankara University, Ankara Hacı Bayram Veli University, Cappadocia University, Bandırma Onyedi Eylül University, Balıkesir University, Karabük University, Istanbul Gelişim University; Xitoyda — Xinjiang University, Tianjin University of Technology; Janubiy Koreyada — Korea Aerospace University, Gangneung-Wonju National University; Kazan Federal University (Rossiya); Belarus Milliy Texnika Universiteti.

Hamkorlik talabalar va professor-o'qituvchilar almashinuvi, qo'shma ilmiy-tadqiqot loyihalari, yozgi va qishki maktablar, xalqaro konferensiyalar hamda grant dasturlarida ishtirok etishni o'z ichiga oladi. University of Greenwich bilan qo'sh diplom dasturi amal qiladi, unga ko'ra ta'limni Londonda yakunlash imkoniyati mavjud.

{}

Renessans Universiteti talabalari University of Greenwich (Buyuk Britaniya) diplomini olish imkoniyatiga ega: Toshkentda bir necha yil taʼlim olgandan soʻng, dasturni Londonda davom ettirish va yakunlash imkoniyati ochiladi — Toshkentda toʻplangan kreditlar toʻliq hisobga olinadi. Xuddi shunday qoʻsh diplom dasturlari Turkiya va Xitoy universitetlari bilan ham amal qiladi.

Universitet talabalarni hamkor davlatlardagi yozgi va qishki maktablarga, xalqaro konferensiyalarga hamda xorijiy oliygohlar bilan qoʻshma ilmiy loyihalarga ham yoʻnaltiradi.