Sharof Rashidov nomidagi Samarqand davlat universiteti

FAKULTET HAQIDA O’zbekiston Respublikasi Prezidentining 2020 yil 29 apreldagi “O’zbekiston Respublikasida yuridik ta’lim va fanni tubdan takomillashtirish to’g’risida”gi PF-5987-sonli Farmoni hamda Samarqand Davlan universitet rektorining 2020 yil 20 iyundagi 290-ij buyrug’iga asosan Samarqand davlat universitetida Yuridik fakulteti tashkil etildi. Fakultetda 5240100-“Yurisprudensiya”, 5111600-“Milliy g’oya, ma’naviyat asoslari va huquq ta’limi”, “Falsafa” yo’nalishlari bo‘yicha bakalavr, 5A 120503-Etika va estetika, 5A111601 Ijtimoiy gumanitar fanlarni o’qitish metodikasi (Ma’naviyat asoslari), 5A120501-Falsafa (sohalar bo’yicha) mutaxassisliklari bo‘yicha magistrantlar hamda “Ijtimoiy falsafa”, “Ontologiya, gnoseologiya va mantiq” ixtisosliklari bo‘yicha tayanch doktorantura va doktorantura ixtisosliklari bo‘yicha oily malakali kadrlar tayyorlanmoqda. Bugungi kunda fakultetda Huquqshunoslik va huquq ta’limi, Falsafa va milliy g’oya, kafedralari mavjud bo‘lib, ularda 7 ta fan doktori, 29 ta fan nomzodi (shundan, falsafa fanlari doktori (PhD) 15 ta), 15 ta dosentlardan iborat bo‘lgan tajribali professor o‘qituvchilar jamoasi faoliyat ko‘rsatmoqda. Fakultetda 432 nafar bakalavr-1 kursda-164 nafar, 2-kursda-116 nafar, 3-kursda-91 nafar, 4-kursda- 60 nafar talaba, 1 va 2-bosqichda 13 nafar magstr tahsil oladi va 22 ta akademik guruh mavjud. MALAKA TALABLARI Bakalavriat yo'nalishi malaka talablari va o'quv rejalari 5240100 Yurisprudensiya 5111600 Milliy g’oya, ma’naviyat asoslari va huquq ta’limi 5120500 Falsafa Magistratura yo'nalishi malaka talablari 5A120503 Etika va estetika 5A111601 Ijtimoiy gumanitar fanlarni o’qitish metodikasi (ma’naviyat asoslari) 5A120501 Falsafa (sohalar bo’yicha)

INSTITUT HAQIDA 1927-yilda O‘zbek davlat universiteti (hozirgi SamDU) tashkil etilgan vaqtdan boshlab, fizika-matematika fakulteti ham faoliyatini boshlagan edi. Birinchi marta Samarqandda fiziklar tayyorlash ishiga Rossiyadan taklif etilgan olim prof.A.M.Titov rahbarlik qilib, 1933-yilda A.Yu.Pedder va N.P.Kuznesovlar bilan birgalikda «Umumiy fizika», 1935-yilda «Optika va nazariy fizika» kafedralarni tashkil etgan edi. 1933-yilda prof.A.M.Titov rahbarligida birinchi marta Quyosh energiyasidan foydalanish (Geliofizika) bo’yicha ilmiy ishlar olib borishdi va uning rahbarligida 1935-yilda K.T.Abdirashidov, A.G.Kochnevlar, 1936-yilda A.N.Tekuchyov, S.U.Sultonov, Muso Mo’minovlar nomzodlik dissertatsiyasini himoya qildilar. Fizika fanining rivojida prof. Muso Mo‘minovning xizmatlarini alohida e’tirof etish kerak. U 1944-yilda O‘zbek Davlat universitetiga rektorlik qilish bilan birga «Nazariy fizika» kafedrasi mudiri lavozimini ham bajardi va «Umumiy fizika», «Optika» kafedralarini tashkil etdi. 1951-yilda M.Mo‘minov, H.Haydarov bilan birga birinchi marta o‘zbek tilida «Molekulyar fizikadan» laboratoriya va o‘quv qo‘llanmalarini yaratdi. 1961-yil avgustda fizika-matematika fakulteti tarkibidan fizika fakulteti alohida ajralib chiqdi va fizika fani rivojida yangi davr boshlangan edi. 1959-yilda A.Q.Otaxo‘jayev (keyinchalik O‘zFA akademigi) Optika kafedrasiga mudir bo‘lib tayinlanishi, SamDUda Optiklar maktabining shakllanishiga olib keldi. Fakultetda uzoq yillar davomida olib borilgan ilmiy-tadqiqot ishlari natijalari asosida hozirgi kunda 6 ta ilmiy maktab yaratildi. 1.Optika (Asoschisi va ilmiy rahbari akademik A.Q.Otaxo’jayev), 2. Yadro fizikasi (Asoschisi prof. Muso Mo‘minov), 3. Magnetizm (Asoschisi va ilmiy rahbari prof.O.Quvondiqov), 4. Kosmos fizikasi va astrofizika (Asoschisi va ilmiy rahbari prof.B.Maxmudov), Nochiziqli optika yo’nalishi (Asoschisi va Ilmiy rahbari prof.L.M.Sobirov) va Molekulyar lyuminesensiya yo‘nalishi (Asoschisi va Ilmiy rahbari prof.N.Nizomov). O’zbekiston Respublikasi Prezidentining 2021-yil 19-martdagi “Fizika sohasidagi ta’lim sifatini oshirish va ilmiy tadqiqotlarni rivojlantirish chora tadbirlari to’g’risida”gi PQ-5032 qarori hamda 2022-yil 13-yanvardagi “Samarqand davlat universiteti faoliyatini yanada takomillashtirishga doir qo’shimcha chora tadbirlar to’g’risida”gi PQ-82 qarori asosida SamDUda fizika fakulteti negizida Muhandislik fizikasi instituti tashkil etildi. Institutda 6 ta mutaxassislik kafedralari faoliyat ko’rsatmoqda: Optika va spektroskopiya (kafedra mudiri PhD .G’.Sharifov), Umumiy fizika (kafedra mudiri dos.R.Rajabov), Nazariy fizika va kvant elektronika (kafedra mudiri prof.N.Eshqobilov), Qattiq jismlar fizikasi (kafedra mudiri dos.S.Axrorov), Yadro fizikasi va Astronomiya (kafedra mudiri dos.R.M.Eshbo’riyev), Nazariy va amaliy mexanika (kfedra mudiri prof. X.Xudoynazarov). Shuningdek, 2022-2023-o’quv yilidan boshlab, institutda yangi yo’nalishlarda jumladan, Elektronika va asbobsozlik; Intellektual muhadislik tizimlari; Elektron apparaturalar ishlab chiqarish texnologiyasi; Mashinasozlik texnologiyasi, mashinasozlik ishlab chiqarishni jihozlash va avtomatlashtirish; Tibbiyot fizikasi; Mexanika va matematik modellashtirish yo‘nalishlarida mutaxassislar tayyorlash yo‘lga qo‘yildi. Institutda ta’kidlab o’tilgan yo’nalishlar bo’yicha 1000 dan ko’proq talabalar tahsil olmoqdalar va 50 nafardan ortiq malakali magistr mutaxassislar tayyorlanmoqda. Institutda ilmiy salohiyat 74%ni tashkil qiladi, kafedralarda 1 nafar O’zbekiston Respublikasi Fanlar akademiyasi akademigi, 17 nafar fan doktorlari, professorlar, 35 nafar fan nomzodlari, dosentlar hamda 16 nafar katta o’qituvchi, assistentlar bilan birgalikda 10 nafar xorijiy professor-o’qituvchilar faoliyat olib bormoqdalar. MALAKA TALABLARI 60530900- Fizika(kunduzgi, kechki) 60531200-Tibbiyot fizikasi 60711200-Elektronika va asbobsozlik (tarmoqlar bo‘yicha) 60711600-Intellektual muhandislik tizimlari (tarmoqlar va sohalar bo‘yicha) 60720800-Mashinasozlik texnologiyasi, mashinasozlik ishlab chiqarishini jihozlash va avtomatlashtirish 60531000-Mexanika va matematik modellashtirish MAGISTRATURA 70530901 - Fizika (yo‘nalishlar bo‘yicha) 70530902 - Yadro fizikasi va yadro texnologiyalari (qo‘llash sohalari bo‘yicha) 70711201 - Elektronika va elektron texnikasi (tarmoqlar bo‘yicha) 70711801 - Tibbiy-biologik apparatlar, tizimlar va majmualar (qo‘llanish sohasi bo‘yicha) 70720801 - Mashinasozlik texnologiyasi va jihozlari (ishlab chiqarish bo‘yicha) 70711601 - Intellektual muhandislik tizimlari (tarmoqlar va sohalar bo‘yicha) 70531001 - Mexanika va matematik modellashtirish

Institut haqida Inson resurslari va mahalla taraqqiyotini boshqarish instituti Vazirlar Mahkamasining 2023-yil 3-iyuldagi 12/8-32 - sonli Qarori bilan Sharof Rashidov nomidagi Samarqand davlat universiteti tarkibida o‘z faoliyatini boshladi. Mazkur institutga tamal toshi 1992-yilda SamDU ning amaliy matematika va informatika fakultetida professor H.To‘rayev va professor K.Saidovlar tomonidan qo‘yilgan. O‘sha yili fakultet tarkibida “Ishlab chiqarishni tashkil etish va boshqarish ” mutaxassisligi bo‘yicha talabalar qabul qilingan. Yildan-yilga qabul kvotasining ortib borishi bilan fakultet tarkibida iqtisodiyot va mehnat sotsiologiyasi, ichki va tashqi turizm menejmenti va nazariy iqtisodiyot kafedralari tashkil etildi. SamDU rektorining 1997-yil 15-avgustdagi buyrug‘iga muvofiq iqtisodiyot fakulteti ochildi. Hozirgi vaqtda institut tarkibida tarmoqlar iqtisodiyoti, inson resurslarini boshqarish va raqamli iqtisodiyot kafedralari faoliyat olib bormoqda. Ushbu kafedralar iqtisodiyot (tarmoqlar va sohalar bo‘yicha), raqamli iqtisodiyot (tarmoqlar va sohalar bo‘yicha), bank ishi, agrobiznes va investitsion faoliyat hamda inson resurslarini boshqarish yo‘nalishlarida bakalavriat talabalariga dars bermoqda. Institutda asosiy eʼtibor salohiyatli yosh mutaxassis kadrlarni tayyorlashga qaratilgan. Institutning ilmiy salohiyatining oshib borishi bilan kafedralarda iqtisodiyot nazariyasi, mehnat iqtisodiyoti va sotsiologiyasi, menejment, inson resurslarini boshqarish va raqamli iqtisodiyot mutaxassisliklari bo‘yicha magistratura va tayanch-doktoranturalar faoliyati yo’lga qo’yildi. Bugungi kunda institut qoshida “Inson resurslarini boshqarish” ilmiy tadqiqot Markazi faoliyat yuritmoqda. Markaz tomonidan har yil qator xalqaro, respublika ilmiy-amaliy konferensiyalar va malaka oshirish kurslari tashkil etilmoqda hamda xo‘jalik va grant shartnomalari bajarilmoqda. Markaz qoshida OAK eʼtirof etgan jurnallar ro‘yxatiga kiruvchi “Inson kapitali va ijtimoiy rivojlanish” elektron jurnali taʼsis etilgan. Hozirgi davrda institutning asosiy maqsadlaridan biri dunyoning yetakchi oliy taʼlim muassasalari bilan hamkorlikni yo‘lga qo‘yishga qaratilgan. Shu maqsadda, 2023-yilda institut Janubiy Koreyaning Yongnam universiteti, Tomsk davlat universiteti, V.M.Plexanov nomidagi Rossiya Iqtisodiyot universiteti hamda qator jahonning yuqori reytinglaridan o‘rin olgan universitetlar bilan hamkorlik aloqalari yo‘lga qo‘yilgan.

INSTITUT HAQIDA Universitet tarkibidagi yangi Agrobiotexnologiyalar va oziq-ovqat xavfsizligi instituti 2022-yilda tashkil etildi. Mazkur institut zamonaviy ilm-fan yutuqlari, xususan ilg‘or biotexnologik yutuqlarni ta’lim tizimida keng va samarali joriy etish orqali zamonaviy agrar ta’lim tizimini shakllantirish va yangi avlod agromutaxassislarni tayyorlashni o‘z oldiga maqsad qilgan. Institut tarkibida quyidagi 3 ta kafedra faoliyati yo‘lga qo‘yilgan: (1) Agrokimyo va o‘simliklarni himoya qilish kafedrasi; (2) Meva-uzumchilik va sabzavotchilik kafedrasi; (3) Tuproqshunoslik va agrotexnologiyalar kafedrasi. Bugungi kunda institutda 22 nafar professor-o‘qituvchilar faoliyat olib bormoqda. Institutda 8 ta bakalavr ta’lim yo‘nalishlari va 2 ta magistratura mutaxassisliklari mavjud. Institutda “Mevachilik va uzumchilik”, “Sabzavotchilik, polizchilik va kartoshkachilik”, “Agrokimyo va agrotuproqshunoslik”, “Dorivor o‘simliklarni yetishtirish va qayta ishlash texnologiyasi”, “O‘simliklarni himoya qilish (ekin turlari bo‘yicha)”, va “Issiqxona xo‘jaligini tashkil etish va yuritish” kabi bakalavr ta’lim yo‘nalishlari hamda Uzumchilik va uzumni qayta ishlash texnologiyasi va Himoyalangan yer meva sabzavotchiligi magistratura mutaxassisliklari bo‘yicha kadrlar tayyorlash tizimi yo‘lga qo‘yildi. Xalqaro hamkorlikni mustahkamlash maqsadida institut Italiyaning Bolonya universiteti, AQShning Nevada universiteti, Isroilning Xolon texnologiya instituti, Turkiyaning Anqara universiteti, Rossiyaning Belgorod universitetlari va mintaqamizda faoliyat ko‘rsatayotgan IKARDA va IKBA xalkaro agrar tadqiqot markazlari bilan hamkorlik olib bormoqda. Shuningdek, o‘quv jarayonining amaliyot bilan uzviy bog‘liqligini ta’minlash maqsadida mahalliy qishloq xo‘jalik kooperatsiyalari va agrosanoat klasterlari bilan mustahkam hamkorlik ishlari o‘rnatilmoqda. Institutning o‘quv jarayonlarini zamon talablari va standartlariga mos ravishda tashkil etish maqsadida yetakchi xorijiy universitetlar bilan yaqindan hamkorlik olib borilmoqda. Institutning xorijiy hamkorlari Italiyaning Bolonya universiteti, Vengriyaning Seged universiteti, AQSH ning Nevada universiteti, Turkiyaning Anqara universiteti, Rossiyaning Belgorod universiteti. Agrobiotexnologiyalar va oziq-ovqat xavfsizligi institutida mavjud ta’lim yo‘nalishlari va magistratura mutaxassisliklari Bakalavriat ta’lim yo‘nalishlari Agrokimyo va agrotuproqshunoslik O‘simliklarni himoya qilish (ekin turlari bo‘yicha) Qishloq xo‘jaligi ekinlari seleksiyasi va urug‘chiligi (ekin turlari bo‘yicha) Zooinjeneriya: baliqchilik Mevachilik va uzumchilik Sabzavotchilik, polizchilik va kartoshkachilik Issiqxona xo‘jaligini tashkil etish va yuritish Dorivor o‘simliklarni yetishtirish va qayta ishlash texnologiyasi Magistratura mutaxassisliklari Eksperimental agrokimyo Agrokimyo Organik dehqonchilik va oziq-ovqat xavfsizligi O‘simliklar himoyasi (usullari bo‘yicha) Subtropik va sitrus meva ekinlari Uzumchilik va uzumni dastlabki qayta ishlash Meva-sabzavotchilikda biotexnologiya Sabzavotchilik va polizchilik Kartoshkachilik Himoyalangan yer meva sabzavotchiligi Dorivor o‘simliklarni yetishtirish texnologiyasi

FAKULTET HAQIDA SamDU Ilmiy kengashining 2020 yil 16-iyundagi №11-sonli qarori va universitet rektorining 2020 yil 18-iyundagi 290-ij buyruqlari bilan ijtimoiy fanlarning xususiyatlaridan kelib chiqib, Psixologiya, Ijtimoiy ish va Sotsiologiya yo’nalishlarini o’z tarkibiga olgan “Psixologiya va ijtimoiy munosabatlar” fakulteti tashkil etildi. Hozirgi kunda fakultetda jami 45 nafar professor-o’qituvchilar faoliyat ko’rsatib kelishmoqda. Bulardan 1 nafari fan doktori, professor, 13 nafari fan nomzodi, PhD doktorlari, dosentlardir. Talabalar o’quv jarayonida zamonaviy axborot texnogiyalaridan foydalanish uchun shart-sharoitlar yaratilgan, 12 ta texnik jihozlangan o’quv auditoriyalarda darslar olib boriladi. MALAKA TALABLARI Bakalavriat yo'nalishi malaka talablari 60311000 Sosiologiya 60310900 Psixologiya (faoliyat turlari bo’yicha) 60920100 Ijtimoiy ish (faoliyatning turli sohalari bo’yicha) 60220500 - Falsafa Magistratura yo'nalishi malaka talablari 5A210201 Psixologiya (faoliyat turlari bo’yicha)

BIOKIMYO INSTITUTI HAQIDA 2023-yilda SamDU kimyo va biologiya fakultetlari negizida Biokimyo instituti tashkil etildi. Institutda 10 ta kafedra faoliyat ko‘rsatmoqda: 1. Analitik kimyo 2. Botanika 3. Genetika va biotexnologiya 4. Zoologiya 5. Noorganik kimyo va materialshunoslik 6. Odam va hayvonlar fiziologiyasi va biokimyo 7. Organik sintez va bioorganik kimyo 8. Polimerlar kimyosi va kimyoviy texnologiya 9. Fizikaviy va kolloid kimyo 10. O‘simliklar fiziologiyasi va mikrobiologiya Bugungi kunda institutda 100 dan ortiq professor-o‘qituvchilar, shundan 17 ta fan doktori, professorlar, 72 ta fan nomzodlari, PhD, dotsentlar hamda 10 dan ortiq xorijiy olimlar faoliyat olib bormoqda. Institutning ilmiy salohiyat 84,4% ni tashkil etadi. Institutda quyidagi bakalavr yo‘nalishlari bo‘yicha, kunduzgi, kechki ta’lim turlari bo‘yicha kadrlar tayyorlanadi: 1. Biologiya (turlari bo‘yicha); 2. Kimyo (turlari bo‘yicha); 3. Biotexnologiya (tarmoqlar bo‘yicha); 4. Kimyoviy texnologiya (ishlab chiqarish turlari bo‘yicha); Shu bilan birga, biologiya, biotexnologiya, kimyo yo‘nalishlari magistratura mutaxassisliklari bo‘yicha kadrlar tayyorlash tizimi yo‘lga qo‘yilgan. Institutda ilmiy daraja beruvchi PhD.28.02.2018.K.02.05, PhD.03/30.12.2019.B.02.08 raqamli ilmiy kengashlar faoliyat olib bormoqda. Unda “02.00.02–Analitik kimyo”, “02.00.04–Fizik kimyo”, “03.00.05-Botanika”, “03.00.06–Zoologiya”, “03.00.07-O‘simliklar fiziologiyasi va biokimyosi”, “03.00.08- Odam va hayvonlar fiziologiyasi” ixtisosliklari bo‘yicha ilmiy ishlar himoyasi o‘tkazilmoqda. Institut bir qator xorijiy oliy ta’lim muassasalari bilan hamkorlik qilib kelinmoqda, Italiyaning Boloniya, AQSH ning Nevada, Turkiyaning Istanbu, Anqara, Afyon Kojatepe, Rossiyaning Moskva, Tomsk, Qozon, Vengriyaning Szeged, Germaniyaning Berlin universitetlari shular jumlasidandir. Institutda 4000 dan ortiq eksponatga ega «Zoologiya» muzeyi, zamonaviy ilg‘or asbob-uskunalar bilan jihozlangan, Nobel mukofoti laureati, professor Aziz Sanjar nomidagi «Zamonaviy analiz usullari» ilmiy laboratoriyasi, 1000 dan ortiq nusxadagi 250 ga yaqin tur o‘simliklar o‘stirilayotgan «Oranjeriya», minglab nusxadagi gerbariylar saqlanyotgan «Gerbariy fondi», «Gazlar analizi» ilmiy laboratoriyasi, «Ekologik tizimlar va priborlar» ilmiy laboratoriyasi, mahalliy faunamizda uchraydigan barcha turdagi hasharotlarni o‘zida mujassamlashtirgan «Entomologik kolleksiya», «Zamonaviy biotexnologik tadqiqotlar» ilmiy laboratoriyasi, tirik hayvonlar bilan bog‘liq tadqiqotlar uchun «Vivariy» laboratoriyalari faoliyat ko‘rsatmoqda.

Markaziy Osiyo xalqlari tillari va madaniyati instituti haqida.
Markaziy Osiyo xalqlari tillari va madaniyati instituti ya'ni avvalgi Filologiya fakulteti universitet bilan tengdosh - u 1927 yilda tashkil etilgan. Fakultetning ilm-fan va ta’lim maskani sifatida shakllanishida Abdurauf Fitrat, Abdurahmon Sa’diy, G’ozi Olim Yunusov, Sadriddin Ayniy, Vohid Abdullayev, Ulug’ Tursunov, Yevgeniy Polivanov, Abdulla Sulaymonov, Orif Ikromov, Xudoyberdi Doniyorov, G’ani Abdurahmonov, Botirxon Valixo’jayev, Rahmatulla Qo’ng’urov, Nuriddin Shukurov, Rahmonqul Orzibekov, Nazar Rajabov kabi taniqli olimlarning xizmatlari kattadir. Bugungi kungacha fakultet «filologlar beshigi» sifatida mamlakatimiz va Markaziy Osiyo respublikalari ta’lim tizimiga o’n minglab yuqori malakali filolog-mutaxassislar tayyorlab berdi. Ular orasida atoqli davlat, jamoat va fan arboblari, 120 dan ziyod fan doktorlari, 500 ga yaqin fan nomzodlari yetishib chiqdi. Hozirgi paytda fakultetda 5120100 – filologiya va tillarni o’qitish (o’zbek tili), 5120100 – filologiya va tillarni o’qitish (tojik tili) yo’nalishlari bo’yicha bakalavriat; 5A120101 – Adabiyotshunoslik (o’zbek adabiyoti), 5A120102 – Lingvistika (o’zbek tili), 5A120101 – Adabiyotshunoslik (tojik adabiyoti), 5A120102 – Lingvistika (tojik tili) mutaxassisliklari bo’yicha magistratura ta’limi berilmoqda. 10.00.01 - O’zbek tili. 10.00.02 - O’zbek adabiyoti, 10.00.06 – Qiyosiy adabiyotshunoslik, chog’ishtirma tilshunoslik va tarjimashunoslik, 10.00.05 – Osiyo va Afrika xalqlari tillari va adabiyotlari bo’yicha tayanch doktorantura (PhD) va doktorantura (DSc) ixtisosliklari bo’yicha oliy malakali kadrlar tayyorlanmoqda. Hozirgi paytda fakultetda 12 nafar fan doktori, professor, 25 nafar fan nomzodi, dosentlar faoliyat olib bormoqdalar. Ulardan ikki nafari (M.Muhiddinov, H.Umurov) “O’zbekistonda xizmat ko’rsatgan yoshlar murabbiyi” faxriy unvoniga sazovor bo’lgan. 10 nafar professor-o’qituvchi davlatimizning orden va medallari bilan taqdirlangan. Fakultetdagi 5 ta kafedrada ishlayotgan 65 nafar professor-o’qituvchilar o’zbek tili va adabiyoti, tojik tili va adabiyoti, adabiyotshunoslik va tilshunoslik yo’nalishlarida samarali tadqiqotlar olib borishmoqda. Fakultetda 5120100 – filologiya va tillarni o’qitish (o’zbek tili), 5120100 – filologiya va tillarni o’qitish (tojik tili) yo’nalishlari bo’yicha bakalavriatda 611 nafar talaba, 5A120101 – Adabiyotshunoslik (o’zbek adabiyoti), 5A120102 – Lingvistika (o’zbek tili), 5A120101 – Adabiyotshunoslik (tojik adabiyoti), 5A120102 – Lingvistika (tojik tili) mutaxassisliklari bo’yicha 36 nafar yosh tadqiqotchi magistraturada ta’lim olmoqda. Shuningdek, talaba-yoshlar uchun «Shalola» she’riyat klubi, «Yosh tilshunos», «Yosh adabiyotshunos», «Yosh notiq» kabi ilmiy-ijodiy to’garaklar mavjud bo’lib, ular fakultetdagi hamda fakultet jamoasi hamkorlik qilayotgan akademik lisey va kasb-hunar kollejlaridagi ijodkor yoshlarni o’z saflariga birlashtirgan. MALAKA TALABLARI Bakalavriat yo'nalishi malaka talablari 5120101 Filologiya va tillarni o’qitish: o’zbek tili 5120117 Filologiya va tillarni o’qitish: tojik tili Magistratura yo'nalishi malaka talablari 5A111201 O’zbek tili va adabiyoti 5A120101 Adabiyotshunoslik: o’zbek adabiyoti 5A120101 Adabiyotshunoslik: tojik adabiyoti 5A120102 Lingvistika: o’zbek tili 5A120102 Lingvistika: tojik tili 5A120105 Folklorshunoslik va dialektologiya

FAKULTET HAQIDA Fakultetda 5120300-“Tarix-(jahon mamlakatlari bo‘yicha)”, 5120400-“Arxeologiya”, 5110600 – “Tarix o‘qitish metodikasi” yo‘nalishlari bo‘yicha bakalavr, 5A120401-Arxeologiya, 5A 120301-O‘zbekiston tarixi, 5A 120302-Tarix (yo‘nalishlar va mamlakatlar bo‘yicha), 5A120304-Tarixshunoslik, manbashunoslik tarixi tadqiqotlar metodlari, 5A120402- Etnografiya, etnologiya va antropologiya mutaxassisliklari bo‘yicha magistrantlar hamda 4 ta ixtisoslik bo‘yicha 07.00.01 - O‘zbekiston tarixi, 07.00.05 - Arxeologiya, 07.00.03 - Jahon tarixi, 07.00.08 - Tarixshunoslik, manbashunoslik va tarixiy tadqiqot usullari tayanch doktorantura (PhD) ixtisosliklari bo‘yicha oliy malakali kadrlar tayyorlanmoqda. Bugungi kunda fakultetda O‘zbekiston tarixi, Arxeologiya, Jahon tarixi, Tarixshunoslik va manbashunoslik kafedralari mavjud bo‘lib, ularda 8 ta fan doktori, professor, 18 ta fan nomzodi, dotsent, 42 ta katta o‘qituvchi va assistentlardan iborat bo‘lgan tajribali professor o‘qituvchilar jamoasi faoliyat ko‘rsatmoqda. Fakultetda 1173 nafar bakalavr, magistr tahsil olishmoqda. 2020-2021-o‘quv yilida 196 ta bakalavr o‘qishni tugatib, ulardan 130 nafari xalq ta’limida, 14 nafari KHK da, 6 nafari litseyda, 8 nafari fermer xo‘jaligida, 14 nafari xizmat ko‘rsatish sohasida, 8 nafari ishlab chiqarish yo‘nalishida, 6 nafari mahalla fuqoralar yig‘inida, 4 nafari ijro boshqaruv tashkilotlarida, 6 nafari Viloyat IIB da ishlamoqda, 5 nafari magistratura ta’limida tahsil olmaqda, 3 nafari onalik ta’tilida hisoblanadi. Fakultetda oxirgi 10 yil mobaynida O‘zbekiston Respublikasi Prezidenti stipendiyasi va 10 nafar talaba Alisher Navoiy, Amir Temur va Yahyo Gʻulomov davlat stipendiyasi sovrindorlari bo‘lishgan va ulardan 3 nafari hozirgi kunda fakultetda faoliyat olib bormoqda. Professor M.Abramov (1994) - “Do‘stlik” va “Shuhrat” davlat ordeni, professor M.Jo‘raqulov «O‘zbekiston Respublikasida xizmat ko‘rsatgan yoshlar murabbiysi» , «O‘zbekiston Respublikasida xizmat ko‘rsatgan xalq ta’limi xodimi» unvonlari, PhD Hamroqulova Shohista “Shuhrat” medali sohibi hisoblanadi. Fakultetda xalqaro hamkorlik doirasida amalga oshirilayotgan ishlar ham salmoqli. Jumladan, hozirgi kunda imzolangan shartnomalar doirasida Moskva, Sankt-Peterburg, Tomsk, Samara (Rossiya Federasiyasi), Insubriya, Bolonya (Italiya), Bamberg, Olmon arxeologiya instituti (Germaniya), Leyden (Gollandiya), Nagoya (Yaponiya) va boshqa nufuzli oliy ta’lim muassasalari bilan ilmiy-amaliy hamkorlik qilib kelishmoqda: o‘tgan davr mobaynida almashinuv dasturi doirasida professor-o‘qituvchilar va talabalar almashinuvi va malaka kurslarida o‘qish, bakalavriat va magistratura yo‘nalishlari bo‘yicha tahsilni davom ettirishmoqda: Xitoy Xalq respublikasidan 7 nafar talaba, Janubiy Koreya davlatidan 1 nafar talaba tahsil olishayotgan bo‘lsa, Janubiy Koreyalik magistrant va doktorant arxeologiya, hindistonlik doktorant manbashunoslik va tarixshunoslik ixtisosligida, Turkmaniston Respublikasidan 2 nafar bakalavr talaba tarix yo‘nalishida tahsil olishmoqda. Shuningdek, “Arxeologiya” kafedrasi Germaniyaning Yevrosiyo bo‘limi bilan hamkorlikda “O‘zbek-Germaniya arxeologik ekspeditsiyasini tashkil etish va Zarafshon vohasida razvedka ishlarini olib borish” bo‘yicha imzolangan shartnoma doirasida Qo‘shrabot tumanining Toz, Jonbuloq, Urganji qishloqlari atroflarida arxeologik qidiruv ishlari olib borildi. Fakultetimiz professor-o‘qituvchilari Niderlandiya, Ispaniya, Rossiya kabi davlatlarning oliy o‘quv yurtlarida ma’ro‘zalar bilan qatnashib kelishmoqda. Fakultetda falsafa doktori (PhD) ilmiy darajasini beruvchi PhD. 31.01.2019.Tar.02.10 raqamli 07.00.01-O‘zbekiston tarixi ixtisosligi bo‘yicha Ilmiy kengash faoliyat ko‘rsatmoqda. 2017-yili fakultetimizning “Ulug‘bek vorislari” jamoasi tafakkur sinovlari respublika tanlovining mintaqaviy g‘olibi bo‘lishdi. Fakultetimizda tahsil olayotgan talabalar orasida jahon, respublika va mahalliy musobaqalarda sovrinli o‘rin sohiblari ham bor. Jumladan, Karimov Bobur - muaytay sport turi bo‘yicha jahon chempioni, Xabibov Fayoz - qo‘l jangi buyicha O‘zbekiston chempionati sovrindori, Rajabov Nazir - taekvando sport turi buyicha O‘zbekiston chempionati sovrindori, Ro‘ziyeva Dinora, Xudoyerov Rustam, Xasanov Doston, Burxonova Go‘zal, Abdumrotov Shaxzod, Shukurov Yorbek, Tursunov Diyorbek, Baxriddinov Xusen - baydarka va kanoeda eshkak eshish sport turi bo‘yicha O‘zbekiston chempionlari. MALAKA TALABLARI Bakalavriat yo'nalishi malaka talablari 5120300 Tarix (mamlakatlar va mintaqalar bo’yicha) 5120400 Arxeologiya 5110600 Tarix o’qitish metodikasi Magistratura yo'nalishi malaka talablari 5A120301 O’zbekiston tarixi 5A120302 Tarix (yo’nalishlar va mamlakatlar bo’yicha) 5A120304 Tarixshunoslik, manbashunoslik va tarixiy tadqiqot usullari (mamlakatlar bo’yicha) 5A120401 Arxeologiya 5A120402 Etnografiya, etnologiya va antropologiya

FAKULTET HAQIDA. Sun'iy intellekt va raqamli texnologiyalari fakulteti dastlab Amaliy matematika va informatika fakulteti sifatida  2017-yilda maxanika-mtematika fakultetidan ajralib qayta tashkil etildi va yanvardan boshlab alohida fakultet sifatida faoliyat ko’rsatib kelmoqda. Fakultetda talim olgan 1700 nafardan ziyod malakali kadrlar Respublika xalq xo’jaligining turli soxalarida mehnat qilmoqdalar. Ulardan 20 nafari fan doktori va 40 kishi fan nomzodi ilmiy darajasiga erishgan.Hozirgi paytda fakultetda 5130200 – “Amaliy matematika va informatika”, 5110701 – “Informatikani o’qitish metodikasi”, 5330100 – “Axborot tizimlarining matematik va dasturiy ta’minoti” yo’nalishlari bo’yicha bakalavriat; 5A110701 – Ta’limda axborot texnologiyalari, 5A130200 – “Amaliy matematika va axborot texnologiyalari” mutaxassisliklari bo’yicha magistratura ta’limi berilmoqda. 05.01.02 – “Tizimli tahlil, boshqaruv va axborotlarni qayta ishlash”, 01.02.05 – “Suyuqlik va gaz mexanikasi”, 05.01.07 – “Matematik modellashtirish. Sonli usullar va dasturlar majmui” ixtisosliklari bo’yicha tayanch doktorantura (PhD) va doktoranturalarda (DSc) oliy malakali kadrlar tayyorlanmoqda.Fakultetda “Axborotlashtirish texnologiyalari”, “Matematik modellashtirish va kompleks dasturlash”, “Optimal boshqaruv metodlari ” kafedralari mavjud bo’lib ularda 4 ta professor, 17 ta dotsent, 2 ta katta o’qituvchi hamda 20 ta assistent o’qituvchilar faoliyat olib bormoqdalar.Talabalar o’quv jarayonida zamonaviy axborot texnogiyalaridan foydalanish uchun shart-sharoitlar yaratilgan, 4 ta kompyuter sinfi (80 ta kompyuter), 10 ta texnik jihozlangan alohida auditoriyalarda darslar olib boriladi.Fakultetda “Axborot texnologiyalari va tizimlari”, “Anomal suyuqliklar mexanikasi” ilmiy maktablari faoliyat olib bormoqda va ularni tashkil etish va rivojlanishida prof. I.I.Jumanov va prof. B.X.Xujayorovlarning hissalarinni alohida ta’kidlash mumkin.Kafedralar professor-o’qituvchilari zamonaviy axborot texnologiyalarini ta’limda qo’llash, ma’lumotlar bazasi va axborot resurslarini yaratish, dasturiy ta’minotni ishlab chiqish va joriy etish yo’nalishlari bo’yicha ilmiy tadqiqot ishlarini olib bormoqda. Soha bo’yicha ilmiy tadqiqot ishlari natijalari asosida 15 dan ortiq dasturiy mahsulotlari yaratilgan.Fakultet hududdagi o’rta maxsus va oliy ta’lim muassasalari, korxona va tashkilotlar bilan fanning zamonaviy yutuqlarini tadbiq qilish ehtiyojlarini hisobga olgan holda shartnomalar tuzib, ularning bazasida malakali mutaxassis kadrlar tayyorlamoqda. MALAKA TALABLARI Bakalavriat yo'nalishi malaka talablari 5110700 Informatika o’qitish metodikasi 5130200 Amaliy matematika va informatika 5330100 Axborot tizimlarining matematik va dasturiy ta’minoti Magistratura yo'nalishi malaka talablari 5A110701 Ta’limda axborot texnologiyalari 5A130202 Amaliy matematika va axborot texnologiyalari

FAKULTET HAQIDA Fakultet dastlab 1966-yilda tashkil etilgan. Bu ishda asosiy tashabbuskor va tashkilotchi Mardon Umarov bo‘lgan. Prof. M.Umarov 1966-yildan 1991-yilga qadar uzluksiz 25-yil davomida dekan vazifasida ishladi va ilmiy kadrlarni ko‘paytirish sohalarida katta tashkilotchilik ishlarini olib borgan. Hozirgi vaqtda fakultetda 3 ta ta’lim yo‘nalishlari (geografiya, ekologiya va gidrometeorologiya) bo‘yicha bakalavrlar, 4 mutaxassislik bo‘yicha (geografiya o‘rganish obyekti, ekologiya, tuproqshunoslik, gidrologiya) magistrlar tayyorlanadi. 50 nafar professor-o‘qituvchi, jumladan, 9 nafar fan doktori, professor, 12 nafar fan nomzodi, dosent va katta o‘qituvchi assistent o‘qituvchilar faoliyat ko‘rsatmoqda. Fakultetda 500 nafar talaba hamda 25 ta magistrant tahsil olmoqda. Fakultetda 1 ta kompyuter sinfi, geologiya muzeyi, 14 ta o‘quv xonalari hamda O‘zbekiston-Azarbayjon do‘stlik xonasi mavjud. Fakultet xodimlari 1994-1997-yillar davomida turizm, urbanizasiya va shahar ekologiyasi muammolari bo‘yicha TASIS/TEMPUS dasturi asosida Belgiya, Ispaniya va Italiya davlatlari hamkorligida Urbalayf loyihasida qatnashib, Bryussel La-Kambra oliy arxitektura instituti, Milan politexnika universitetlarida malaka oshirgan. Fakultetda “El-yurt hurmati” ordeni sohibi, Umumta’lim maktablarining 6-sinf o‘quvchilari uchun tavsiya etilgan “Materiklar va okeanlar tabiiy geografiyasi” o‘quv qo‘llanmasi muallifi prof.A.Abulqosimov hamda bir necha yillar davomida NATOning atrof-muhit muhofazasi komissiyasi a’zosi, “O‘zbekiston Respublikasi fan arbobi” prof. L.Alibekovlar faoliyat ko‘rsatmoqda. Fakultet xodimlari fundamental, amaliy tadqiqotlar va innovasion loyihalar bo‘yicha ilmiy - tadqiqot ishlarini bajarib kelishmoqda. Jumladan, “Samarqand viloyatining o‘lkashunoslik atlasini tuzish”, “Samarqand viloyatining atrof-muhit muhofazasi”, “Ichimlik suvlar sifati”, “Maishiy xo‘jalik chiqindilarining tarqalishi”, "Yangi statsionar postlar yordamida Samarqand viloyatining elektr energiya beradigan shamol resurslarini o‘rganish va kartasini tuzish" hamda "Zarafshon vodiysining rekreasiya, turistik va ekologik kartalarini tuzish" mavzusilari bo‘yicha ilmiy tadqiqotlarda grant ishlari bajarmoqda. Fakultetda iqtidorli talabalar bilan ishlash ham yaxshi yo‘lga qo‘yilgan. 2010-yilda U.Abjalova Beruniy, 2011-yilda N.Erlapasov - Qodir Zokirov nomli, 2013-yilda K.Qobilova - Jo‘ra Saidov nomli, 2015-yilda R.Davronova - Ulug’bek nomli Davlat mukofoti sovrindori bo‘lishgan. 2017-2018-o‘quv yilida fakultetning 4 nafar bitiruvchilari Rossiyaning Shimoliy Kavkaz Federal universitetiga grant asosida magistraturaga qabul qilindi. Xorijiy aloqalar sohasida hozirgi kunda fakultet xodimlari xalqaro ECAP loyihasida chet ellik hamkorlar bilan ilmiy tadqiqot ishlarini olib bormoqdalar. MALAKA TALABLARI Bakalavriat yo'nalishi malaka talablari 5110500 Geografiya o’qitish metodikasi 5140700 Gidrometeorologiya 5140600 Geografiya 5630100 Ekologiya va atrof-muhit muhofazasi tarmoqlar va sohalar bo’yicha) Magistratura yo'nalishi malaka talablari 5A140602 Geografiya (o’rganish obekti bo’yicha) 5A141101 Gidrologiya (o’rganish obektlari bo’yicha) 5A630102 Ekologiya (tarmoqlar va sohalar bo’yicha)

FAKULTET HAQIDA Samarqand davlat universitetining tarixi 1420-yil 21-sentabrda Mirzo Ulug‘bek madrasasi tashkil topgan paytdan, buyuk olim Muhammad Xavofiy Klavdiy Ptolemey nazariyasi bo‘yicha 100 dan ortiq tinglovchilar oldida ilmiy ma’ruza qilgan paytdan boshlanadi. Oʻsha kundan eʼtiboran Mirzo Ulugʻbek madrasasi faoliyat koʻrsata boshladi, unda islom qonunlari bilan bir qatorda algebra (al-jabr), geometriya (handasa), huquq (fiqh) va boshqa fundamental fanlar ham oʻqitiladi. Samarqand davlat universiteti Mirzo Ulug‘bek madrasasining bevosita davomchisi ekanligini yozma manbalar va ilmiy tadqiqotlar tasdiqlaydi. Matematika fakulteti universitetning eng qadimgi fakultetlaridan biri hisoblanadi. Fakultet zamonaviy ilmiy-texnikaviy va o‘quv-moddiy bazaga ega, jumladan, o‘quv va ilmiy laboratoriyalar, lingafon xonalari, kompyuter sinflari, bosma va elektron kutubxonalar, audiovizual va interfaol o‘quv qurollari bilan jihozlangan o‘quv xonalariga egadir. Matematika fakulteti Missuri universiteti (AQSh), Kiel universiteti (Germaniya), Abdussalom xalqaro nazariy fiziklar markazi (ICTP, Italiya), Toronto universiteti (Kanada) Moskva davlat universiteti. M.V. Lomonosov. , Birlashgan Yadro tadqiqotlari instituti, Axborot uzatish muammolari instituti, RAS Amaliy matematika instituti, Boshqird federal universiteti, Qozon federal universiteti, Malayziyaning Kebangsan, MARA, Putra, UTARU Malayziya kabi koʻplab yetakchi universitetlar bilan yaqin ilmiy aloqalar o’rnatilgan. Fakultet tuzilishi Hozirgi kunda fakultetda 6 ta kafedra mavjud: 1. Algebra va geometriya, 2. Matematik analiz, 3. Matematik fizika va funksional analiz, 4. Differensial tenglamalar, 5. Ehtimollar nazariyasi va amaliy matematika, 6. Matematik modellashtirish Ma’ruza va amaliy mashg‘ulotlarni 1 nafar akademik, 15 nafar fan doktori va professor, 60 nafardan ortiq fan nomzodi, falsafa doktori va dotsentlar, 15 nafar doktorantlar matematikaning turli yo‘nalishlari bo‘yicha ilmiy-tadqiqot ishlarini olib bormoqdalar. Matematika fakulteti quyidagi yo‘nalishlar bo‘yicha bakalavrlar, magistrlar va doktorantlar (PhD va DsC) tayyorlaydi. Bakalavr: Matematika Matematik muhandislik Mexanika va matematik modellashtirish Amaliy matematika. Malaka: bakalavr; To'liq vaqtda ta'lim; kechqurun, yozishmalar. O'qitish tili: o'zbek, rus. tojik, ingliz. Asosan: 11 sinf; O'qish muddati: 4 yil; Kurs: To'liq kurs; Magistrlik darajasi: 70540101 – Matematika (yo‘nalishlar bo‘yicha) 5A130202 - "Amaliy matematika" Magistratura dasturi matematika fanining bugungi holatini aks ettiradi va quyidagi yo‘nalishlar bo‘yicha zamonaviy tadqiqot usullariga ega bo‘lgan mutaxassislarni tayyorlashga yo‘naltirilgan: matematik tahlil, funksional tahlil va ularni zamonaviy matematik fizikaga tatbiq etish, differensial tenglamalarning spektral nazariyasi va Shturm-Liouvil nazariyasi. masalalar, differensial tenglamalarning sifat nazariyasi, matematik fizikaning noto‘g‘ri qo‘yilgan va klassik bo‘lmagan masalalari, chiziqli bo‘lmagan algebraik va differensial tenglamalarning quvvat geometriyasi, ehtimollar nazariyasi va matematik statistika, qattiq mexanika, kontinuum mexanikasi, elastiklik nazariyasi, suyuqlik va gaz mexanikasi va boshqalar. tuproq mexanikasi. Ushbu dastur doirasidagi tayyorgarlik bitiruvchilarga bo‘lajak matematik-tadqiqotchilar uchun PhD ta’limini davom ettirish, shuningdek, oliy o‘quv yurtlarida yaxshi tayyorlangan mutaxassis sifatida ish boshlash imkonini beradi. Malaka: fanlar magistri (MSc) Matematika bakalavriga asoslangan To'liq vaqtda ta'lim - 2 yil Tillar: o'zbek, rus. tojik, ingliz. Doktorantura (PhD va DsC): 01.01.01 - matematik tahlil; 01.01.02 - differentsial tenglamalar va matematik fizika; 01.01.06 - Algebra 01.02.05 - Suyuqlik va gaz mexanikasi Doktorantura dasturi quyidagi yo‘nalishlar bo‘yicha zamonaviy tadqiqot usullarini puxta egallagan yuqori malakali mutaxassislarni tayyorlashga yo‘naltirilgan: matematik tahlil, funksional tahlil va ularni zamonaviy matematik fizikaga tatbiq etish, differentsial tenglamalarning spektral nazariyasi, noto‘g‘ri va doimiy bo‘lmagan tenglamalar. matematik fizikaning klassik masalalari, matematik fizikaning teskari va noto'g'ri qo'yilgan muammolari va integral geometriya masalalari; nochiziqli algebraik va differensial tenglamalarning kuch geometriyasi, nazariy mexanika, qattiq mexanika, tuproq mexanikasi, suyuqlik va gaz mexanikasi. Malaka: matematika boʻyicha falsafa doktori, Fizika-matematika fanlari doktori. Matematika magistri asosida. To'liq vaqtda ta'lim - 3 yil. Tillar: o'zbek, rus. tojik, ingliz.