Yunus rajabiy nomidagi o‘zbek milliy musiqa sanʼati instituti

O`ZBEK MILLIY MUSIQA VA SAN'AT INSTITUTI

Vazirlar Mahkamasi 2020-yil 2-sentabrdagi 536-sonli “Yunus Rajabiy nomidagi O‘zbek milliy musiqa san’ati instituti faoliyatini tashkil etish to‘g‘risida”gi qarori asosida O‘zbekiston davlat konservatoriyasi hamda O‘zbekiston davlat san’at va madaniyat institutining tegishli ta’lim yo‘nalishlari negizida Yunus Rajabiy nomidagi O‘zbek milliy musiqa san’ati instituti tashkil etildi. U maqom ijrochiligi, baxshichilik va katta ashula yo‘nalishlari bo‘yicha kadrlar tayyorlovchi tayanch oliy ta’lim muassasasi hisoblanadi.

STD .Talabalar kirish vizasi (oliy ta’lim muassasalararo almashish asosida — vaqtincha ta’lim olish davriga)

O‘zbekiston Respublikasi hududida joylashgan oliy ta’lim muassasalarida qisqa muddatda (oliy ta’lim muassasalararo almashishga binoan yoki oliy ta’lim muassasalararo o‘zaro aloqalar doirasida vaqtincha asosda) ta’lim oluvchi xorijiy talabalarga 1 yilgacha muddatga beriladi, o‘z tasarrufida ta’lim muassasasiga ega bo‘lgan O‘zbekiston Respublikasining ta’lim muassasalari, vazirliklar, idoralar va tashkilotlar iltimosnomalariga ko‘ra rasmiylashtiriladi.

O‘quv kirish vizasi (doimiy asosda — ta’lim davriga)

O‘zbekiston Respublikasi hududida joylashgan ta’lim muassasalarida ta’lim oluvchi xorijiy talabalarga 1 yilgacha muddatga beriladi, o‘z tasarrufida ta’lim muassasasiga ega bo‘lgan O‘zbekiston Respublikasining ta’lim muassasalari, vazirliklar, idoralar va tashkilotlar iltimosnomalariga ko‘ra rasmiylashtiriladi.

Zamonaviy musiqa yo‘nalishida xalqaro hamkorlikning yangi istiqbollari

Yunus Rajabiy nomidagi O‘zbek milliy musiqa san’ati instituti rektori Eldor Shermanov hamda Rossiya kompozitorlari uyushmasi Oltoy hududiy bo‘limi raisi, Sibir xalqaro zamonaviy musiqa san’ati markazi a’zosi, xalqaro tanlovlar sovrindori, taniqli kompozitor Olga Dyujina o‘rtasida uchrashuv bo‘lib o‘tdi.

Muloqot davomida ikki tomonlama madaniy-ma’rifiy aloqalarni mustahkamlash, zamonaviy musiqa yo‘nalishida tajriba almashish, qo‘shma ijodiy loyihalarni amalga oshirish hamda professor-o‘qituvchilar va talabalar ishtirokida xalqaro seminar-treninglar, mahorat darslari va ilmiy-amaliy anjumanlar tashkil etish masalalari atroflicha muhokama qilindi.

Shu bilan birga, Olga Dyujina xonim o‘zining ijodiy faoliyati, zamonaviy kompozitorlik maktabidagi tendensiyalar, Sibir mintaqasida musiqiy ta’lim va san’atni rivojlantirishga qaratilgan tashabbuslar haqida batafsil ma’lumot berdi. Shuningdek, u institutimizda olib borilayotgan islohotlar, milliy musiqa merosini asrab-avaylash va uni zamonaviy talqinlarda targ‘ib etish borasidagi ishlarni yuksak baholab, kelgusida O‘zbekiston va Rossiya o‘rtasidagi madaniy hamkorlikni yangi bosqichga olib chiqish yuzasidan o‘z fikr-mulohazalarini bildirdi.

Uchrashuv yakunida tomonlar o‘zaro hamkorlikni yo‘lga qo‘yish bo‘yicha memorandum imzolash, qo‘shma konsert dasturlari va ijodiy uchrashuvlar tashkil etish, shuningdek, iqtidorli talabalar uchun xalqaro grant va tanlovlarda ishtirok etish imkoniyatlarini kengaytirish yuzasidan kelishuvga erishdilar. Bunday uchrashuvlar mamlakatimizda musiqa san’ati va ta’lim sifatini yangi bosqichga olib chiqish, milliy san’atimizni jahon miqyosida munosib targ‘ib etish hamda yosh avlodning ijodiy salohiyatini ro‘yobga chiqarishda muhim ahamiyat kasb etishi ta’kidlandi.

Baekseok universiteti bilan hamkorlik memorandumi imzolandi.

Yunus Rajabiy nomidagi O‘zbek milliy musiqa san'ati institutiga Janubiy Koreyaning Baekseok universiteti prezidentining Xalqaro ishlar bo‘yicha o‘rinbosari, professor Beom Joon Kim boshchiligidagi delegatsiya tashrif buyurdi.

Muloqot davomida instituti rektori Eldor Shermanov hamda xorijiy delegatsiya a'zolari tomonidan ikki oliy ta’lim muassasalarining ta’lim jarayoni, ilmiy faoliyati, ijodiy yo‘nalishlari, xalqaro tajribalari hamda rivojlanish istiqbollari yuzasidan atroflicha fikr almashildi. Tomonlar musiqiy ta’lim, ilmiy tadqiqotlar, akademik almashinuv, qo‘shma xalqaro loyihalar hamda madaniy tashabbuslarni birgalikda amalga oshirish masalalariga alohida e’tibor qaratdilar.

Uchrashuv yakunida ikkala oliy ta'lim muassasalari o‘rtasida hamkorlik memorandumi imzolanib, kelgusida qo‘shma ta’lim dasturlari, ilmiy-amaliy loyihalar va ijodiy tashabbuslarni amalga oshirish uchun mustahkam asos bo‘lib xizmat qiladi.

{}